പൊതുവഴിയിൽ ചവറിട്ടവരിൽ നിന്ന്​ ഒമ്പതു ലക്ഷം ദിർഹം പിഴ ഇൗടാക്കി

ദുബൈ: നഗരത്തിലെ റോഡുകളിലും പൊതുസ്​ഥലങ്ങളിലും മാലിന്യമിട്ട രണ്ടായിരത്തോളം പേർക്കെതിരെ നഗരസഭ പിഴ ചുമത്തി. ഇൗ വർഷം ആദ്യ പകുതിയിൽ ഒമ്പതു ലക്ഷം ദിർഹമാണ്​ ഇൗ ഇനത്തിൽ പിഴയായി ചുമത്തിയത്​. ഇതിനു പുറമെ റോഡിൽ തുപ്പിയ 140 പേരിൽ നിന്ന്​ 500 ദിർഹം വീതം മാലിന്യ നിയന്ത്രണ വിഭാഗം പിഴ ഇൗടാക്കി. 

ച്യൂയിംഗം ​േപാലുള്ള വസ്​തുക്കൾ റോഡിലോ പൊതു സ്​ഥലങ്ങളിലോ തുപ്പുന്നവർ 1000 ദിർഹമാണ്​ പിഴ നൽകേണ്ടി വരിക. ലോകത്തി​െൻറ എല്ലാ ഭാഗങ്ങളിൽ നിന്നുമുള്ള ആളുകൾ സന്ദർശിക്കാനും താമസിക്കാനും ജോലി ചെയ്യാനും തെരഞ്ഞെടുക്കുന്ന ആഗോള നഗരമാണ്​ ദുബൈ എന്നും ഇവിടെ ഏറ്റവും മികച്ച ശീലങ്ങളും വൃത്തിയും ഉറപ്പാക്കാനാണ്​ നിയമങ്ങളും ശിക്ഷാ നടപടികളും സ്വീകരിക്കുന്നതെന്നും മാലിന്യ നിയന്ത്രണ വിഭാഗം മേധാവി അബ്​ദുൽ മജീദ്​ അബ്​ദുൽ അസീസ്​ സഇഫാഇ പറഞ്ഞു.  

സിഗററ്റ്​ കുറ്റികൾ റോഡിൽ ഇടുന്നവരെ മുതൽ വാഹനങ്ങളിൽ സഞ്ചരിക്കുന്നതിനിടെ മാലിന്യം തള്ളിയിട്ടു പോകുന്നവരെ വരെ പിടികൂടുന്നുണ്ട്​. ആയിരത്തിലേറെ ഉദ്യോഗസ്​ഥരെയാണ്​ നിരീക്ഷണത്തിനും നടപടി കൈ​ക്കൊള്ളുന്നതിനുമായി ചുമതലപ്പെടുത്തിയിരിക്കുന്നത്​. വാഹനങ്ങളിൽ സഞ്ചരിക്കവെ മാലിന്യം തള്ളുന്നവരുടെ ചിത്രങ്ങൾ പകർത്തും. പിഴ തുക ഇവരുടെ ലൈസൻസിൽ രേഖപ്പെടുത്തും. പിഴ ഒഴിവാക്കാൻ മാത്രമല്ല, നാടിനെ നന്നായി സൂക്ഷിക്കാനും കുട്ടികളിൽ വൃത്തിയുടെ ശീലം പഠിപ്പിക്കാനും ഏവരും തയ്യാറാവണമെന്ന്​ അദ്ദേഹം പറഞ്ഞു.