ഉമേഷും ദേവേന്ദറും  നടക്കുന്നു യു.എ.ഇ.  മുഴുവൻ

ദുബൈ: യുഎഇയുടെ ദേശീയ ദിന​ത്തിൽ ഇൗ നാടിനോട്​ ​െഎക്യദാർഢ്യം പ്രഖ്യാപിച്ച്​ നടക്കുകയാണ്​ രണ്ട്​ ഇന്ത്യക്കാർ. ദേവേന്ദർ സിംഗും ഉമേഷ്​ ഗോയലും. ദേവേന്ദറിന്​ 32 വയസാണ്​ പ്രായം ഉമേഷിന്​ 44 ഉം. പന്ത്രണ്ട്​ വയസി​​െൻറ പ്രായവിത്യാസം തെല്ലും ഗൗനിക്കാതെയാണ്​ അവർ കൈകോർത്തത്​. യു.എ.ഇയിലെ എല്ലാ എമിറേറ്റുകളും പിന്നിട്ട ശേഷമായിരിക്കും യാത്ര അവസാനിക്കുക. ഇതിനകം ഇവർ പിന്നിടുക അ​ഞ്ചോ പത്തോ കിലോമീറ്ററല്ല. 170 കിലോമീറ്ററാണ്​. യു.എ.ഇക്ക്​ വേണ്ടി രക്​തസാക്ഷികളായവരുടെ ഒാർമ ദിനത്തിൽ നവംബർ 30 ന്​  ഉച്ചക്ക്​ 12 മണിക്ക്​ ഫുജൈറ അഡ്​നോക്​ പെട്രോൾ പമ്പിന്​ മുന്നിൽ നിന്നാണ്​ ഇരുവരും യാത്ര തുടങ്ങിയത്​.

റാസ്​ അൽ ഖൈമയിലൂടെ ഉമ്മുൽഖുവൈനിലെത്തി അവിടെ നിന്ന്​ അജ്​മാൻ കടന്ന്​ ഷാർജ, ദുബൈ വഴി ദേശീയ ദിനത്തിൽ അബൂദബിയിലെ ആദ്യ അഡ്​നോക്​ സ്​റ്റേഷനിൽ യാത്ര അവസാനിക്കും. രക്​തസാക്ഷികളെ അനുസ്​മരിച്ചും വിവിധ രാജ്യങ്ങളിലുള്ളവർക്ക്​ ജീവിതം കെട്ടിപ്പടുക്കാനും സന്തോഷകരമായി ജീവിക്കാനും കഴിയും വിധം യു.എ.ഇയെ മാറ്റിയെടുത്ത ഭരണാധികാരികൾക്ക്​ നന്ദി പറഞ്ഞുമാണ്​ യാത്ര നടത്തുന്നത്​. ഒപ്പം ശരിയായ മനസുണ്ടെങ്കിൽ തങ്ങളുടെ സ്വപ്​നങ്ങൾ സാക്ഷാൽക്കരിക്കാൻ മറ്റൊന്നും തടസമാവില്ലെന്ന സന്ദേശവും ഇവർ നൽകുന്നുണ്ട്​. തങ്ങൾക്കൊപ്പം നടക്കാൻ എല്ലാവരെയും ഉമേഷ്​ ഗോയൽ സ്വാഗതം ചെയ്യുന്നുമുണ്ട്​. 

രണ്ട്​ മാസത്തെ പരിശീലനത്തിനൊടുവിലാണ്​ ഇരുവരും നടക്കാനിറങ്ങിയത്​. അഞ്ചാറ്​ മണിക്കൂർ തുടർച്ചയായി നടക്കുക പിന്നീട്​ പത്ത്​ മിനിറ്റ്​ ഭക്ഷണത്തിനും വിശ്രമത്തിനുമായി ചിലവഴിക്കുക എന്ന രീതിയിലാണ്​ യാത്ര നടത്തുന്നത്​. ഒപ്പം കാറിൽ സഞ്ചരിക്കുന്ന സുഹൃത്തുക്കളും കുടുംബാംഗങ്ങളും വെള്ളവും മറ്റും നൽകും. യു.എ.ഇയിലെ റിയൽഎസ്​റ്റേറ്റ്​ രംഗത്ത്​ ജോലി ചെയ്യുന്നവരാണ്​ ഇരുവരും.