വർക്കി ഫൗണ്ടേഷൻ അവാർഡ്​ ബ്രിട്ടീഷ്​ അധ്യാപികക്ക്​

അബൂദബി: ഇൗ വർഷത്തെ വർക്കി ഫൗണ്ടേഷൻ ​ഗ്ലോബൽ ടീച്ചർ പുരസ്​കാരം ബ്രിട്ടീഷ്​ അധ്യാപികയായ ആ​ൻഡ്രിയ സാഫിറകോവിന്​. ലണ്ടൻ ബ്രൻറിലെ ആൽപട്രോൺ കമ്യൂണിറ്റി സ്​കൂൾ അധ്യാപികയാണ്​ ആ​ൻഡ്രിയ സാഫിറകോവ്​. യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമി​​​െൻറ രക്ഷാകർതൃത്വത്തിലുള്ള പുരസ്​കാരം പത്ത്​ ലക്ഷം യു.എസ്​ ഡോളറി​േൻറതാണ്​. 

കൊമേഡിയനും നടനുമായ ട്രെവർ നോഹ്​, നടിയും ഗായികയുമായ ജെന്നിഫർ ഹഡ്​സൺ തുടങ്ങിയവർ പ​െങ്കടുത്ത ചടങ്ങിൽ പുരസ്​കാരം സമ്മാനിച്ചു. നാലു തവണ ഫോർമുല വൺ ചാമ്പ്യനായ ലെവിസ്​ ഹാമിൽട്ടൺ മെഴ്​സിഡസ്​ ബെൻസ്​ ജി.ടി.സി കാറോടിച്ച്​ ചടങ്ങിലേക്ക്​ വന്നത്​ പരിപാടിയുടെ മാറ്റ്​ കൂട്ടി. ബ്രിട്ടീഷ്​ പ്രധാനമന്ത്രി തെരേസ മേയുടെ വിഡിയോ സന്ദേശം പുരസ്​കാര വേദിയിൽ പ്രദർശിപ്പിച്ചു.