മലയാള പാഠ്യപദ്ധതിയില്‍ രജത ജൂബിലി തികച്ച് ഉമ്മുൽഖുവൈൻ ഇംഗ്ലീഷ് സ്കൂള്‍

ഉമ്മുല്‍ഖുവൈന്‍: ജാഫര്‍ അബ്​ദുല്ല ഹുസൈന്‍ എന്ന സ്വദേശി  തുടങ്ങിയ ഉമ്മുൽഖുവൈൻ ഇംഗ്ലീഷ് സ്കൂളിൽ 25 രാജ്യങ്ങളിൽ നിന്നുള്ള വിദ്യാർഥികളുണ്ട്. പക്ഷെ ഇവിടത്തെ പ്രത്യേകത ഇവരെല്ലാം പഠിക്കുന്നത്​ കേരള സിലബസിലാണ്​ എന്നതാണ്​. സ്വദേശികള്‍ക്കും വിദേശികള്‍ക്കും നിലവാരമുള്ള സ്കൂള്‍ വിദ്യാഭ്യാസം നല്‍കുക എന്ന ലക്ഷ്യത്തോടെ 1983ല്‍ 15 കുട്ടികളുമായി തുടക്കം കുറിച്ച സ്​കൂളിൽ ഇന്ന്​ 1372 കുട്ടികളാണ്​ പഠിക്കുന്നത്​.

റഷ്യ, ചൈന, ഫിലിപ്പൈന്‍സ്, യു.കെ. തുടങ്ങി 25 ഒാളം രാജ്യങ്ങളിൽ നിന്നുള്ളവരാണിവർ. 
കേരള പാഠ്യപദ്ധതിയാണ് 25 വര്‍ഷമായി സ്കൂള്‍ തുടര്‍ന്ന് പോരുന്നത്. ഇവി​െട പഠിച്ച്​ കേരള എസ്​.എസ്​.എൽ.സി പാസായ യു.എ.ഇ സ്വദേശികളടക്കം നിരവധി വിദ്യാര്‍ഥികള്‍ ഇന്ന് ലോകത്തി​​​െൻറ വിവിധ കോണുകളില്‍ ഉന്നത വിദ്യഭ്യാസം നേടി ജോലി ചെയ്യുന്നുണ്ട്. 10 വര്‍ഷം മുമ്പ് സ്കൂളില്‍ നിന്ന് പ്രാഥമിക വിദ്യഭ്യാസം നേടിയ  മുഹമ്മദ് അംറൊ ഇപ്പോൾ ഇത്തിഹാദ് എയര്‍വേസില്‍ വൈമാനികനാണ്​.
ഈജിപ്തിൽ നിന്നുള്ളവരൊഴികെ ഇന്ന് സ്കൂളില്‍ പഠിക്കുന്ന വിദേശ വിദ്യാര്‍ഥികള്‍ക്ക് ഉപരി പഠനത്തിന് തടസ്സമൊന്നുമില്ല. ഇൗജിപ്​ഷ്യൻ കുട്ടികൾ തുടര്‍ പഠനത്തിന് പ്രാദേശിക പാഠ്യപദ്ധതിയില്‍ പഠനം പൂര്‍ത്തിയാക്കിയ വിദ്യാര്‍ഥികള്‍ക്ക് മാത്രമെ അനുമതിയുള്ളൂ എന്ന വ്യവസ്ഥിയുള്ളതിനാല്‍  എട്ടാം തരത്തിന് ശേഷം അവരുടെ സ്കൂളുകളിലേക്ക് മാറുകയാണ്​ പതിവ്. 

