വളാഞ്ചേരി സ്വദേശി അബൂദബിയിൽ നിര്യാതനായി; സന്ദർശന വിസയിലെത്തിയതായിരുന്നു

അബൂദബി: സന്ദർശന വിസയിൽ സഹോദരങ്ങളുടെ അരികെയെത്തിയ മലപ്പുറം വളാഞ്ചേരി സ്വദേശി അബൂദബിയിൽ ഹൃദയാഘാതം മൂലം മരിച്ചു. വളാഞ്ചേരി കാവുംപുറം പണ്ടാറ വളപ്പിൽ മുഹമ്മദ് (ബാവ), കദിയാമു ദമ്പതികളുടെ മകൻ മുഹ്‌സിൻ(48) ആണ് മരിച്ചത്.

ശനിയാഴ്ച രാത്രി സഹോദരങ്ങൾക്കൊപ്പം ഭക്ഷണം കഴിച്ച ശേഷം ഉറങ്ങിയ ഇദ്ദേഹത്തെ മരിച്ച നിലയിൽ കണ്ടെത്തുകയായിരുന്നു. മൃതദേഹം ബനിയാസ് മോർച്ചറിയിൽ സൂക്ഷിച്ചിരിക്കുകയാണ്. നടപടികൾ പൂർത്തിയാക്കി നാട്ടിലെത്തിച്ചു ഖബറടക്കുമെന്ന് ബന്ധുക്കൾ അറിയിച്ചു. ഭാര്യ: റഷീദ. മക്കൾ: അമൻ മുഹമ്മദ്, അംന, അമിൽ.