ഇന്ത്യന്‍ മാധ്യമരംഗം മേല്‍ജാതിക്കാരുടേത് ^പി. സായിനാഥ് 

‘സ്വാതന്ത്ര്യത്തിലുപരി നല്ല സമൂഹത്തിന്​ വേണ്ടിയായിരുന്നു ഇന്ത്യയിലെ സ്വാതന്ത്ര്യ സമര സേനാനികൾ പോരാടിയിരുന്നത്​’
ദുബൈ/അബൂദബി: ഇന്ത്യന്‍ മാധ്യമരംഗം മേല്‍ജാതിക്കാരുടേത്​ മാത്രമാണെന്ന് പ്രശസ്ത പത്രപ്രവർത്തകനും മാഗ്‌സസെ അവാർഡ് ജേതാവുമായ പി.സായിനാഥ്. മാധ്യമ സ്ഥാപനങ്ങള്‍ കോര്‍പറേറ്റ് കമ്പനികളുടെ ഓഹരി പങ്കാളി ആയതാണ് അവ സാമ്പത്തിക പ്രതിസന്ധിയിലാകാന്‍ കാരണമെന്ന് അദ്ദേഹം ദുബൈയില്‍ മാധ്യമപ്രവർത്തകരോടു പറഞ്ഞു. 

മാധ്യമപ്രവര്‍ത്തകരെ കൂട്ടത്തോടെ പിരിച്ചുവിടാന്‍ കാരണായതും ഇതാണ്. മാധ്യമപ്രവര്‍ത്തകരെ കരാറടിസ്​ഥാനത്തില്‍ നിയമിക്കാന്‍ തുടങ്ങിയതാണ് പെയ്‍ഡ് ന്യൂസുകള്‍ക്ക് വഴി വെച്ചത്. 

ചന്തയില്‍ മീൻ വില്‍ക്കുന്നവര്‍ ഉയര്‍ത്തുന്ന ബഹളത്തി​​​െൻറ സത്യസന്ധത പോലും അര്‍ണബ് ഗോസ്വാമിയടക്കം ടി.വി ചര്‍ച്ചകളില്‍ ബഹളം വെക്കുന്ന അവതാരകര്‍ക്കില്ല. എന്നാല്‍, മിക്ക അവതാരകരും മറ്റൊരു അര്‍ണബ് ഗോസ്വാമി ആകാനാണ് ശ്രമിക്കുന്നതെന്ന് സായിനാഥ് പറഞ്ഞു. 
ദലിതന് ഇന്ത്യയില്‍ രാഷ്​ട്രപതി വരെ ആവാന്‍ കഴിഞ്ഞിട്ടുണ്ട്. എന്നാല്‍, മാധ്യമരംഗത്ത് എത്ര ദലിത് ജേണലിസ്​റ്റുകളുണ്ടെന്ന് അദ്ദേഹം ചോദിച്ചു. ടി.എൻ. ഗോപകുമാറി​​​െൻറ സ്​മരണക്ക്​ ലഭിച്ച അവാർഡി​​​െൻറ സമ്മാനത്തുക  ഇന്ത്യന്‍ ഗ്രാമങ്ങളെ മാധ്യമങ്ങളിലേക്ക് എത്തിക്കുന്നതിന് പ്രവര്‍ത്തിക്കുന്ന പാരി എന്ന പോര്‍ട്ടലിനായി ചെലവഴിക്കുമെന്ന് അദ്ദേഹം വ്യക്​തമാക്കി.

അബൂദബി കേരള സോഷ്യൽ സ​​െൻററിൽ ശക്​തി തിയറ്റേഴ്​സ്​ സംഘടിപ്പിച്ച സാംസ്​കാരിക സമ്മേളനത്തിലും സായിനാഥ്​ സംസാരിച്ചു. 
സ്വാതന്ത്ര്യത്തിലുപരി നല്ല സമൂഹത്തിന്​ വേണ്ടിയായിരുന്നു ഇന്ത്യയിലെ സ്വാതന്ത്ര്യ സമര സേനാനികൾ പോരാടിയിരുന്നതെന്ന്​ അദ്ദേഹം സാംസ്​കാരിക സമ്മേളനത്തിൽ പറഞ്ഞു. എഴുത്തുകാരൻ പെരുമാൾ മുരുകനും സംസാരിച്ചു.