Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightവെനീസ്​ ബിനാലെയിൽ...

വെനീസ്​ ബിനാലെയിൽ ഗോൾഡൻ ലയൺ അവാർഡ് യു.എ.ഇ പവലിയന്​

text_fields
bookmark_border
Venice Biennale
cancel

ദുബൈ: വെനീസിൽ നടന്ന അന്താരാഷ്​​ട്ര​ ബിനാലെയിൽ ഗോൾഡൻ ലയൺ അവാർഡ് യു.എ.ഇ പവലിയൻ നേടി. ബിനാലെയിലെ ഏറ്റവും വലിയ അവാർഡാണ്​ ക്യുറേറ്റർമാരായ വായിൽ അൽ അവാറും കെനിച്ചി ടെറാമോട്ടോയും രൂപകൽപന ചെയ്​ത കലാസൃഷ്​ടി ​നേടിയെടുത്തത്​. സിമൻറിന്​ പകരമായി ഉപയോഗപ്പെടുത്താവുന്ന സംവിധാനത്തെ കുറിച്ച ആവിഷ്​കാരമാണ്​ പവലിയനിൽ ഒരുക്കിയത്​.

മാലിന്യത്തിൽ നിന്ന്​ നിർമാണസാമഗ്രികൾ രൂപപ്പെടുത്തിയെടുക്കാനുള്ള ശ്രമമായാണ്​ ഇത്​ അവതരിപ്പിച്ചത്​. ധീരമായ പരീക്ഷണമാണ് സൃഷ്​ടിയെന്നും ആഗോള തലത്തിൽ കരകൗശലവും ഉയർന്ന സാങ്കേതികവിദ്യയും സംയോജിപ്പിച്ച പുതിയ നിർമാണ സാധ്യതകളിലേക്ക് ശ്രദ്ധ ക്ഷണിക്കുന്നതാണിതെന്നും ജൂറി പ്രസിഡൻറ്​ കസുയോ സെജിമ ആവിഷ്​കാരത്തെ വിലയിരുത്തി.

60രാജ്യങ്ങൾ മൽസരിച്ച ബിനാലെയിൽ ഉന്നത നേട്ടം കൈവരിക്കാനായതിൽ അഭിമാനമുണ്ടെന്ന്​ നാഷണൽ പവലിയൻ യു.എ.ഇ കോർഡിനേറ്റിംഗ് ഡയറക്​ടർ ലൈല ബിൻബ്രെക്ക് പറഞ്ഞു. പവലിയൻ ടീം, സലാമ ബിൻത്​ ഹംദാൻ ആൽ നഹ്​യാൻ ഫൗണ്ടേഷൻ, സാംസ്​കാരിക യുവജന മന്ത്രാലയം എന്നിവയോട്​ നന്ദിയറിക്കുന്നതായി ചടങ്ങിൽ പവലിയനുവേണ്ടി അവാർഡ് സ്വീകരിച്ച അൽ അവാർ പറഞ്ഞു. നവംബർ 21 വരെ ബിനാലെ തുടരും.

Show Full Article
TAGS:Golden Lion Venice Biennale emarat beats 
News Summary - UAE wins Golden Lion for best pavilion at Venice Architecture Biennale
Next Story