യൂസ്​ഡ്​ കാറി​െൻറ  ചരിത്രമറിയണോ;  ആർ.ടി.എ. തരും

ദുബെ: ഉപയോഗിച്ച കാർ വാങ്ങുന്നതിന്​ മുമ്പ്​ അതി​​​െൻറ ചരിത്രമറിയണോ. ആർ.ടി.എ. തരും. വെഹിക്കിൾ കണ്ടീഷൻ സർട്ടിഫിക്കറ്റ്​ എന്ന പുതിയ സേവനം തന്നെ ഇതിനായി ആരംഭിച്ചു കഴിഞ്ഞു. എത്ര കിലോമീറ്റർ ഒാടി, മുമ്പ്​ എ​ത്ര ഉടമകൾ ഉണ്ടായിരുന്നു, ഏറ്റവും ഒടുവിൽ നടത്തിയ പരിശോധനയിൽ വാഹനത്തി​​​െൻറ നിലവാരം എന്തായിരുന്നു, കേസുകളിലും മറ്റും അകപ്പെട്ടിരുന്നോ  തുടങ്ങിയ കാര്യങ്ങളെല്ലാം ഇതിൽ നിന്ന്​ മനസിലാക്കാം. വാഹന വിൽപനയുമായി ബന്ധപ്പെട്ട തട്ടിപ്പുകൾ തടയാൻ ഇൗ സംവിധാനം ഉപകരിക്കുമെന്ന്​ ആർ.ടി.എ. ലൈസൻസിങ്​ ഏജൻസി ഡയറക്​ടർ സുൽത്താൻ അൽ മർസൂർഖി പറഞ്ഞു.

ഉടമയുടെ അനുമതി​യോടുകൂടി മാത്രമെ ഇത്​ നൽകുകയുള്ളൂവെന്ന്​ ആർ.ടി.എ. അറിയിച്ചു. ഇതിനായി ഉടമ പിൻകോഡ്​ സഹിതമുള്ള എസ്​.എം.എസ്.​ആർ.ടി.എക്ക്​ നൽകണം. ആർ.ടി.എ വെബ്​സൈറ്റിൽ വാഹനത്തി​​​െൻറ ഷാസി നമ്പർ അടക്കം അപേക്ഷ നൽകുകയാണ്​ ആദ്യ പടി. വിവരങ്ങൾ നൽകാനാവുമെങ്കിൽ ആർ.ടി.എ. വിവരം അറിയിക്കും. തുടർന്ന്​ 100 ദിർഹം ഫീസ്​ നൽകിയാൽ സർട്ടിഫിക്കറ്റ്​ ലഭ്യമാകും. വിദേശത്ത്​ നിന്ന്​ ഇറക്കുമതി ചെയ്യുന്ന വാഹനങ്ങളുടെ വിവരങ്ങൾ പോലും നൽകാനുള്ള സംവിധാനമാണ്​ ആർ.ടി.എ. ഒരുക്കിയിരിക്കുന്നത്​. ഇതിനായി അമേരിക്കയിലെ കാർഫാക്​സ്​, യൂറോപ്പിലെ ഒാ​േട്ടാ ഡി.എൻ.എ. എന്നിവയുമായി ആർ.ടി.എ. ധാരണയിൽ എത്തിയിട്ടുണ്ട്​.