മുന്നറിയിപ്പുമായി യു.​എ.​ഇ സർക്കാർ; ഇമാറാത്തി ജീവനക്കാരുടെ ശമ്പളത്തിൽ തൊട്ടുകളിക്കരുത്​

ദു​ബൈ: യു.​എ.​ഇ പൗ​ര​ന്മാ​രു​ടെ ശ​മ്പ​ളം വെ​ട്ടി​ച്ചു​രു​ക്കു​ന്ന ക​മ്പ​നി​ക​ൾ​ക്കെ​തി​രെ മു​ന്ന​റി​യി​പ്പു​മാ​യി യു.​എ.​ഇ. ഇ​ത്ത​ര​ക്കാ​ർ​ക്കെ​തി​രെ ക​ടു​ത്ത ന​ട​പ​ടി​യെ​ടു​ക്കു​മെ​ന്ന്​ യു.​എ.​ഇ മാ​ന​വ വി​ഭ​വ​ശേ​ഷി എ​മി​റേ​റ്റൈ​സേ​ഷ​ൻ മ​ന്ത്രി അ​ബ്​​ദു​ൽ റ​ഹ്​​മാ​ൻ അ​ൽ അ​വാ​ർ അ​റി​യി​ച്ചു.

ഇ​മാ​റാ​ത്തി ജീ​വ​ന​ക്കാ​രെ നി​യ​മി​ക്കു​ന്ന സ്ഥാ​പ​ന​ങ്ങ​ൾ​ക്ക്​ സ​ർ​ക്കാ​ർ ആ​നു​കൂ​ല്യ​ങ്ങ​ൾ ന​ൽ​കു​ന്നു​ണ്ട്. എ​ന്നാ​ൽ, ആ​നു​കൂ​ല്യ​ത്തി​ന്‍റെ മ​റ​പി​ടി​ച്ച്​ ജീ​വ​ന​ക്കാ​രു​ടെ ശ​മ്പ​ളം വെ​ട്ടി​ക്കു​റ​ക്കു​ന്ന​ത്​ ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്ന്​ മ​ന്ത്രി പ​റ​ഞ്ഞു.

തൊ​ഴി​ൽ മേ​ഖ​ല​യി​ലെ സ്വ​ദേ​ശി​വ​ത്​​ക​ര​ണം സ​ർ​ക്കാ​ർ സൂ​ക്ഷ്​​മ​മാ​യി നി​രീ​ക്ഷി​ക്കു​ന്നു​ണ്ട്. ഇ​മാ​റാ​ത്തി​വ​ത്​​ക​ര​ണ​വു​മാ​യി ബ​ന്ധ​പ്പെ​ട്ട നി​യ​മ​ങ്ങ​ളും നി​ർ​ദേ​ശ​ങ്ങ​ളും ദു​രു​പ​യോ​ഗം ചെ​യ്യ​രു​ത്. ഇ​ത്ത​രം ന​ട​പ​ടി​ക​ളെ വേ​ണ്ട രീ​തി​യി​ൽ കൈ​കാ​ര്യം ചെ​യ്യു​മെ​ന്ന്​ ക​ടു​ത്ത ഭാ​ഷ​യി​ലാ​ണ്​ മ​ന്ത്രി മു​ന്ന​റി​യി​പ്പ്​ ന​ൽ​കി​യ​ത്.

ഇ​മാ​റാ​ത്തി​വ​ത്​​ക​ര​ണം; ശ​മ്പ​ളം വ​ർ​ധി​ക്കും

2026ഓ​ടെ സ്വ​കാ​ര്യ​മേ​ഖ​ല​യി​ൽ 10 ശ​ത​മാ​നം ഇ​മാ​റാ​ത്തി​വ​ത്​​ക​ര​ണം എ​ന്ന​താ​ണ്​ യു.​എ.​ഇ സ​ർ​ക്കാ​റി​ന്‍റെ ല​ക്ഷ്യം. അ​ടു​ത്ത​വ​ർ​ഷം ജ​നു​വ​രി​യോ​ടെ ര​ണ്ടു​ ശ​ത​മാ​നം ന​ട​പ്പാ​ക്കാ​നാ​ണ്​ പ​ദ്ധ​തി. ഇ​തി​ന്‍റെ ഭാ​ഗ​മാ​യാ​ണ്​ 'നാ​ഫി' എ​ന്ന പേ​രി​ൽ പ​ദ്ധ​തി ന​ട​പ്പാ​ക്കു​ന്ന​ത്. ശ​മ്പ​ള​ത്തി​നു​പു​റ​മെ നാ​ഫി പ​ദ്ധ​തി പ്ര​കാ​രം ന​ൽ​കു​ന്ന ടോ​പ്​ അ​പ്​ വ​ർ​ധി​പ്പി​ക്കാ​ൻ ക​ഴി​ഞ്ഞ​ദി​വ​സം ചേ​ർ​ന്ന സ​ർ​ക്കാ​ർ യോ​ഗം തീ​രു​മാ​നി​ച്ചു.

