സ്കൂ​ൾ അ​ട​ച്ചു; ഇ​നി അ​വ​ധി​ക്കാ​ലം

അ​ൽ ഐ​ൻ: ശൈ​ത്യ​കാ​ല അ​വ​ധി​ക്കാ​യി യു.​എ.​ഇ​യി​ലെ സ്കൂ​ളു​ക​ൾ അ​ട​ച്ചു. ഷാ​ർ​ജ​യി​ൽ വ്യാ​ഴാ​ഴ്ച​യും മ​റ്റ്​ എ​മി​റേ​റ്റു​ക​ളി​ൽ വെ​ള്ളി​യാ​ഴ്ച​യു​മാ​ണ്​ സ്കൂ​ൾ അ​ട​ച്ച​ത്. ഇ​തോ​ടെ, ര​ക്ഷി​താ​ക്ക​ളും കു​ട്ടി​ക​ളും നാ​ട്ടി​ലേ​ക്ക്​ പ​റ​ന്നു​​തു​ട​ങ്ങി. മൂ​ന്നാ​ഴ്ച​ത്തെ അ​വ​ധി​ക്ക്​ ശേ​ഷം ജ​നു​വ​രി ര​ണ്ടി​നാ​ണ് സ്കൂ​ളു​ക​ൾ തു​റ​ക്കു​ക. ഏ​ഷ്യ​ൻ സ്കൂ​ളു​ക​ളി​ലെ ര​ണ്ടാം​പാ​ദ​മാ​ണ്​ അ​വ​സാ​നി​ച്ച​ത്.ക്രി​സ്മ​സും ന്യൂ ​ഇ​യ​റും വ​രാ​നി​രി​ക്കു​ന്ന​തി​നാ​ൽ നി​ര​വ​ധി കു​ട്ടി​ക​ളും മാ​താ​പി​താ​ക്ക​ളും ക​ഴി​ഞ്ഞ ദി​വ​സ​ങ്ങ​ളി​ലാ​യി നാ​ട്ടി​ലേ​ക്ക്​ തി​രി​ച്ചി​രു​ന്നു. എ​ന്നാ​ൽ, ക​ന​ത്ത നി​ര​ക്കാ​ണ്​ നാ​ട്ടി​ലേ​ക്ക്​ ഈ ​ദി​ന​ങ്ങ​ളി​ൽ വി​മാ​ന​ക്ക​മ്പ​നി​ക​ൾ ഈ​ടാ​ക്കു​ന്ന​ത്.

ഇ​തു​​മൂ​ലം യാ​ത്ര മാ​റ്റി​വെ​ച്ച​വ​രും നി​ര​വ​ധി​യാ​ണ്. അ​തേ​സ​മ​യം, ഈ ​മാ​സം തു​ട​ക്ക​ത്തി​ൽ രാ​ജ്യ​ത്തി​ന്‍റെ ദേ​ശീ​യ​ദി​ന അ​വ​ധി വ​ന്ന​തി​നാ​ൽ വി​ദ്യാ​ർ​ഥി​ക​ൾ​ക്ക് ഒ​രാ​ഴ്ച മാ​ത്ര​മാ​ണ് ഡി​സം​ബ​റി​ൽ പ്ര​വൃ​ത്തി​ദി​ന​ങ്ങ​ളാ​യി ഉ​ണ്ടാ​യി​രു​ന്ന​ത്. അ​തി​നാ​ൽ പ​ല കു​ടും​ബ​ങ്ങ​ളും ഈ ​മാ​സം തു​ട​ക്ക​ത്തി​ൽ​ത​ന്നെ അ​വ​ധി ആ​ഘോ​ഷി​ക്കാ​ൻ നാ​ട്ടി​ലേ​ക്ക് തി​രി​ച്ചി​ട്ടു​ണ്ട്. അ​ടു​ത്ത ആ​ഴ്ച മു​ത​ൽ എ​യ​ർ ഇ​ന്ത്യ ക്രി​സ്മ​സ്​ ഓ​ഫ​ർ പ്ര​ഖ്യാ​പി​ച്ചി​ട്ടു​ണ്ട്. എ​ന്നാ​ൽ, നാ​ട്ടി​ലേ​ക്ക്​ തി​രി​ക്കാ​നു​ള്ള​വ​രി​ൽ പ​ല​രും നേ​ര​ത്തെ​ത​ന്നെ കൂ​ടി​യ തു​ക​ക്ക്​ ടി​ക്ക​റ്റ്​ ബു​ക്ക്​ ചെ​യ്യു​ക​യും നാ​ട​ണ​യു​ക​യും ചെ​യ്തു.

ഭേ​ദ​പ്പെ​ട്ട നി​ര​ക്കി​ൽ ടി​ക്ക​റ്റ്​ ല​ഭി​ക്കു​ന്ന​തോ​ടെ അ​ടു​ത്ത ആ​ഴ്ച​ക​ളി​ലാ​യി കൂ​ടു​ത​ൽ കു​ടും​ബ​ങ്ങ​ൾ നാ​ട്ടി​ലേ​ക്ക്​ തി​രി​ക്കും. സ്കൂ​ൾ തു​റ​ക്കു​ന്ന ജ​നു​വ​രി ആ​ദ്യ വാ​ര​വും ടി​ക്ക​റ്റ്​ നി​ര​ക്ക്​ കൂ​ടു​ത​ലാ​ണ്. ജ​നു​വ​രി 15 വ​രെ ടി​ക്ക​റ്റ്​ നി​ര​ക്ക്​ കൂ​ടു​ത​ലാ​യ​തി​നാ​ൽ പ​ല​രും അ​തി​ന്​ ശേ​ഷ​മാ​യി​രി​ക്കും മ​ട​ങ്ങി​യെ​ത്തു​ക. കു​ട്ടി​ക​ളു​ടെ ക്ലാ​സ്​ ന​ഷ്ട​പ്പെ​ടു​മെ​ങ്കി​ലും കു​ടും​ബ​സ​മേ​തം എ​ത്തു​മ്പോ​ൾ ടി​ക്ക​റ്റ്​ ഇ​ന​ത്തി​ൽ വ​ലി​യൊ​രു തു​ക ന​ഷ്ട​മാ​കാ​തി​രി​ക്കാ​നാ​ണ്​ പ്ര​വാ​സി​ക​ൾ യാ​ത്ര വൈ​കി​ക്കു​ന്ന​ത്. അ​ടു​ത്ത പാ​ദ​ത്തി​ലാ​ണ്​ വാ​ർ​ഷി​ക പ​രീ​ക്ഷ​ക​ളും സി.​ബി.​എ​സ്.​ഇ, കേ​ര​ള ബോ​ർ​ഡ് പ​രീ​ക്ഷ​ക​ളും ന​ട​ക്കു​ക.