വീ​ടെ​ന്ന സ്വ​പ്​​നം ബാ​ക്കി​വെ​ച്ച്​ സൈ​ഫു​ദ്ദീ​ൻ മ​ട​ങ്ങു​ന്നു

അ​ബൂ​ദ​ബി: തി​രു​വ​ന​ന്ത​പു​രം വ​ർ​ക്ക​ല ന​ട​യ​റ കു​ന്നി​ലെ കു​ത്ത​നെ​യു​ള്ള ക​യ​റ്റം ക​യ​റി ചെ​ന്നാ​ൽ ചെ​മ്മ​ണ്ണ്​ ചേ​ർ​ത്തു​ പ​ണി​ത ചെ​റി​യൊ​രു കു​ടി​ൽ കാ​ണാം. 18 വ​ർ​ഷം മ​ണ​ലാ​ര​ണ്യ​ത്തി​ൽ വി​യ​ർ​പ്പൊ​ഴു​ക്കി​യ ച​ട​യ​മം​ഗ​ലം സ്വ​ദേ​ശി സൈ​ഫു​ദ്ദീ​​ൻ പ്ര​വാ​സ ജീ​വി​തം അ​വ​സാ​നി​പ്പി​ച്ച്​ ക​യ​റി​ച്ചെ​ല്ലു​ന്ന​ത്​ ഇൗ ​വീ​ട്ടി​ലേ​ക്കാ​ണ്. സ്വ​ന്തം പേ​രി​ല​ല്ലെ​ങ്കി​ലും ഭാ​ര്യാ സ​ഹോ​ദ​രി​യു​ടെ കാ​രു​ണ്യ​ത്താ​ൽ ര​ണ്ട്​ പ​തി​റ്റാ​ണ്ടാ​യി ഇൗ ​വീ​ട്ടി​ൽ താ​മ​സി​ക്കു​ന്ന സൈ​ഫു​വി​നെ നാ​ട്ടി​ലെ​ത്തി​യാ​ൽ കാ​ത്തി​രി​ക്കു​ന്ന​ത്​ കു​റേ​​യേ​റെ ക​ട​ബാ​ധ്യ​ത​ക​ളാ​ണ്. കോ​വി​ഡി​​െൻറ പി​ടി​യി​ൽ​പെ​ട്ട്​ 51 ദി​വ​സ​ത്തെ ചി​കി​ത്സ​ക്കും വ​െൻറി​ലേ​റ്റ​ർ വാ​സ​ത്തി​നു​മൊ​ടു​വി​ൽ നാ​ട​ണ​യാ​ൻ കാ​ത്തി​രി​ക്കു​ന്ന സൈ​ഫു​ദ്ദീ​ൻ സ്വ​ന്ത​മാ​യൊ​രു വീ​ടെ​ന്ന സ്വ​പ്​​നം ബാ​ക്കി​വെ​ച്ചാ​ണ്​ നാ​ട്ടി​ലേ​ക്ക്​ മ​ട​ങ്ങു​ന്ന​ത്.

