ലിവർപൂൾ ഇതിഹാസങ്ങളുടെ  മനം കവർന്ന്​ കുഞ്ഞ്​ അഭിമുഖക്കാരൻ 

ദുബൈ: ചാമ്പ്യൻസ്​ ലീഗ്​ ഫൈനലിൽ എത്തിയ ലിവർപൂൾ ടീമി​​​െൻറ ഫാൻസ്​ ക്ലബായ എൽ.എഫ്​.സി വേൾഡി​​​െൻറ പ്രചാരണാർഥം ദുബൈയിൽ എത്തിയതാണ്​ ഫുട്​ബാൾ ഇതിഹാസങ്ങളായ സ്​റ്റീവൻ ജറാഡും ഗാരി മക്കലിസ്​റ്ററും. പക്ഷെ സംഭവിച്ചതെന്തെന്നാൽ രണ്ടു പേരും ഒരു മലയാളി ബാല​​​െൻറ ഫാനായി മാറി^ഐസിൻ ഹാഷ് എന്ന ആറു വയസുകാര​​​െൻറ. 

ടീമി​​​െൻറ മുഖ്യ സ്​പോൺസർമാരായ സ്​റ്റാ​േൻറഡ്​ ചാർ​േട്ടഡ്​ ബാങ്കിനു വേണ്ടിയാണ്​  മുൻ ഇംഗ്ലണ്ട് ഫുട്ബോൾ ടീം ക്യാപ്റ്റനും ദീഘകാലം ലിവർപൂൾ ക്യാപ്റ്റനുമായിരുന്ന സ്​റ്റീവൻ ജറാഡിനേയും, മുൻകാല ലിവർപൂൾ താരവും  ടീം അംബാസഡറുമായ ഗാരി മക്കലിസ്​റ്റെറിനെയും ഇൻറർവ്യൂ ചെയ്യാൻ ഐസിൻ ഹാഷിനെ നിയോഗിച്ചത്​. വിവിധ രാജ്യക്കാരായ അൻപതോളം കുഞ്ഞുങ്ങളിൽ നിന്നാണ്  ഐസിനെ തെരഞ്ഞെടുത്തത്. അഹമ്മദ് എന്ന കഥാപാത്രമായാണ്​ അഭിമുഖത്തിൽ ഐസിൻ എത്തുന്നത്​. ഇതി​​​െൻറ ടീസർ വീഡിയോ ലിവർപൂളി​​​െൻറ ഒഫീഷ്യൽ ട്വിറ്ററിലും , ബാങ്കി​​​െൻറ ഒഫീഷ്യൽ പേജിലും പ്രസിദ്ധീകരിച്ചിട്ടുണ്ട്​. ഇന്റർവ്യൂ വീഡിയോ ഏതാനും ദിവസങ്ങൾക്കുള്ളിൽ പുറത്തിറങ്ങും.

ദുബൈയിൽ മീഡിയ രംഗത്ത് പ്രവർത്തിക്കുന്ന മലപ്പുറം നിലമ്പൂർ- മൂത്തേടം സ്വദേശി ഹാഷ് ജവാദി​​​െൻറയും , കോഴിക്കോട് നല്ലളം  മുല്ലവീട്ടിൽ നസീഹയുടെയും മകനാണ് ഇൗ കെ.ജി വിദ്യാർത്ഥി. യു.എ.ഇയിലെ തിരക്കേറിയ  മോഡലായ ഐസിൻ ഇതിനകം ഐകിയ, ഡു മൊബൈൽ , റൂഹ്​അഫ്​സ, പീഡിയഷുവർ, ബേബി ഷോപ്പ്, കാപ്രിസൺ ജ്യൂസ്  തുടങ്ങിയ ഒരു ഡസനിലേറെ ലോകോത്തര ബ്രാൻൻറുകളുടെ പരസ്യങ്ങളിൽ അഭിനയിച്ചു​.  ഫോട്ടോ ഷെയറിങ് വെബ്സൈറ്റായ ഷട്ടർ സ്റ്റോക്കി​​​െൻറ 2018 ലെ മിഡിൽ ഈസ്​റ്റ്​ കിഡ് മോഡലായും തെരഞ്ഞെടുക്കപ്പെട്ടിട്ടുണ്ട്​.