ചൂടിനെ പ്രതിരോധിക്കാൻ ദുബൈ നഗരസഭയുടെ സൗജന്യ കുടവിതരണം

ദുബൈ: കടുത്ത ചൂടിൽ കാൽനട യാത്ര ചെയ്യാൻ നിർബന്ധിതരാകുന്നവർക്ക്​ ദുബൈ നഗരസഭയുടെ ആശ്വാസ നടപടി. വെയിലിൽ നിന്ന്​ രക്ഷനൽകുന്ന ഉന്നത നിലവാരമുള്ള കുടകൾ സൗജന്യമായി നൽകുകയാണ്​ ദാന വർഷത്തി​​െൻറ ഭാഗമായി നഗരസഭ. നഗരസഭ ജീവനക്കാരാണ്​ ഞായറാഴ്​ച കോർപ്പറേറ്റ്​ സാമൂഹിക ഉത്തരവാദിത്തത്തി​​െൻറ ഭാഗം കൂടിയായി കുട വിതരണം തുടങ്ങിയത്​.

മെട്രോ സ്​റ്റേഷനിലും പാർക്കുകളിലും കടൽത്തീരങ്ങളിലുമാണ്​ കുടകൾ ആകസ്​മികമായി വിതരണം ചെയ്യുന്നത്​.‘ചൂടിനെ മറികടക്കാൻ ദുബൈ നഗരസഭ നിങ്ങളുടെ കൂടെയുണ്ട്​, കാരണം നിങ്ങൾ സന്തോഷത്തി​​െൻറ ദുബൈയിലാണ്​’ എന്ന്​ പറഞ്ഞുകൊണ്ടാണ്​ കുട വിതരണം. ദിവസവും രാവിലെ ചില മണിക്കൂറിലായിരിക്കും വിതരണം. ദേരയിലെ നഗരസഭ ആസ്​ഥാനത്തിന്​ മുന്നിലും കുട വിതരണമുണ്ടാകും.