അബൂദബിയിൽ പരിപാടികൾക്ക്​ ലൈസൻസ്​ അനുവദിക്കാൻ ഏകീകൃത സംവിധാനം 

അബൂദബി: അബൂദബി എമി​േററ്റിൽ സംഘടിപ്പിക്കുന്ന പരിപാടികൾക്ക്​ ലൈസൻസ്​ നൽകുന്നതിന്​ ഏകൃകൃത സംവിധാനം ഏർപ്പെടുത്തിയതായി അബൂദബി വിനോദസഞ്ചാര^സാംസ്​കാരിക അതോറിറ്റി (ടി.സി.എ അബൂദബി) പ്രഖ്യാപിച്ചു. മാർച്ച്​ അഞ്ചിനാണ്​ സംവിധാനം ആരംഭിച്ചതെന്നും ഇ​േപ്പാൾ പൂർണമായി പ്രവർത്തനക്ഷമമാണെന്നും അധികൃതർ അറിയിച്ചു. സംവിധാനം തുടങ്ങിയത്​ മുതൽ വ്യവസായ പ്രദർശനങ്ങൾ, വ്യവസായ സമ്മേളനങ്ങൾ, കോർപറേറ്റ്​ യോഗങ്ങൾ എന്നിവ ഉൾപ്പെടെ 625ലധികം പരിപാടികൾ ഇതിൽ രജിസ്​റ്റർ ചെയ്യപ്പെട്ടു. എട്ട്​ മതപരിപാടികൾ, അഞ്ച്​ കായിക പരിപാടികൾ, രണ്ട്​ സാംസ്​കാരിക-വിനോദ പരിപാടികൾ എന്നിവയും രജിസ്​റ്റർ ചെയ്​തിട്ടുണ്ട്​. 
സംവിധാനത്തിൽ രജിസ്​റ്റർ ചെയ്​താൽ സാധാരണഗതിയിൽ രണ്ട്​ ദിവസം കൊണ്ട്​ ലൈസൻസ്​ അനുവദിക്കും. എന്നാൽ, പ്രഭാഷണ പരിപാടികളാണെങ്കിൽ അഞ്ച്​ ദിവസമെടുക്കും. പരിപാടിക്ക്​ അനുമതി ലഭിച്ച ശേഷം ടിക്കറ്റ്​​ വിൽപന പ്രോത്സാാഹിപ്പിക്കാനുള്ള ഇലക്​ട്രോണിക്​ ടിക്കറ്റ്​ സേവനവും സംവിധാനത്തിലൂടെ ലഭ്യമാകും. AbudhabiEvents.ae വെബ്​സൈറ്റിലൂടെ പരിപാടികൾക്ക്​ പ്രചാരണം നൽകാനും സംഘാടകർക്ക്​ സാധിക്കും. അബൂദബി, അൽ​െഎൻ, അൽ ദഫ്​റ എന്നിവിടങ്ങളിലെ വേദികളുടെ ശേഷിയും പ്രത്യേകതകളും ഉൾപ്പെടുത്തിയുള്ള വിശദാംശം സംവിധാനത്തിലുണ്ടാകും. പരിപാടിയുടെ അജണ്ട, തീയതി, സംഘാടകർക്ക്​ അനുവദിച്ച വേദി എന്നിവയും ലഭ്യമാകും. 
പുതിയ സംരംഭം അബൂദബി എമിറേറ്റിലെ പരിപാടി നടത്തിപ്പുകൾക്ക്​ കൂടുതൽ ആകർഷണം നൽകുമെന്ന്​ ടി.സി.എ അബൂദബി ഡയറക്​ടർ ജനറൽ സൈഫ്​ സഇൗദ്​ ഗോബാഷ്​ വാർത്താസമ്മേളനത്തിൽ അറിയിച്ചു. വേദി നിർമിക്കുന്നവർ, പരിപാടിയുടെ സംഘാടകർ, നടത്തിപ്പുകാർ, പ്രദർശന കേന്ദ്രങ്ങൾ, ഒാഡിറ്റോറിയങ്ങൾ എന്നിവ സംവിധാനത്തിന്​ കീഴിൽ കൊണ്ടുവന്നിട്ടുണ്ട്​. വിനോദസഞ്ചാര നിക്ഷേപ മേഖലകൾ, ഫ്രീസോണുകൾ, സമ്മേളനങ്ങൾ, സി​േമ്പാസിയങ്ങൾ, വിനോദ, കായിക, കല, സാംസ്​കാരിക, വിദ്യാഭ്യാസ, ആരോഗ്യ, വ്യവസായ പരിപാടികൾക്കെല്ലാം സംവിധാനം വഴി ലൈസൻസ്​ നേടേണ്ടതാണ്​. പരിപാടികൾക്ക്​ അനുമതി നൽ​േകണ്ടുന്ന 22 സർക്കാർ വകുപ്പുകളിൽനിന്നുള്ള അനുമതി ഒരൊറ്റ സംവിധാനത്തിന്​ കീഴിൽനിന്ന്​ ലഭിക്കുമെന്നതിനാൽ അബൂദബിയിൽ ഇനി പരിപാടികൾ സംഘടിപ്പിക്കാൻ എളുപ്പമായിരിക്കുമെന്നും സൈഫ്​ സഇൗദ്​ ഗോബാഷ്​ പറഞ്ഞു. ഏതു തരം പരിപാടികൾക്കും അനുമതി വാങ്ങിയിരിക്കേണ്ട അഞ്ച്​ മുഖ്യ സർക്കാർ വകുപ്പുകളും പരിപാടികളുടെ പ്ര​േത്യകതകൾക്ക്​ അനുസരിച്ച്​ അനുമതിക്ക്​ അപേക്ഷിക്കേണ്ടുന്ന 17 വകുപ്പുകളുമാണ്​ ഉൾപ്പെടുത്തിയിരിക്കുന്നത്​.
അന്താരാഷ്​ട്ര വിനോദസഞ്ചാര കേന്ദ്രങ്ങളിൽ സ്വീകരിച്ചുവരുന്ന മികച്ച നടപടികളിലൊന്നാണ്​ പുതിയ സംവിധാനമെന്ന്​ ടി.സി.എ അബൂദബി ആക്​ടിങ്​ എക്​സിക്യൂട്ടീവ്​ ഡയറക്​ടർ സുൽത്താൻ ആൽ ദാഹേരി അഭിപ്രായപ്പെട്ടു. സന്ദർശകരെയും നിക്ഷേപകരെയും കൂടുതൽ ആകർഷിക്കാനുള്ള ശ്രമങ്ങൾക്ക്​ ഇത്​ സഹായകരമാകും. പരിപാടികളുടെ സംഘാടനത്തിൽ സ്വകാര്യ മേഖലക്കും പൊതു മേഖലക്കും കൂടുതൽ യോജിച്ച്​ പ്രവർത്തിക്കാൻ സാധിക്കുമെന്നും സുൽത്താൻ ആൽ ദാഹേരി പറഞ്ഞു.