ഉമ്മുൽഖുവൈ​െൻറ പഴയ മുഖം ചരിത്രമാകുന്നു

ഉമ്മുല്‍ഖുവൈന്‍: ഇരട്ട ശക്തികളുടെ മാതാവ് എന്ന പേരില്‍ അറിയപ്പെടുന്ന ഉമ്മുല്‍ഖുവൈനിലെ വളരെ പഴക്കമേറിയ വ്യാപാര മേഖലയാണ് ഇപ്പോൾ ബസാര്‍ എന്നറിയപ്പെടുന്നത്. മലയാളികള്‍ അടക്കം നിരവധി വിദേശികള്‍ കച്ചവടം ചെയ്ത് വരുന്ന ഉമ്മുല്‍ഖുവൈനിലെ ഈ പഴക്കമേറിയ ഇടം വികസനത്തി​​​െൻറ ഭാഗമായി ഘട്ടം ഘട്ടമായി പൊളിച്ച് നീക്കാന്‍ നഗരസഭ തീരുമാനിച്ചിരിക്കയാണ്. അടിസ്ഥാന സൗകര്യത്തി​​​െൻറ ലഭ്യതക്കുറവും കാലികമായ മാറ്റങ്ങളുടെ അനിവാര്യതയും മൂലമാണ് ഇങ്ങനെ ഒരു തീരുമാനത്തില്‍ നഗരസഭ എത്തിയത്. മലയാളികളടക്കമുഉള്ളവര്‍ തിങ്ങി താമസിക്കുന്ന പഴയ ഉമ്മുല്‍ഖുവൈനിലെ മ്യൂസിയത്തി​​​െൻറ എതിര്‍ വശമാണ് ഇപ്പോള്‍ പൂര്‍ണ്ണമായും പൊളിച്ച് നീക്കിയത്.

മ്യൂസിയം മുതല്‍ തുറമുഖം വരെയുള്ള ഗാര്‍ഹിക, വ്യാപാര കെട്ടിടങ്ങള്‍ക്കെല്ലാം പൊളിച്ച് നീക്കാനുള്ള അറിയിപ്പ് നഗരസഭ കൊടുത്തിരിക്കയാണ്. ചിലവ് കുറഞ്ഞ താമസ മേഖല നീക്കപ്പെടുന്നത്​ മലയാളികളങ്ങുന്ന പ്രവാസികള്‍ക്ക് ബുദ്ധിമുട്ട്​ സൃഷ്​ടിക്കും. ആധുനിക യു.എ.യുടെ കുതിപ്പിനൊപ്പമെത്താനാണ്​ ഉമ്മുല്‍ഖുവൈനും ശ്രമിക്കുന്നത്​. ഇത്തിഹാദ് പാലം, മലിക് ഫൈസല്‍ റോഡി​​​െൻറ നവീകരണം, മല്‍സ്യ മാര്‍ക്കറ്റി​​​െൻറ പുതിയമുഖം, അല്‍ഖൂര്‍ റോഡി​​​െൻറ വികസനം തുടങ്ങി ബസാറി​​​െൻറ വികസനത്തിലെത്തി നില്‍ക്കുകയാണ് ഇന്ന്. ന്യൂ ഇന്ത്യന്‍ സ്കൂള്‍, ഇംഗ്ലീഷ് സ്കൂള്‍, ഇന്ത്യന്‍ അസോസിയേഷന്‍, ബംഗ്ലാദേശ് കള്‍ചറല്‍ സ​​െൻറര്‍ തുടങ്ങിയവ സ്ഥിതി ചെയ്തിരുന്നത് ഇവിടെയായിരുന്നു. 

മ്യൂസിയത്തിനടുത്തുള്ള കെട്ടിടങ്ങള്‍ പൊളിച്ച് നീക്കിയ നിലയില്‍

 

ഇന്നും നാടി​​​െൻറ ഓര്‍മ്മ ജനിപ്പിക്കുന്ന നാടന്‍ മലയാള സിനിമകളുടെ പോസ്​റ്ററുകള്‍ ഇവിടം ദര്‍ശിക്കാവുന്നതാണ്. ആധുനിക സൗകര്യങ്ങളോടുകൂടിയ തുറമുഖത്തി​​​െൻറ വികസനവും ഇതിനോടനുബന്ധിച്ച്​ നടക്കുന്നുണ്ട്. ഇമാറാത്തി​​​െൻറ ആദ്യ കാലങ്ങളില്‍ ചരക്ക് നീക്കങ്ങള്‍ക്കായി ആശ്രയിച്ചിരുന്ന തന്ത്രപ്രധാന കേന്ത്രമായിരുന്നു ഉമ്മുല്‍ഖുവൈന്‍ തുറമുഖം. യു.എ.ഇയുടെ വികസനക്കാറ്റ് ഉമ്മുല്‍ഖുവൈനിലെ ബസാറിലുമെത്തുന്നതോടെ പഴയ ഉമ്മുല്‍ഖുവൈ​​​െൻറ പ്രതാപം വിളിച്ചോതുന്ന പല ശേഷിപ്പുകളും ചരിത്രമാകും.