കോ​വി​ഡ് ഗു​രു​ത​ര​മാ​യ​തി​നെ തു​ട​ർ​ന്ന്​ ആ​ശു​പ​ത്രി​യി​ലാ​യി​രു​ന്ന സൈ​ഫു​ദ്ദീ​ൻ ഈ ​മാ​സം ഏ​ഴി​നാ​ണ്​ ഡി​സ്ചാ​ർ​ജാ​യ​ത്. അ​ൽ ജാ​ബ​ർ ക​മ്പ​നി​യു​ടെ ക്വാ​റ​ൻ​റീ​ൻ സ​െൻറ​റി​ലാ​ണി​പ്പോ​ൾ. ഈ ​മാ​സം 21ന് 14 ​ദി​വ​സ​ത്തെ ക്വാ​റ​ൻ​റീ​ൻ പൂ​ർ​ത്തീ​ക​രി​ക്കും. അ​തി​ന്​ ശേ​ഷം ക​മ്പ​നി​യു​ടെ അ​ക്ക​മ​ഡേ​ഷ​നി​ലേ​ക്കും അ​വി​ടെ നി​ന്ന് സ്​​ഥാ​പ​ന​ത്തി​​െൻറ ടി​ക്ക​റ്റി​ൽ വൈ​കാ​തെ നാ​ട്ടി​ലേ​ക്കും മ​ട​ങ്ങാ​നാ​വു​മെ​ന്ന പ്ര​തീ​ക്ഷ​യി​ലാ​ണി​പ്പോ​ൾ. ക​ടു​ത്ത പ്ര​മേ​ഹ​ത്തോ​ടൊ​പ്പം കോ​വി​ഡും വ​ന്ന​തോ​ടെ​യാ​ണ്​ സൈ​ഫു​ദ്ദീ​ൻ വ​െൻറി​ലേ​റ്റ​റി​ലാ​യ​ത്. 51 ദി​വ​സ​ത്തെ പോ​രാ​ട്ട​ത്തി​നൊ​ടു​വി​ൽ ര​ക്ഷ​പ്പെ​ട്ടെ​ത്തി​യെ​ങ്കി​ലും ആ​രോ​ഗ്യം ക്ഷ​യി​ച്ച അ​വ​സ്​​ഥ​യി​ലാ​ണ്. അ​തി​നാ​ൽ, വ​ർ​ഷ​ങ്ങ​ളാ​യി താ​മ​സി​ക്കു​ന്ന വീ​ട്ടി​ലേ​ക്കു​ള്ള യാ​ത്ര​യും ദു​ഷ്‌​ക​ര​മാ​കും.

കു​ത്ത​നെ​യു​ള്ള ക​യ​റ്റ​വും ഇ​റ​ക്ക​വു​മാ​യു​ള്ള പാ​ത​യി​ലൂ​ടെ വേ​ണം വീ​ട്ടി​ലെ​ത്താ​ൻ. വാ​ഹ​നം എ​ത്തു​ന്ന കു​ന്നി​നു മു​ക​ൾ ഭാ​ഗ​ത്തു​നി​ന്നു താ​ഴേ​ക്ക് ന​ട​ന്നു​വേ​ണം എ​ത്താ​ൻ. ആ​ശു​പ​ത്രി​യി​ലോ മ​റ്റോ പോ​ക​ണ​മെ​ങ്കി​ൽ കു​ന്നു ക​യ​റി​യു​ള്ള പോ​ക്കു​വ​ര​വ് പ്ര​യാ​സ​ക​ര​മാ​കും. സൈ​ഫു​ദ്ദീ​നെ സു​ര​ക്ഷി​ത​മാ​യി താ​മ​സി​പ്പി​ക്കാ​ൻ വാ​ട​ക​വീ​ട് ക​ണ്ടെ​ത്താ​നു​ള്ള പ​രി​ശ്ര​മ​ത്തി​ലാ​ണ് നാ​ട്ടി​ൽ ഭാ​ര്യ മ​ൻ​സി​ല​യും മ​ക്ക​ളും. ഇ​പ്പോ​ൾ താ​മ​സി​ക്കു​ന്ന വീ​ട് മ​ൻ​സി​ല​യു​ടെ അ​നു​ജ​ത്തി റ​ഹീ​ല​യു​ടെ പേ​രി​ലു​ള്ള​താ​ണ്. മ​ൻ​സി​ല​യു​ടെ ഉ​മ്മ സു​ബൈ​ദ ബീ​വി​യും സൈ​ഫു​ദ്ദീ​​െൻറ കു​ടും​ബ​ത്തോ​ടൊ​പ്പം ഈ ​വീ​ട്ടി​ലാ​ണ്. നാ​ട്ടി​ലെ​ത്തി 14 ദി​വ​സ​ത്തെ ക്വാ​റ​ൻ​റീ​നി​ൽ ക​ഴി​യാ​നെ​ങ്കി​ലും സൗ​ക​ര്യം ഉ​ട​ൻ കി​ട്ട​ണം. 

