മനുഷ്യസ്​നേഹികളുടെ പിന്തുണ അമൃതായി; അമൃതാനന്ദ്​ നാട്ടിലെത്തി

ദുബൈ: കെട്ടിട നിർമാണത്തിനിടെ തൊഴിലാളി വീണു മരിച്ചതിൽ കുറ്റക്കാരനെന്ന്​ കണ്ടെത്തി കോടതി രണ്ടു ലക്ഷം  ദിർഹം ദിയാധനം (ചോരപ്പണം) നൽകാൻ വിധിച്ച മലയാളി യുവാവിന്​ ഒടുവിൽ വിടുതലായി. ചോരപ്പണമായി നൽകാൻ ഷാർജ കോടതി വിധിച്ച തുക സഹജീവികളുടെ പിന്തുണയോടെ കണ്ടെത്താനായതാണ്​   പാലക്കാട് മണ്ണാർക്കാട് സ്വദേശി അമൃതാനന്ദിന്​ മൂന്ന് വർഷത്തിനു ശേഷം നാട്ടിലേക്ക്​ വഴി തുറന്നത്​.

 പ്രമുഖ നിർമാണ സ്​ഥാപനത്തിൽ സേഫ്റ്റി ഓഫീസറായിരുന്ന കെ.ബി. അമൃതാനന്ദ് (30) കമ്പനിയുടെ നിർമാണ സൈറ്റിൽ ഒരു ബംഗ്ലാ തൊഴിലാളി വീണു മരിച്ചതോടെയാണ്​ നിയമകുരുക്കിൽ പെടുന്നത്​.  സുരക്ഷാ ഓഫീസറുടെ  വീഴ്ച്ചയാണെന്ന്  കണ്ടെത്തിയ കോടതി മരിച്ചയാളുടെ കുടുംബത്തിന്  ചോരപ്പണം  വിധിച്ചു.  പണം  അടക്കാമെന്നേ​റ്റ കമ്പനി സാമ്പത്തിക പ്രതിസന്ധി മൂലം പൂട്ടിയതോടെ ഭാരം യുവാവി​​​െൻറ തലയിലായി. ഇന്ത്യൻ കോൺസുലേറ്റ്​ നടത്തിയ ചർച്ചയിൽ  പകുതി പണം  നൽകാമെന്ന്​ സമ്മതിച്ച്​ കമ്പനി ചെക്കു നൽകി. എന്നാൽ വർഷങ്ങളായി ജോലി നഷ്​ടപ്പെട്ട്​, വിസ പോലും കാലഹരണപ്പെട്ട അമൃതാനന്ദിന്​ മുന്നിൽ ഒരു ലക്ഷം ദിർഹം കണ്ടെത്താനും വഴിയേതുമില്ലായിരുന്നു.

ഗൾഫ്​ മാധ്യമവും മീഡിയാ വൺ ചാനലും ചില ഇംഗ്ലീഷ്​ മാധ്യമങ്ങളും നൽകിയ റിപ്പോർട്ടുകളെ തുടർന്നാണ്​ അമൃതാനന്ദി​​​െൻറ സങ്കടം പുറംലോകമറിഞ്ഞത്​. തുടർന്ന്​ യു.എ.ഇയിലെയും ഖത്തറിലെയും 20 ആരോഗ്യ^സുരക്ഷാ ഒeഫീസർമാർ ചേർന്ന്​ 70000 ദിർഹം സ്വരൂപിച്ചു നൽകി. ബാക്കി 30000 സംഘടിപ്പിക്കാൻ വഴി കാണാതെ നിൽക്കവെ ഇന്ത്യൻ വ്യവസായിയും ജീവകാരുണ്യ പ്രവർത്തകനുമായ പ്യുവർ ഗോൾഡ്​ ജ്വല്ലറി ഗ്രൂപ്പ്​ മേധാവി ഫി​േറാസ്​ മർച്ചൻറ്​ ഇൗ തുക നൽകാൻ മുന്നോട്ടു വരികയായിരുന്നു.  പണം നൽകാനാവാതെ ഏതു സമയവും അറസ്​റ്റിലായേക്കുമെന്ന ഭീതിയിൽ കഴിയവെയാണ്​ അപ്രതീക്ഷിത സഹായ ഹസ്​തങ്ങളെത്തുന്നതും ബാധ്യത തീരുന്നതും. 

കോൺസുലേറ്റിനും സഹപ്രവർത്തകർക്കും ഒരിക്കൽ പോലും കണ്ടിട്ടില്ലാത്ത ഫിറോസ്​ മർച്ചൻറിനും ഹൃദയപൂർവം നന്ദി പറഞ്ഞാണ്​ അമൃതാനന്ദ്​ നാട്ടിലേക്ക്​ വിമാനമേറിയത്​. വിവാഹം കഴിഞ്ഞ്​ ആഴ്​ചകൾക്കുള്ളിൽ ഗൾഫിലെത്തി കഷ്​ടതയുടെയും മനസംഘർഷത്തി​​​െൻറയും മൂന്നു വർഷം പിന്നിട്ട്​ മടങ്ങവെ അമൃതാനന്ദ്​ ഒരു കാര്യം ഉറപ്പിച്ചിട്ടുണ്ട്​. അവസരം കിട്ടിയാൽ ഇനിയും വരും ഇൗ നാട്ടിലേക്ക്​​.