വ്യാജ ക്ലീനിങ് ഉൽപന്ന നിർമാണ ഫാക്ടറി അടച്ചുപൂട്ടി
text_fieldsഅജ്മാന്: വ്യാജമായി ക്ലീനിങ് ഉൽപന്നങ്ങള് നിർമിച്ചിരുന്ന ഫാക്ടറി അജ്മാനില് അടച്ചുപൂട്ടി. അജ്മാന് സാമ്പത്തിക വികസന വകുപ്പ് വ്യവസായിക മേഖലയില് നടത്തിയ പരിശോധനയിലാണ് നടപടി. 20 ലക്ഷം ദിർഹം വിലമതിക്കുന്ന അന്താരാഷ്ട്ര ബ്രാൻഡുകളുടെ വ്യാജ ഉല്പന്നങ്ങള് ഈ സ്ഥാപനത്തില്നിന്നും പിടികൂടി.
ഉല്പന്നങ്ങള് നിർമിക്കുന്നതും ബോട്ടിലുകളില് നിറക്കുന്നതും പാക്കിങ്ങിന് ഉപയോഗിക്കുന്നതുമായ യന്ത്രങ്ങളോടൊപ്പം ഏഴുലക്ഷം പാക്കറ്റുകളും അധികൃതര് കണ്ടുകെട്ടുകയും അനധികൃത പ്രവര്ത്തനത്തിന് പിഴ ചുമത്തുകയും ചെയ്തു. ഉപഭോക്തൃ സംരക്ഷണം ഉറപ്പുവരുത്തുന്നതിെൻറയും വാണിജ്യ സാമ്പത്തിക സ്ഥാപനങ്ങളെ നിയന്ത്രിക്കുന്നതിെൻറയും ഭാഗമായാണ് നടപടിയെന്ന് വാണിജ്യ തട്ടിപ്പുവിരുദ്ധ വകുപ്പ് മേധാവി ഹസന് അലി അല് സെഹി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
