യു.എ.ഇയുടെ വനിതാ മുന്നേറ്റം ലോകത്തിന്​ അഭിമാനം

ഷാർജ: വനിതാ സാമ്പത്തിക ശാക്​തീകരണ ആഗോള ഉച്ചകോടിക്ക്​ ഷാർജയിൽ തുടക്കമായി. ഷാർജ ഭരണാധികാരിയും സുപ്രിം കൗൺസിൽ അംഗവുമായ ​ശൈഖ്​ ഡോ. സുൽത്താൻ ബിൻ മുഹമ്മദ്​ ആൽ ഖാസിമി, ശൈഖ ജവാഹർ അൽ ഖാസിമി എന്നിവരുടെ സാന്നിധ്യത്തിൽ നടന്ന ഉച്ചകോടിയിൽ ലോകത്തി​​െൻറ വിവിധ ഭാഗങ്ങളിൽ നിന്നുള്ള വനിതാ നേതാക്കളും സംരംഭകരും സാമൂഹിക പ്രവർത്തകരും പങ്കുചേർന്നു.  സ്​ത്രീ മുന്നേറ്റത്തിൽ യു.എ.ഇ കൈവരിക്കുന്ന നേട്ടങ്ങൾ അന്താരാഷ്​ട്ര തലത്തിൽ തന്നെ അഭിമാനകരമാണെന്ന്​ ശൈഖ ജവാഹർ അൽ ഖാസിമി പറഞ്ഞു.  

സഹിഷ്​ണുത, സന്തോഷം സുരക്ഷ എന്നിവയുടെ മഹത്തായ ലക്ഷണമാണ്​ വനിതാ മുന്നേറ്റമെന്ന്​ മന്ത്രി ശൈഖ്​ മുബാറക്​ ആൽ നഹ്​യാൻ അഭിപ്രായപ്പെട്ടു. തൊഴിൽ വിപണിയിൽ വനിതകൾക്ക്​ തുല്യമായ പങ്കാളിത്തം ഉറപ്പാക്കാൻ ലക്ഷ്യമിടുന്ന ഉച്ചകോടിയിൽ വെച്ച്​ 20 പൊതു^സ്വകാര്യ സ്​ഥാപനങ്ങൾ വനിതാ ശാക്​തീകരണ നയങ്ങൾ നടപ്പാക്കുമെന്ന്​ പ്രഖ്യാപിച്ചു.  ​െഎക്യരാഷ്​ട്ര സഭയുടെ വനിതാ ശാക്​തീകരണ^തുല്യതാ വിഭാഗവും നമ വനിതാ മുന്നേറ്റ സംഘവുമാണ്​ ഉച്ചകോടിയുടെ അണിയറക്കാർ.    ഷാർജ എക്​സ്​​േപാ സ​െൻററിൽ നടക്കുന്ന പരിപാടി ഇന്നു സമാപിക്കും.