ഉമയനല്ലൂർ വെൽഫെയർ അസോസിയേഷൻ ഇഫ്താർ സംഗമം

അജ്മാൻ: ഉമയനല്ലൂർ മഹൽ നിവാസികളുടെ യു.എ.ഇയിലെ കൂട്ടായ്മയായ ഉമയനല്ലൂർ വെൽഫെയർ അസോസിയേഷൻ ഇഫ്താർ സംഗമം സംഘടിപ്പിച്ചു. അഡ്വ. നജ്മുദ്ദീൻ റമദാൻ സന്ദേശം നൽകി. പ്രസിഡന്‍റ് മനോജ് മനാമ അധ്യക്ഷത വഹിച്ച ചടങ്ങിൽ സായിദ് മനോജ് ഖിറാഅത്ത് അവതരിപ്പിച്ചു. മാധ്യമപ്രവർത്തക തൻസി ഹാഷിർ, അൻസർ കുഴിവേലിൽ, അനസ് എന്നിവർ സംസാരിച്ചു. ഷറഫുദ്ദീൻ, ആസിഫ് അലി നജുമുദ്ദീൻ, സായിദ് മനോജ്, റമീസ് അലി എന്നിവർ നേതൃത്വം നൽകി. സെക്രട്ടറി അൻസർ കുഴിവേലിൽ സ്വാഗതവും ട്രഷറർ അനസ് കാടാച്ചേരി നന്ദിയും പറഞ്ഞു.