ഇ​തോ​ടെ ഇ​മാ​റാ​ത്തി ജീ​വ​ന​ക്കാ​രു​ടെ ശ​മ്പ​ള​ത്തി​ൽ വ​ർ​ധ​ന​വു​ണ്ടാ​കും. ബി​രു​ദ​മു​ള്ള​വ​ർ​ക്ക്​ 7000 ദി​ർ​ഹ​മാ​ണ്​ ടോ​പ്​ അ​പ്പാ​യി ന​ൽ​കു​ന്ന​ത്. നേ​ര​ത്തേ ഇ​ത്​ 6000 ദി​ർ​ഹ​മാ​യി​രു​ന്നു. ഡി​​പ്ലോ​മ​ക്കാ​ർ​ക്ക്​ 6000 ദി​ർ​ഹ​മും ഹൈ​സ്കൂ​ൾ ക​ഴി​ഞ്ഞ​വ​ർ​ക്ക്​ 5000 ദി​ർ​ഹ​മു​മാ​ണ്​ ടോ​പ്​ അ​പ്പാ​യി ല​ഭി​ക്കു​ന്ന​ത്. എ​ന്നാ​ൽ, ഇ​തി​ന്‍റെ മ​റ​പി​ടി​ച്ചാ​ണ്​ ക​മ്പ​നി​ക​ൾ യു.​എ.​ഇ പൗ​ര​ന്മാ​രു​ടെ ശ​മ്പ​ളം വെ​ട്ടി​ക്കു​റ​ക്കു​ന്ന​ത്.

ഏ​തൊ​ക്കെ സ്ഥാ​പ​ന​ങ്ങ​ൾ ന​ട​പ്പാ​ക്ക​ണം

50 ജീ​വ​ന​ക്കാ​ർ​ക്ക്​ മു​ക​ളി​ലു​ള്ള സ്വ​കാ​ര്യ​സ്ഥാ​പ​ന​ങ്ങ​ളി​ൽ ര​ണ്ടു​ ശ​ത​മാ​നം ഇ​മാ​റാ​ത്തി​ക​ളെ നി​യ​മി​ക്ക​ണ​മെ​ന്നാ​ണ്​ സ​ർ​ക്കാ​ർ നി​ർ​ദേ​ശം. ഡി​സം​ബ​ർ 31ന്​ ​മു​മ്പ്​ ഇ​ത്​ ഓ​രോ സ്ഥാ​പ​ന​ങ്ങ​ളും ന​ട​പ്പാ​ക്ക​ണം. ഓ​രോ വ​ർ​ഷ​വും ര​ണ്ട്​ ശ​ത​മാ​നം വീ​തം വ​ർ​ധി​പ്പി​ച്ച്​ 2026ഓ​ടെ പ​ത്തു​ ശ​ത​മാ​ന​ത്തി​ലെ​ത്തി​ക്കും. ഫ്രീ ​സോ​ണി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ൾ​ക്ക്​ പു​തി​യ നി​ർ​ദേ​ശം നി​ല​വി​ൽ ബാ​ധ​ക​മ​ല്ല.

ഇ​മാ​റാ​ത്തി നി​യ​മ​ന നി​ർ​ദേ​ശം പാ​ലി​ക്കാ​ത്ത സ്ഥാ​പ​ന​ങ്ങ​ൾ​ക്ക്​ ആ​ളൊ​ന്നി​ന്ന്​ 6000 ദി​ർ​ഹം എ​ന്ന ക​ണ​ക്കി​ൽ പി​ഴ​യി​ടും. തെ​റ്റാ​യ വി​വ​രം ന​ൽ​കു​ന്ന​വ​ർ​ക്ക്​ 20,000 ദി​ർ​ഹം മു​ത​ൽ ല​ക്ഷം ദി​ർ​ഹം വ​രെ പി​ഴ​യി​ടും. കൂ​ടു​ത​ൽ സ്വ​ദേ​ശി​ക​ളെ നി​യ​മി​ക്കു​ന്ന​വ​ർ​ക്ക്​ കൂ​ടു​ത​ൽ ആ​നു​കൂ​ല്യ​വും സ​ർ​ക്കാ​ർ പ്ര​ഖ്യാ​പി​ച്ചി​ട്ടു​ണ്ട്. മൂ​ന്നി​ര​ട്ടി ഇ​മാ​റാ​ത്തി​ക​​ളെ നി​യ​മി​ക്കു​ന്ന​വ​ർ​ക്ക്​ 250 ദി​ർ​ഹ​മി​ന്​ വ​ർ​ക്ക്​ പെ​ർ​മി​റ്റ്​ ല​ഭി​ക്കും.

ര​ണ്ടി​ര​ട്ടി സ്വ​ദേ​ശി​വ​ത്​​ക​ര​ണം ന​ട​പ്പാ​ക്കു​ന്ന​വ​ർ​ക്ക്​ 1200 ദി​ർ​ഹ​മാ​ണ്​ വ​ർ​ക്ക്​ പെ​ർ​മി​റ്റ്​ ഫീ​സ്. സാ​ധാ​ര​ണ രീ​തി​യി​ൽ 3750 ദി​ർ​ഹ​മാ​ണ്​ ഫീ​സ്​ വ​രു​ന്ന​ത്. അ​തേ​സ​മ​യം, വ​ർ​ക്ക്​ പെ​ർ​മി​റ്റ്​ ല​ഭി​ച്ച ശേ​ഷ​വും ജോ​ലി​യി​ൽ പ്ര​വേ​ശി​ക്കാ​ത്ത ജീ​വ​ന​ക്കാ​ര​ൻ 20,000 ദി​ർ​ഹം പി​ഴ അ​ട​ക്കേ​ണ്ടി വ​രും.