ഉംറ വിസ നിബന്ധനകൾ തീർഥാടകർക്ക്​ പ്രയാസമാകുന്നു

അൽ​െഎൻ: ഉംറ വിസ ലഭിക്കുന്നതിന്​ വിവിധ ഘട്ടങ്ങളിൽ ഏർപ്പെടുത്തിയ നിബന്ധനകൾ ഉംറ തീർഥാടകർക്കും ഗ്രൂപ്പുകൾക്കും പ്രയാസമാകുന്നു. 
താരതമ്യേന കുറഞ്ഞ ചെലവിൽ വലിയ ബുദ്ധിമുട്ടുകളില്ലാതെ ഉംറ ചെയ്​തിരുന്ന പ്രവാസികൾക്കാണ്​ പുതിയ നിബന്ധനകൾ ബുദ്ധിമുട്ടാകുന്നത്​. 
ഉംറ വിസ ലഭിക്കാൻ ‘വി.എഫ്​.എസ്​ തസ്​ഹീൽ’ എന്ന സൗദി വിസ സർവീസ്​ സ​​െൻററിൽ പോയി വിരലടയാളം നൽകണമെന്ന നിബന്ധന 2017ലാണ്​ പ്രാബല്യത്തിലായത്​. 
അൽ​െഎനിലുള്ളവർക്ക്​ ഇത്​ ഏറെ പ്രയാസം സൃഷ്​ടിക്കുന്നുണ്ട്​​. അൽ​െഎനിലുള്ളവർ അബൂദബി മിന സ​​െൻററിലെ വി.എഫ്​.എസ്​ തസ്​ഹീൽ സ​​െൻററിലെത്തിയാണ്​ വിരലടയാളം നൽകേണ്ടത്​. സ​​െൻററുകൾക്ക്​ വെള്ളി, ശനി ദിവസങ്ങൾ അവധി ആയതിനാലും പല തസ്​ഹീൽ സ​​െൻററുകളുടെയും പ്രവർത്തന സമയം രാവിലെ ഒമ്പത്​ മുതൽ വൈകുന്നേരം നാല്​ വരെ ആയതിനാലും ജോലി അവധിയെടുത്ത്​ പോകേണ്ട സ്​ഥിതിയാണ്​. 12 വയസ്സിന്​ മുകളിലുള്ള കുട്ടികൾക്കും വിരലടയാളം നൽകൽ നിർബന്ധമായതിനാൽ കുടുംബങ്ങളും പ്രയാസം അനുഭവിക്കുകയാണ്​.

യു.എ.ഇയിലെ താമസക്കാരുടെ ബയോമെട്രിക്​ വിവരങ്ങൾ എമിറേറ്റ്​സ്​ ​െഎഡിയിൽനിന്ന്​ എടുക്കാവുന്നതേയുള്ളൂ എന്നാണ്​ ട്രാവൽസ്​ രംഗത്തുള്ളവർ പറയുന്നത്​. 
നേരത്തെ ഉംറ വിസ അപേക്ഷയോടൊപ്പം എമിറേറ്റ്​സ്​ ​െഎഡി മതിയായിരുന്നു.വർഷത്തിൽ ഒന്നിൽ കൂടുതൽ ഉംറ ചെയ്യുന്നവർ 2000 ദിർഹം പിഴ നൽകണമെന്ന നിബന്ധന ഉംറ ഗ്രൂപ്പുകൾക്കും ട്രാവൽ ഏജൻസികൾക്കുമാണ്​ ഏറെ പ്രയാസം ഉണ്ടാക്കുന്നത്​. ഉംറ ഗ്രൂപ്പുകളിൽ യാത്രാ അമീറുമാരായി പോകുന്നവർക്കാണ്​ ഇൗ നിയമം കൂടുതൽ പ്രയാസകരമായത്​. അതേസമയം, സൗദി സർക്കാറി​​​െൻറ അംഗീകാരമുള്ള ഹംലകൾക്ക്​ മൂന്നുപേരെ വർഷത്തിൽ എത്രതവണ വേണമെങ്കിലും കൊണ്ടുപോകാൻ അനുവാദമുണ്ട്​. 

അബൂദബി എമിറേറ്റിലുള്ളവർക്ക്​ ഉംറവിസക്ക്​ അപേക്ഷിക്കാൻ തൊഴിലുടമയിൽനിന്ന്​ എൻ.ഒ.സി ആവശ്യമില്ല. എന്നാൽ, ദുബൈ, ഷാർജ തുടങ്ങിയ എമിറേറ്റുകളിൽ എൻ.ഒ.സി നിർബന്ധമാണ്​. ഷാർജ ദുബൈ എമിറേറ്റുകളിലുള്ളവർക്ക്​ നേരത്തെ സ്വകാര്യ ആശുപത്രികളിൽനിന്ന്​ പ്രതിരോധ കുത്തിവെപ്പെടുക്കാമായിരുന്നെങ്കിലും ഇപ്പോൾ സർക്കാർ ആശു​പത്രികളിൽനിന്ന്​ മാത്രമേ എടുക്കാൻ പാടുള്ളൂ. അബൂദബി എമിറേറ്റിൽ ഇൻഷുറൻസ്​ കാർഡുള്ളവർക്ക്​ കുത്തിവെപ്പ്​ സൗജന്യമാണ്​.