സ്കൂളി​​​െൻറആരംഭം മുതല്‍ പ്രിന്‍സിപ്പലാണ്​ മലയാളിയായ എലിസബത്ത് ചെറിയാന്‍. കേരള പാഠ്യപദ്ധതിയുടെ മികവ് ലോകത്തിന് മുന്നില്‍ കാണിച്ച് കൊടുക്കുന്നതില്‍ ദ ഇംഗ്ലീഷ് സ്കൂള്‍ വഹിച്ച പങ്ക് ചെറുതല്ല. 
13 മുതല്‍ 17 വയസ്സ് വരെയുള്ള കുട്ടികള്‍ക്ക് ആവശ്യമുള്ളവ മാത്രം ചേർത്തുള്ള ഇതുപോലൊരു പാഠ്യപദ്ധതി ലോകത്ത് ഒരിടത്തും കാണില്ലെന്നാണ്​ എലിസബത്ത്​ ചെറിയാൻ പറയുന്നത്​. കുട്ടികളിൽ  അമിത ഭാരം തലയില്‍ കെട്ടിവെക്കുകയാണ് മിക്ക പാഠ്യ പദ്ധതികളും. ഇതിൽ നിന്ന്​വിഭിന്നമായി അത്യാവശ്യമുള്ളത് മാത്രം കുട്ടികള്‍ക്ക് നല്‍കി മികച്ച നിലവാരത്തിൽ അവരെ വാര്‍ത്തെടുക്കാൻ ഉതകുന്നതാണ്​ കേരള പാഠ്യപദ്ധതിയെന്ന്​ അവർ പറയുന്നു. 

റഷ്യ, ചൈന, ഫിലിപ്പൈന്‍സ്, യു.കെ., ഇന്ത്യ, പാകിസ്ഥാന്‍, ബംഗ്ലാദേശ്,  അഫ്ഗാനിസ്ഥാന്‍, ഇറാന്‍, ഇറാഖ്, ബഹറൈന്‍, ഒമാന്‍, യു.എ.ഇ., യെമെന്‍, സിറിയ, കോമറോസ്, സുഡാന്‍, സോമാലിയ, നൈജീരിയ തുടങ്ങിയ രാജ്യങ്ങളിൽ നിന്നുള്ളവരാണ്​ സ്​കൂളിൽ പഠിക്കുന്നത്​.സാമൂഹ്യ പാഠം, ഇസ്​ലാമിക്​, അറബിക് തുടങ്ങിയ അധിക വിഷയങ്ങള്‍ വിദ്യാഭ്യാസ വകുപ്പി​​​െൻറ നിര്‍ദേശാനുസരണം പാഠ്യപദ്ധതിയില്‍ ഉള്‍പെടുത്തിയതിനാല്‍ അറബ് വിദ്യാര്‍ഥികള്‍ക്കടക്കം സൗകര്യപ്രദമാകുന്നു എന്നതാണ് ഇത്രയും അധികം രാജ്യങ്ങളിലുള്ള വിദ്യാര്‍ഥികളെ സ്കൂളിലേക്ക് ആകര്‍ഷിക്കുന്നത്. ഈ സൗകര്യം ഇംഗ്ലീഷ് സ്കൂള്‍ മാത്രമാണ് ഉമ്മുല്‍ഖുവൈനില്‍ ഒരുക്കിയിരിക്കുന്നതും. അതോടൊപ്പം തന്നെ കേരള പാഠ്യപദ്ധതിയുടെ സവിശേഷതയും മേന്മയും വിദേശികളെ ആകര്‍ഷിക്കുന്നു.

2009 വരെ ബസാറിലെ പഴയ അസോസിയേഷന്‍ മന്ദിരത്തിനടുത്ത്​ കൊച്ചു കെട്ടിടത്തിലായിരുന്നു.  എന്നാല്‍ അല്‍ഹംറയില്‍ ഇന്ന് സ്ഥിതി ചെയ്യുന്ന സ്കൂളില്‍ എല്‍.കെ.ജി മുതല്‍ 12ാം ക്ലാസ് വരെയുള്ള 1500 കുട്ടികളെ ഉള്‍ക്കൊള്ളാന്‍ സൗകര്യമുള്ള വലിയ കെട്ടിടമാണ് ഉള്ളത്.  20 അറബികള്‍ അടക്കം 103 അധ്യാപകരും 34 മറ്റു ജീവനക്കാരുമുണ്ട്​.