റോക്കറ്റിന്​ സ്ഥിരം വേദി അന്വേഷിച്ച് യു.എസ്​ പവലിയൻ അധികൃതർ

ദു​ബൈ: എ​ക്സ്​​പോ 2020 ദു​ബൈ സ​ന്ദ​ർ​ശി​ച്ച മി​ക്ക​വ​രു​ടെ​യും ക​ണ്ണി​ലു​ട​ക്കി​യ കാ​ഴ്ച​യാ​യി​രു​ന്നു യു.​എ​സ്​ പ​വ​ലി​യ​ന്​ മു​ന്നി​ലെ പ​ടു​കൂ​റ്റ​ൻ റോ​ക്ക​റ്റ്. ലോ​ക​ത്തി​ലെ ഏ​റ്റ​വും നൂ​ത​ന​മാ​യ റോ​ക്ക​റ്റു​ക​ളി​ലൊ​ന്നാ​യ സ്‌​പേ​സ്എ​ക്‌​സി​ന്‍റെ ഫാ​ൽ​ക്ക​ൻ-9​ന്‍റെ മോ​ഡ​ലാ​യി​രു​ന്നു ഇ​ത്. വി​ശ്വ​മേ​ള​ക്ക്​ കൊ​ടി​യി​റ​ങ്ങി​യ​തോ​ടെ പ​വ​ലി​യ​ൻ അ​ധി​കൃ​ത​ർ റോ​ക്ക​റ്റ്​ പ്ര​ദ​ർ​ശ​ന​ത്തി​ന്​ സ്ഥി​രം വേ​ദി തേ​ടി​യി​റ​ങ്ങി​യി​രി​ക്ക​യാ​ണ്. 43 മീ​റ്റ​ർ നീ​ള​മു​ള്ള റോ​ക്ക​റ്റി​ന്​​ ബ​ഹു​നി​ല ബി​ൽ​ഡി​ങ്ങി​ന്‍റെ ഉ​യ​ര​മു​ണ്ട്. ബ​ഹി​രാ​കാ​ശ യാ​ത്ര​ക​ളെ പ​റ്റി​യു​ള്ള യു.​എ​സ്​ പ​വ​ലി​യ​ൻ എ​ക്​​സി​ബി​ഷ​ൻ ക​ണ്ട്​​ പു​റ​ത്തി​റ​ങ്ങു​​ന്ന സ്ഥാ​ന​ത്താ​ണ്​ ഇ​ത്​ സ്ഥാ​പി​ച്ചി​രു​ന്ന​ത്. ​ഇ​വി​ടെ​നി​ന്ന്​ ചി​ത്ര​ങ്ങ​ൾ പ​ക​ർ​ത്താ​ൻ സ​ന്ദ​ർ​ശ​ക​രു​ടെ വ​ൻ തി​ര​ക്കാ​യി​രു​ന്നു. റോ​ക്ക​റ്റി​ന്‍റെ മാ​തൃ​ക ഭാ​വി​യി​ലും കൂ​ടു​ത​ൽ സ​ന്ദ​ർ​ശ​ക​രെ ആ​ക​ർ​ഷി​ക്കു​മെ​ന്നാ​ണ്​ പ്ര​തീ​ക്ഷ​യെ​ന്നും പ്ര​ദ​ർ​ശ​ന​ത്തി​നാ​യി പു​തി​യ കേ​ന്ദ്രം അ​ന്വേ​ഷി​ക്കു​ക​യാ​ണെ​ന്നും ദു​ബൈ യു.​എ​സ്​ കോ​ൺ​സു​ലേ​റ്റി​ലെ ഡെ​പ്യൂ​ട്ടി കോ​ൺ​സു​ൽ ജ​ന​റ​ൽ വെ​ളി​പ്പെ​ടു​ത്തി. അ​പ്പോ​ളോ മി​ഷ​നി​ലൂ​ടെ എ​ത്തി​ച്ച ച​ന്ദ്ര​നി​ലെ റോ​ക്ക് സാ​മ്പി​ളു​ക​ൾ, ചൊ​വ്വ പ​ര്യ​വേ​ക്ഷ​ണ​ങ്ങ​ളി​ലൊ​ന്നി​ന്‍റെ മാ​തൃ​ക, ബ​ഹി​രാ​കാ​ശ യാ​ത്രി​ക​നാ​യ സ്കോ​ട്ട് കെ​ല്ലി​യു​ടെ സ​ന്ദ​ർ​ശ​നം എ​ന്നി​വ ഉ​ൾ​പ്പെ​ടെ ബ​ഹി​രാ​കാ​ശ പ്ര​മേ​യ​ത്തി​ലു​ള്ള പ്ര​ദ​ർ​ശ​ന​ങ്ങ​ളാ​യി​രു​ന്നു യു.​എ​സ് പ​വ​ലി​യ​നെ ശ്ര​ദ്ധേ​യ​മാ​ക്കി​യ​ത്.