കുട്ടികൾക്കായി അബൂദബിയിൽ വാക്സിൻ കേന്ദ്രം

അബൂദബി: മൂന്നിനും 16നും ഇടയിൽ പ്രായമുള്ള കുട്ടികൾക്ക് കോവിഡ് വാക്സിനേഷൻ നൽകുന്നതിനായി അബൂദബിയിൽ പുതിയ ആരോ​ഗ്യകേന്ദ്രം തുറന്നു. ആരോ​ഗ്യമന്ത്രാലയം, ഏർളി ചൈൽഡ് ഹുഡ് അതോറിറ്റി എന്നിവയുമായി സഹകരിച്ച് സേഹയാണ് ഇത്തിഹാദ് ഹീറോസ് ഹെൽത്ത്​ കെയർ സെന്‍റർ ആരംഭിച്ചത്.

തിങ്കൾ മുതൽ വെള്ളി വരെ പുലർച്ച ഒന്നു മുതൽ രാത്രി എട്ടുവരെയാണ് പ്രവർത്തനം. വിദ​ഗ്ധരായ ആരോ​ഗ്യപ്രവർത്തകരുടെ സേവനം ഉണ്ടാകും.

അൽ ഇത്തിഹാദ് സെന്‍റർ ഇരുന്ന അതേ സ്ഥലത്താണ് ഇത്തിഹാദ് ഹീറോസ് ഹെൽത് കെയർ പ്രവർത്തിക്കുന്നത്​.