Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightഅന്താരാഷ്​ട്ര സുരക്ഷാ...

അന്താരാഷ്​ട്ര സുരക്ഷാ മാനദണ്ഡങ്ങളുമായി യൂനിയൻ കോപ്പ്​ ഹോം ഡെലിവറി

text_fields
bookmark_border
union-coop.jpg
cancel

ദുബൈ: ഉപഭോക്​താക്കളുടെ സുരക്ഷ ഉറപ്പുവരുത്തുവാൻ അന്താരാഷ്ട്ര മാനദണ്ഡങ്ങൾ പാലിച്ചു കൊണ്ടുള്ള ഏറ്റവും മികച്ച സംവിധാനങ്ങളൊരുക്കി യു.എ.ഇയിലെ ഏറ്റവും വലിയ സഹകരണ ഉപഭോക്​തൃ സ്​ഥാപനമായ യൂനിയൻ കോപ്പ്​. ഏതു സമയവും എല്ലാ സുരക്ഷാ ക്രമീകരണങ്ങളും പാലിച്ചു മാത്രമാണ്​ യൂനിയൻ കോപ്പ്​ ഉൽപന്നങ്ങൾ പ്രദർശിപ്പിക്കുകയും വിൽക്കുകയും വിതരണം ചെയ്യുകയും ചെയ്യുന്നതെന്ന്​ യൂനിയൻ കോപ്പ്​ ഹാപ്പിനസ്​ ആൻറ്​ മാർക്കറ്റിങ്​ ഡിപ്പാർട്ട്​മ​െൻറ്​ ഡയറക്​ടർ ഡോ. സുഹൈൽ അൽ ബസ്​തക്കി വ്യക്​തമാക്കി.

അന്താരാഷ്​ട്ര ആരോഗ്യ^സുരക്ഷാ മാനദണ്​ഡങ്ങൾ പാലിക്കുന്ന വിതരണക്കാരുമായി മാത്രമേ യൂനിയൻ കോപ്പ്​ കരാറുകളിൽ ഏർപ്പെടാറുമുള്ളൂ. യു.എ.ഇ കാലാവസ്​ഥാ മാറ്റ^പരിസ്​ഥിതി മന്ത്രാലയവും ദുബൈ നഗരസഭയും നിഷ്​കർഷിക്കുന്ന എല്ലാ നിർദേശങ്ങളും ഉൽപന്നങ്ങളുടെ ശേഖരണത്തിലും സൂക്ഷിപ്പിലും കൈമാറ്റത്തിലുമെല്ലാം കൃത്യമായി പാലിച്ചുവരുന്നു. ഭക്ഷണ വസ്​തുക്കൾ സൂക്ഷിക്കുന്ന ഇടങ്ങളെല്ലാം ദുബൈ നഗരസഭ അംഗീകരിച്ച അണുനാശിനികൾ ഉപയോഗിച്ച്​ അണുമുക്​തമാക്കിയെന്ന്​ ഉറപ്പുവരുത്തുന്നുണ്ട്​. വാഹനങ്ങളും അത്തരത്തിൽ സൂക്ഷിക്കുന്നുണ്ട്​.

​മനുഷ്യസ്​പർശം ഏൽക്കുന്ന ഭാഗങ്ങളെല്ലാം പ്രത്യേക സുരക്ഷ പുലർത്തിയാണ്​ സൂക്ഷിക്കുന്നത്​. കർശനമായി വ്യക്​തിശുചിത്വം പാലിക്കണമെന്ന്​ ജീവനക്കാർക്ക്​ പ്രത്യേക നിർദേശം നൽകിയിട്ടുണ്ട്​. ആരോഗ്യസ്​ഥിതിഗതികളും കൃത്യമായി പരിശോധിച്ചു വരുന്നു. പനി, ചുമ, തുമ്മൽ തുടങ്ങിയ ഏതെങ്കിലും പ്രശ്​നം നേരിടുന്നവരെ ഡ്യൂട്ടിയിൽ നിന്ന്​ അടിയന്തിരമായി മാറ്റിനിർത്തുന്നുണ്ട്​. ഇതു പരിശോധിക്കാൻ ഉദ്യോഗസ്​ഥൻമാരെയും എല്ലാ ബ്രാഞ്ചുകളിലും നിയോഗിച്ചതായും ഡോ. ബസ്​തക്കി അറിയിച്ചു.

Show Full Article
TAGS:union coop home delivery dubai gulf news malayalam news 
News Summary - union cope home delivery -gulf news
Next Story