ക​ട​ലി​ൽ ബോ​ട്ടു​ക​ൾ തീ​ർ​ത്ത ‘യു.​എ.​ഇ’​ക്ക് ​ലോ​ക റെ​ക്കോ​ഡ്

അ​ബൂ​ദ​ബി: ബോ​ട്ടു​ക​ള്‍ ചേ​ർ​ന്നു​നി​ന്ന്​ യു.​എ.​ഇ എ​ന്നെ​ഴു​തി​യ​പ്പോ​ൾ പി​റ​ന്ന​ത്​ ച​രി​ത്രം. അ​ബൂ​ദ​ബി​യി​ലെ അ​ല്‍ ലു​ലു ദ്വീ​പി​ലാ​ണ് 52 ബോ​ട്ടു​ക​ള്‍ യു.​എ.​ഇ എ​ന്ന്​ ഇം​ഗ്ലീ​ഷ് അ​ക്ഷ​ര​ങ്ങ​ളു​ടെ രൂ​പ​ത്തി​ല്‍ ചേ​ർ​ന്നു​നി​ന്ന്​ ലോ​ക​റെ​ക്കോ​ഡ് തീ​ര്‍ത്ത​ത്. ജ​ല കാ​യി​ക​ബോ​ട്ടു​ക​ളും മ​ല്‍സ്യ​ബ​ന്ധ​ന ബോ​ട്ടു​ക​ളും മ​ര​ബോ​ട്ടു​ക​ളും യാ​ത്രാ​ബോ​ട്ടു​ക​ളും അ​ട​ക്ക​മാ​ണ്​ ലോ​ക​റെ​ക്കോ​ഡ് നേ​ട്ട​ത്തി​നാ​യി അ​ല്‍ ലു​ലു ദ്വീ​പി​ല്‍ അ​ക്ഷ​ര രൂ​പ​ങ്ങ​ളാ​യി മാ​റി​യ​ത്.

52ാമ​ത് ദേ​ശീ​യ​ദി​ന​ത്തി​ല്‍ 52 എ​ന്ന അ​ക്ക​രൂ​പം തീ​ര്‍ക്കാ​മെ​ന്നാ​യി​രു​ന്നു ക്യാ​പ്റ്റ​ന്‍ ക്ല​ബ് അം​ഗ​ങ്ങ​ളു​ടെ തീ​രു​മാ​ന​മെ​ങ്കി​ലും പി​ന്നീ​ടി​ത് രാ​ജ്യ​ത്തി​ന്​ ആ​ദ​ര​മാ​യി ‘യു.​എ.​ഇ’ എ​ന്നാ​ക്കാ​മെ​ന്ന്​ തീ​രു​മാ​നി​ക്കു​ക​യാ​യി​രു​ന്നു. 52ാമ​ത് ദേ​ശീ​യ​ദി​നം ക​ണ​ക്കി​ലെ​ടു​ത്താ​ണ് യു.​എ.​ഇ എ​ന്ന രൂ​പം തീ​ര്‍ക്കാ​ന്‍ 52 ബോ​ട്ടു​ക​ള്‍ ഉ​പ​യോ​ഗി​ച്ച​തെ​ന്ന് ക്യാ​പ്റ്റ​ന്‍സ് ക്ല​ബി​ലെ ബ​ഷ​ര്‍ മി​ഹ്​​യാ​ര്‍ പ​റ​ഞ്ഞു.ലോ​ക റെ​ക്കോ​ഡ് നേ​ട്ട​ത്തി​ലേ​ക്ക് പു​ല​ര്‍ച്ച ഒ​ന്നു​മു​ത​ല്‍ അ​ബൂ​ദ​ബി, യാ​സ് ഐ​ല​ന്‍ഡ്, എ​മി​റേ​റ്റ്‌​സ് പാ​ല​സ് എ​ന്നി​വി​ട​ങ്ങ​ളി​ല്‍ ന​ങ്കൂ​ര​മി​ട്ടി​രു​ന്ന ബോ​ട്ടു​ക​ള്‍ അ​ല്‍ ലു​ലു ദ്വീ​പി​ലേ​ക്ക് എ​ത്തു​ക​യും പു​ല​ര്‍ച്ച ആ​റോ​ടെ ലു​ലു ദ്വീ​പി​ല്‍ ലോ​ക​റെ​ക്കോ​ഡ് ശ്ര​മം തു​ട​ങ്ങു​ക​യും ചെ​യ്യു​ക​യാ​യി​രു​ന്നു.

യു.​എ.​ഇ എ​ന്നെ​ഴു​തി​യ ശേ​ഷം ഡ്രോ​ണു​ക​ള്‍ അ​ട​ക്കം ഉ​പ​യോ​ഗി​ച്ച് ഇ​തി​ന്റെ ആ​കാ​ശ​ദൃ​ശ്യ​ങ്ങ​ളും പ​ക​ര്‍ത്തി. 380 മീ​റ്റ​ര്‍ നീ​ള​ത്തി​ലും 155 മീ​റ്റ​ര്‍ ഉ​യ​ര​ത്തി​ലു​മാ​യി​രു​ന്നു ബോ​ട്ടു​ക​ള്‍ തീ​ര്‍ത്ത ഈ ​അ​ക്ഷ​ര​രൂ​പം. ബോ​ട്ടു​ക​ള്‍ ഇ​ള​കാ​തെ നി​ര്‍ത്തു​ക​യെ​ന്ന ശ്ര​മ​ക​ര​മാ​യ ദൗ​ത്യം 64 ക്യാ​പ്റ്റ​ന്മാ​രാ​ണ് വി​ജ​യ​ക​ര​മാ​യി പൂ​ര്‍ത്തി​യാ​ക്കി​യ​ത്. ഗി​ന്ന​സ് ബു​ക്ക് അ​ധി​കൃ​ത​രു​ടെ മാ​ന​ദ​ണ്ഡ​ങ്ങ​ളെ​ല്ലാം പാ​ലി​ച്ച​തോ​ടെ ഏ​ഴ​ര മ​ണി​ക്കൂ​ര്‍ നീ​ണ്ട ക്യാ​പ്റ്റ​ന്‍സ് ക്ല​ബ് ടീ​മി​ന്റെ ദൗ​ത്യം പൂ​ര്‍ണ​മാ​വു​ക​യും പു​തി​യ ലോ​ക റെ​ക്കോ​ഡ് പി​റ​ക്കു​ക​യും ചെ​യ്യു​ക​യാ​യി​രു​ന്നു.