അപൂർവ ശസ്​ത്രക്രിയ; കരളും കുടലും പുറത്തായിരുന്ന കുഞ്ഞിന്​ പുതു ജീവിതം

അബൂദബി ദാനാത്​ അൽ ഇമാറാത്​ ആശുപ​ത്രിയിലാണ്​ ശസ്​ത്രക്രിയ നടന്നത്​
അബൂദബി: കരൾ മുഴുവനും ചെറുകുടലി​​​െൻറ ഒരു ഭാഗവും വയറിന്​ പുറത്തായ നിലയിൽ ജനിച്ച കുഞ്ഞിനെ അപൂർവ ശസ്​ത്രക്രിയയിലൂടെ ഡോക്​ടർമാർ രക്ഷിച്ചു. 
ജനിച്ച്​ രണ്ടാഴ്​ചയായ കുഞ്ഞി​െന അഞ്ച്​ മണിക്കൂർ നീണ്ട ശസ്​ത്രക്രിയയിലൂടെയാണ്​ സാധാരണ നിലയിലേക്ക്​ എത്തിച്ചത്​. അബൂദബി ദാനാത്​ അൽ ഇമാറാത്​ ആശുപ​ത്രിലാണ്​ ശസ്​ത്രക്രിയ നടത്തിയത്​.

ഇത്തരം അവസ്​ഥകൾ അപൂർവമാണെന്ന്​ അബൂദബി ദാനാത്​ അൽ ഇമാറാത്​ ആശുപ​ത്രിയിലെ കുട്ടികളുടെ ഡോക്​ടർ രാജ സിങ്കപാഗു പറഞ്ഞു. ശസ്​ത്രക്രിയ കഴിഞ്ഞ കുട്ടിയുടെ അസുഖം ഗർഭാവസ്​ഥയിൽ തന്നെ തിരിച്ചറിയുകയും മാതാവിന്​ പ്ര​േത്യക നിരീക്ഷണം ഏർപ്പെടുത്തുകയും ചെയ്​തിരുന്നു. 
കരളും ​െചറുകുടലും വയറിനത്തേക്ക്​ മാറ്റാനുള്ള ശസ്​ത്രക്രിയ നടത്താനും ഹെർണിയക്ക്​ ചികിത്സ നടത്താനും തീരുമാനിക്കുകയായിരുന്നുവെന്ന്​ ഡോ. രാജ അറിയിച്ചു. എന്നാൽ, നവജാത ശിശുവിനെ ഇതിന്​ തായാ​റാക്കേണ്ടിയിരുന്നു. വയറിന്​ അവയവങ്ങളെ ഉൾക്കൊള്ളാനുള്ള ശേഷി കൈവരിക്കാൻ പ്രഷർ ബെൽറ്റ്​ ഉപയോഗിച്ചു. 

നവജാത ശിശുക്കൾക്കുള്ള തീവ്ര പരിചരണ വിഭാഗത്തിൽ രണ്ടാഴ്​ച സൂക്ഷ്​മമായ പരിചരണം നൽകിയാണ്​ ഇൗ പ്രക്രിയ പൂർത്തിയാക്കിയത്​. പ്രസവിച്ചയുടനെ കുഞ്ഞിനെ കണ്ട്​ ഏറെ ആശങ്കയിലായെന്ന്​ കുഞ്ഞി​​​െൻറ പിതാവ്​ അശ്​റഫ്​ അബൂനർ പറഞ്ഞു. എന്നാൽ, തുടക്കം മുതൽ കുഞ്ഞിന്​ ലഭിച്ച പരിചരണവും മികച്ച ആരോഗ്യ സംരക്ഷണ സേവനങ്ങളും ആശ്വാസമായി. കുഞ്ഞി​​​െൻറ അവസ്​ഥയെ കുറിച്ചും ചികിത്സാ പദ്ധതിയെ കുറിച്ചും തനിക്കും ഭാര്യക്കും ആശുപത്രി അധികൃതർ വിശദമായി പറഞ്ഞുതന്നിരുന്നുവെന്നും അദ്ദേഹം അറിയിച്ചു.