അബൂദബി ​െഎ.എസ്​.സി  പ്രവർത്തനങ്ങൾക്ക്​ തുടക്കം

അബൂദബി: അബൂദബി ഇന്ത്യ സോഷ്യൽ ആൻഡ്​ കൾച്ചറൽ സ​​െൻറർ (​െഎ.എസ്​.സി) ഭരണസമിതിയുടെ പ്രവർത്തനോദ്​ഘാടനവും സത്യപ്രതിജ്ഞയും ഗോൾഡൻ ജൂബിലി ആഘോഷങ്ങളുടെ ഭാഗമായി തയാറാക്കിയ ലോഗോയുടെ പ്രകാശനവും ഐ.എസ്‌.സി അങ്കണത്തിൽ അരങ്ങേറി.

ലുലു ഇൻറർനാഷനൽ എക്​സ്​ചേഞ്ച്​ സാരഥിയൂം ഐ.എസ്‌.സി പേട്രൺ ഗവർണറുമായ അദീബ്‌ അഹമ്മദ്‌ ഉദ്​ഘാടനം ചെയ്തു. ഐ.എസ്‌.സി പ്രസിഡൻറ്​ ജോയ്‌ തോമസ്‌ ജോൺ അധ്യക്ഷത വഹിച്ചു. 

സെക്രട്ടറി സലാം സ്വാഗതവും വൈസ്‌ പ്രസിഡൻറ്​ ജയചന്ദ്രൻ നായർ നന്ദിയും പറഞ്ഞു.  പ്രവാസി ഇന്ത്യക്കാരുടെ ഏറ്റവും വലിയ സംഘടനയായ  ഐ.എസ്‌.സി സുവർണ ജൂബിലി വർഷമായ 2017ൽ വിപുലമായ ആഘോഷ പരിപാടികളാണ്‌ അവതരിപ്പിക്കുന്നതെന്ന് പ്രസിഡൻറ്​ അറിയിച്ചു. 
സുവർണ ജൂബിലി ലോഗോ ഡോ. സുരേഷ്‌കുമാറും അദീബ്‌ അഹമ്മദും ചേർന്ന് പ്രകാശനം ചെയ്​തു.