Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightU.A.Echevron_right...

ഭി​ന്ന​ശേ​ഷിക്കാ​ർ​ക്ക് വാ​ക്സി​ൻ വീ​ട്ടി​ൽ

text_fields
bookmark_border
ഭി​ന്ന​ശേ​ഷിക്കാ​ർ​ക്ക് വാ​ക്സി​ൻ വീ​ട്ടി​ൽ
cancel

ദു​ബൈ: സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ൾ​ക്കും കോ​വി​ഡ് വാ​ക്സി​ൻ എ​ത്തി​ക്കാ​നു​ള്ള തീ​വ്ര​ശ്ര​മം തു​ട​രു​ന്ന രാ​ജ്യ​ത്ത് ഭി​ന്ന​ശേ​ഷി​ക്കാ​ർ, വി​ട്ടു​മാ​റാ​ത്ത രോ​ഗ​ങ്ങ​ളാ​ൽ വ​ല​യു​ന്ന​വ​ർ എ​ന്നി​വ​ർ​ക്ക് വീ​ടു​ക​ളി​ലെ​ത്തി വാ​ക്സി​ൻ ന​ൽ​കും. ക​ഴി​ഞ്ഞ ദി​വ​സം വ​യോ​ജ​ന​ങ്ങ​ൾ​ക്ക് വീ​ടു​ക​ളി​ൽ വാ​ക്സി​ൻ ല​ഭ്യ​മാ​ക്കു​മെ​ന്ന പ്ര​ഖ്യാ​പ​ന​ത്തി​ന് പി​ന്നാ​ലെ​യാ​ണ് പു​തി​യ അ​റി​യി​പ്പ്. ഇ​ത്ത​രം വി​ഭാ​ഗ​ത്തി​ൽ​പെ​ട്ട​വ​ർ​ക്ക് വീ​ടു​ക​ളി​ൽ വാ​ക്സി​ൻ എ​ത്തി​ക്കു​ന്ന​തി​നാ​യി പ്ര​ത്യേ​ക മെ​ഡി​ക്ക​ൽ ടീ​മു​ക​ൾ സ​ജ്ജ​മാ​ണെ​ന്നും സം​ഘം താ​മ​സ​ക്കാ​ർ​ക്ക് അ​വ​രു​ടെ വീ​ടു​ക​ളി​ൽ വാ​ക്സി​ൻ ന​ൽ​കു​മെ​ന്നും അ​ബൂ​ദ​ബി ഹെ​ൽ​ത്ത് സ​ർ​വി​സ​സ് ക​മ്പ​നി (സേ​ഹ) ഉ​ന്ന​ത ഉ​ദ്യോ​ഗ​സ്ഥ​ൻ വ്യ​ക്ത​മാ​ക്കി.

ഈ ​വി​ഭാ​ഗ​ങ്ങ​ളി​ൽ​പെ​ടു​ന്ന​വ​ർ വാ​ക്സി​ൻ സ്വീ​ക​രി​ക്കു​ന്ന​തി​നാ​യി 80050 എ​ന്ന ന​മ്പ​റി​ൽ ബ​ന്ധ​പ്പെ​ട​ണ​മെ​ന്ന് സെ​ഹ​യു​ടെ ആ​ക്ടി​ങ്​ ഗ്രൂ​പ് ചീ​ഫ് ഓ​പ​റേ​ഷ​ൻ ഓ​ഫി​സ​ർ ഡോ. ​മ​ർ​വാ​ൻ അ​ൽ കാ​ബി പ​റ​ഞ്ഞു.വി​ത​ര​ണ കേ​ന്ദ്ര​ങ്ങ​ളി​ലെ​ത്തി വാ​ക്സി​ൻ സ്വീ​ക​രി​ക്കാ​ൻ ക​ഴി​യാ​ത്ത വ​യോ​ജ​ന​ങ്ങ​ൾ​ക്കും കി​ട​പ്പ് രോ​ഗി​ക​ൾ​ക്കും വീ​ടു​ക​ളി​ൽ വാ​ക്സി​ൻ എ​ത്തി​ക്കു​മെ​ന്ന് ആ​രോ​ഗ്യ മ​ന്ത്രാ​ല​യം ക​ഴി​ഞ്ഞ ദി​വ​സം വ്യ​ക്ത​മാ​ക്കി​യി​രു​ന്നു. ഇ​ന്ന​ത്തെ ഞ​ങ്ങ​ളു​ടെ സ​ന്ദേ​ശം രാ​ജ്യ​ത്തെ മു​തി​ർ​ന്ന പൗ​ര​ന്മാ​ർ​ക്കു​ള്ള​താ​ണെ​ന്ന്​ തു​ട​ങ്ങു​ന്ന കു​റ​പ്പി​ലാ​ണ് യു.​എ.​ഇ ആ​രോ​ഗ്യ മേ​ഖ​ല​യു​ടെ വ​ക്താ​വ് ഡോ. ​ഫ​രീ​ദ് അ​ൽ ഹോ​സ്നി ഇ​ക്കാ​ര്യം വ്യ​ക്ത​മാ​ക്കി​യ​ത്. വ​യോ​ജ​ന​ങ്ങ​ൾ​ക്ക് വാ​ക്സി​ൻ ന​ൽ​കു​ന്ന​തി​ന്​ ഉ​യ​ർ​ന്ന പ​രി​ഗ​ണ​ന​യാ​ണ് സ്വീ​ക​രി​ച്ചി​ട്ടു​ള്ള​ത്. കേ​ന്ദ്ര​ങ്ങ​ളി​ലെ​ത്താ​ൻ ക​ഴി​യാ​ത്ത വ​യോ​ജ​ന​ങ്ങ​ൾ​ക്ക് അ​വ​രു​ടെ വീ​ടു​ക​ളി​ലെ​ത്തി വാ​ക്സി​ൻ ന​ൽ​കും.

നി​ങ്ങ​ളെ പ​രി​ര​ക്ഷി​ക്കാ​ൻ ഞ​ങ്ങ​ൾ​ക്ക് അ​വ​സ​രം ത​രൂ, ഞ​ങ്ങ​ൾ നി​ങ്ങ​ളു​ടെ അ​രി​കി​ലെ​ത്തി ആ​രോ​ഗ്യ​സ്ഥി​തി വി​ലി​യി​രു​ത്തു​ന്ന​തി​നും വാ​ക്സി​ൻ ന​ൽ​കു​ന്ന​തി​നും നി​ങ്ങ​ളു​ടെ വീ​ടു​ക​ൾ സ​ന്ദ​ർ​ശി​ക്കാം - മു​തി​ർ​ന്ന​വ​ർ​ക്കു​ള്ള സ​ന്ദേ​ശ​ത്തി​ൽ ഡോ. ​ഫ​രീ​ദ് അ​ൽ ഹോ​സ്നി വ്യ​ക്ത​മാ​ക്കി. യു.​എ.​ഇ ഇ​തി​ന​കം 1.39 ദ​ശ​ല​ക്ഷ​ത്തി​ല​ധി​കം വാ​ക്സി​ൻ ഡോ​സു​ക​ൾ താ​മ​സ​ക്കാ​ർ​ക്ക് ന​ൽ​കി​യി​ട്ടു​ണ്ട്.

Show Full Article
TAGS:vaccine handicapped 
Next Story