അ​ബൂ​ദ​ബി മു​സ​ഫ വ്യ​വ​സാ​യ ന​ഗ​രി​യി​ലെ അ​ൽ​ജാ​ബ​ർ ക​മ്പ​നി​യി​ൽ ജോ​ലി ചെ​യ്തി​രു​ന്ന സ​ഹാ​ദ​രീ ഭ​ർ​ത്താ​വ് ഷാ​ഹു​ൽ ഹ​മീ​ദ് അ​യ​ച്ചു​കൊ​ടു​ത്ത വി​സ​യി​ലാ​ണ് 17 വ​ർ​ഷം മു​മ്പ് മു​സ​ഫ വ്യ​വ​സാ​യ ന​ഗ​രി​യി​ലെ അ​ൽ ജാ​ബ​ർ ക​മ്പ​നി​യി​ൽ ഗ്ലോ​ബ​ൽ പൊ​സി​ഷ​നി​ങ് സി​സ്​​റ്റം സ​ർ​വേ ജോ​ലി​യി​ൽ ഹെ​ൽ​പ്പ​റാ​യെ​ത്തി​യ​ത്. കു​ട്ടി​ക​ളു​ടെ വി​ദ്യാ​ഭ്യാ​സ​വും ര​ണ്ടു പെ​ൺ​മ​ക്ക​ളെ ക​ല്യാ​ണം ക​ഴി​ച്ച​യ​ച്ച​തു​മാ​ണ്​ പ്ര​വാ​സ ജീ​വി​ത​ത്തി​​െൻറ ആ​കെ​ത്തു​ക. ദീ​ർ​ഘ​കാ​ലം പൊ​രി​വെ​യി​ല​ത്ത് സ​ർ​വേ ഉ​പ​ക​ര​ണ​ങ്ങ​ളും പേ​റി​യു​ള്ള ഹെ​ൽ​പ​ർ ജോ​ലി​ക്കൊ​ടു​വി​ൽ നാ​ട്ടി​ലേ​ക്ക് മ​ട​ങ്ങു​മ്പോ​ൾ രോ​ഗി​യാ​യ​തി​​െൻറ ആ​ധി​യും ഭാ​വി​യെ​ക്കു​റി​ച്ചു​ള്ള വേ​വ​ലാ​തി​യു​മാ​ണ്​ ബാ​ക്കി. 

വ​െൻറി​ലേ​റ്റ​ർ വാ​സ​ത്തി​നി​ട​യി​ൽ ഓ​ക്‌​സി​ജ​ൻ ന​ൽ​കാ​നാ​യി ക​ഴു​ത്തി​ലു​ണ്ടാ​ക്കി​യ ദ്വാ​രം ഉ​ണ​ങ്ങാ​നു​ണ്ട്. ആ​ശു​പ​ത്രി​യി​ൽ കി​ട​ന്ന ദി​വ​സ​ങ്ങ​ളി​ൽ മൂ​ക്കി​ലൂ​ടെ ദ്രാ​വ​ക​രൂ​പ​ത്തി​ലു​ള്ള ഭ​ക്ഷ​ണ​മാ​യി​രു​ന്നു ന​ൽ​കി​യി​രു​ന്ന​ത്. തു​ണ​യാ​യി നാ​ട്ടി​ലേ​ക്ക് പോ​കു​ന്ന അ​ന​ന്തി​ര​വ​ൻ ഷെ​ഹ​നാ​ദും ഇ​ന്ത്യ​ൻ എം​ബ​സി​യി​ൽ ര​ജി​സ്​​റ്റ​ർ ചെ​യ്ത് വ​ന്ദേ​ഭാ​ര​ത് വി​മാ​ന​ത്തി​ൽ യാ​ത്രാ​നു​മ​തി​ക്കാ​യി അ​പേ​ക്ഷ സ​മ​ർ​പ്പി​ച്ചി​ട്ടു​ണ്ട്. ഇ​ന്ത്യ​ൻ എം​ബ​സി​യു​ടെ അ​നു​മ​തി വേ​ഗ​ത്തി​ൽ ല​ഭി​ക്കു​മെ​ന്നും നാ​ട്ടി​ലെ​ത്തി​യാ​ൽ സു​മ​ന​സ്സു​ക​ളു​ടെ കാ​രു​ണ്യ​ത്താ​ൽ സ്വ​ന്ത​മാ​യി ഭ​വ​ന​മു​ണ്ടാ​ക്കാ​മെ​ന്നു​മു​ള്ള പ്ര​തീ​ക്ഷ​യി​ലാ​ണ്​ സൈ​ഫു​ദ്ദീ​ൻ.