Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightഹോട്ടലുകളിൽ യൂനിഫോം...

ഹോട്ടലുകളിൽ യൂനിഫോം നിർബന്ധമോ?

text_fields
bookmark_border
ഹോട്ടലുകളിൽ യൂനിഫോം നിർബന്ധമോ?
cancel

ദുബൈ: മുൻകാലങ്ങളിൽ ഹോട്ടൽ ജീവനക്കാർ യൂനിഫോം ധരിക്കുന്നത്​ അപൂർവമായിരുന്നു. വൻകിട റസ്​റ്റാറൻറുകളിലെ ജീവനക്കാർ മാത്രമാണ്​ യൂനിഫോം ധരിച്ചിരുന്നത്​. ഇന്ന്​ അതല്ല അവസ്​ഥ. ഭൂരിപക്ഷം ഹോട്ടലുകളിലെയും റസ്​റ്റാറൻറുകളിലെയും കഫ്​റ്റീരിയകളിലെയും ജീവനക്കാർ യൂനിഫോം ധരിക്കുന്നുണ്ട്​. ചെറിയ ഹോട്ടലുകളിൽ പോലും ഇത്​ കാണാം. ഇത്​ സ്​ഥാപനത്തി​െൻറ നിലവാരം ഉയർത്തുന്നു എന്ന്​ മാത്രമല്ല, ഉപഭോക്​താക്കളുടെ വിശ്വാസ്യതയും സംതൃപ്​തിയും വർധിപ്പിക്കുന്നു. നിയമപരമായി നോക്കിയാൽ ഹോട്ടലുകളിൽ യൂനിഫോം നിർബന്ധമാണോ ?. അതെ എന്നാണ്​ ദുബൈ മുനിസിപ്പാലിറ്റി പറയുന്നത്​. മാത്രമല്ല, യൂനിഫോമിനായി പ്രത്യേക മാർഗനിർദേശങ്ങളും നൽകുന്നുണ്ട്​. വൃത്തിയുള്ള ഇളം നിറത്തിലുള്ള യൂനിഫോം വേണമെന്നാണ്​ ചട്ടം. എളുപ്പത്തിൽ കഴുകാവുന്നതായിരിക്കണം. എന്തെങ്കിലും വസ്​തുക്കൾ വസ്​ത്രത്തിൽ പറ്റിപ്പിടിച്ചാൽ കാണാൻ കഴിയണം എന്ന ലക്ഷ്യത്തോടെയാണ്​ ഇൗ നിബന്ധന വെച്ചിരിക്കുന്നത്​. ഒാരോ ജീവനക്കാർക്കും നാല്​ ജോഡി യൂനിഫോം നിർബന്ധമാണ്​. പ്രവാസ ലോകത്തെ സാഹചര്യത്തിൽ ഇത്​ അനിവാര്യവുമാണ്​. കാരണം, എല്ലാ ദിവസവും അലക്കാൻ കഴിയണമെന്നില്ല.

ഒരു ദിവസം ധരിച്ചത്​ അലക്കാതെ വീണ്ടും ഉപയോഗിക്കുന്നത്​ രോഗങ്ങൾ ക്ഷണിച്ചുവരുത്തും. അതിനാൽ നാല്​ ജോഡിയെങ്കിലും നിർബന്ധമാണ്​. ശരീരം മറയുന്ന രീതിയിലുള്ള യൂനിഫോമാണ്​ ഉപയോഗിക്കേണ്ടത്. കൈയുടെ രോമങ്ങൾ പൂർണമായും മറയുന്ന രീതിയിൽ ഫുൾ സ്ലീവാണ്​ ഉചിതം. ജോലിസ്​ഥലത്തേക്ക്​ കയറുന്നതിന്​ തൊട്ടുമുൻപാണ്​ യൂനിഫോം ധരിക്കേണ്ടത്​. ഇത്​ പുറത്ത്​ ധരിക്കരുത്​. അഴുക്കായ കൈ യൂനിഫോമിൽ തുടക്കരുത്​. ഭൂരിപക്ഷം സ്​ഥാപനങ്ങളും യൂനിഫോം നൽകാറുണ്ടെങ്കിലും ഇക്കാര്യങ്ങളൊന്നും ശ്രദ്ധിക്കാറില്ല. ഹോട്ടലുകളിലെത്തുന്ന ഉപഭോക്​താക്കൾക്ക്​ ജീവനക്കാരെ എളുപ്പത്തിൽ തിരിച്ചറിയാനും ഇത്​ ഉപകരിക്കും. ഇത്​ ഉപഭോക്​താക്കളുടെ മനസിൽ സംതൃപ്​തിയുണ്ടാക്കുകയും സ്​ഥാപനത്തിനെ കുറിച്ച്​ നല്ല അഭിപ്രായം ഉണ്ടാക്കാൻ ഇടയാക്കുകയും ചെയ്യും. അണുബാധ ഒഴിവാക്കുകയും അതുവഴി ഭക്ഷ്യസുരക്ഷ ഒരുക്കുകയുമാണ്​ യൂനിഫോം നിർബന്ധമാക്കുന്നതിലൂടെ ദുബൈ മുനിസിപ്പാലിറ്റി ലക്ഷ്യമിടുന്നത്​.

എങ്ങിനെയാവണം യൂനിഫോം?

1. ഇളം നിറം
2. എളുപ്പത്തിൽ കഴുകാവുന്നത്​
3. നാല്​ ജോഡി നിർബന്ധം
4. ​േജാലി സ്​ഥലത്തേക്ക്​ കയറുന്നതിന്​ തൊട്ടുമുൻപ്​ ധരിക്കണം
5. ഹോട്ടലിന്​ പുറത്ത്​ ധരിക്കരുത്​
6. ഫുൾ സ്ലീവ്​ യൂനിഫോമാണ്​ ഉചിതം
7. പോക്കറ്റ്​ ആവശ്യമില്ല
8. അഴുക്ക്​ പറ്റിയ കൈ യൂനിഫോമിൽ തുടക്കരുത്

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Hotel
News Summary - uniform compulsory in hotels
Next Story