യു.എ.ഇയിൽ വിസാ കാലാവധി നീട്ടി നൽകും

ദുബൈ: വിസിറ്റിങ്​ വിസകൾക്ക്​ പുറമെ താമസ വിസകളും മൂന്ന്​ മാസത്തേക്ക്​ നീട്ടാൻ യു.എ.ഇ മന്ത്രിസഭ തീരുമാനം. മാർച് ച് ഒന്നിന് അവസാനിച്ച താമസവിസകളാണ്​ മൂന്ന്​ മാസത്തേക്ക്​ നീട്ടുന്നത്​. കാലാവധി അവസാനിക്കുന്ന മറ്റ് വാണിജ്യ രേഖകളും ഏപ്രിൽ ഒന്ന് മുതൽ മൂന്ന് മാസത്തേക്ക് നീട്ടാനും മന്ത്രിസഭ തീരുമാനം.

നേരത്തെ വിസിറ്റിങ്​ വിസ പുതുക്കി നൽകുമെന്ന്​ യു.എ.ഇ അറിയിച്ചിരുന്നു. തൊഴിലാളികളുടെയും വീട്ടുജോലിക്കാരുടെയും വിസ പുതുക്കാൻ മെഡിക്കൽ പരിശോധന ആവശ്യമില്ലെന്നും അറിയിച്ചിരുന്നു. ഇതിന്​ പിന്നാലെയാണ്​ സൗജന്യമായി വിസ കാലാവധി നീട്ടാൻ തീരുമാനിച്ചത്​.