You are here

കനിവുമായി ‘കരളുറപ്പോടെ’ ചേർത്തുപിടിച്ചതിന് നന്ദി

  • ക​രു​ണ​യു​ടെ ചി​റ​കി​ലേ​റി രാ​ജ്കു​മാ​ർ നാ​ളെ നാ​ട്ടി​ലേ​ക്ക്

  • നാട്ടിലേക്കുള്ള വഴിയൊരുക്കിയത് ഗൾഫ് മാധ്യമം^മീഡിയവൺ ‘മിഷൻ വിങ്​സ്​ ഒാഫ്​ കംപാഷൻ’

മ​ട​ക്ക​യാ​ത്ര​ക്കു​ള്ള ടി​ക്ക​റ്റു​മാ​യി രാ​ജ്കു​മാ​ർ

ദു​ബൈ: ജീ​വ‍​െൻറ ന​ല്ല​പാ​തി പ​കു​ത്തു​ന​ൽ​കി​യ ക​ര​ളു​മാ​യാ​ണ് രാ​ജ്കു​മാ​ർ നാ​ലു​വ​ർ​ഷം മു​മ്പ് വീ​ണ്ടും പ്ര​വാ​സ​മ​ണ്ണി​ലേ​ക്കെ​ത്തി​യ​ത്. ക​ണ്ണീ​ര​ണി​ഞ്ഞ ജീ​വി​ത​ദു​രി​ത​ങ്ങ​ൾ​ക്ക് അ​ൽ​പ​മെ​ങ്കി​ലും ആ​ശ്വാ​സം,  അ​തു മാ​ത്ര​മാ​യി​രു​ന്നു അ​ന്ന​ത്തെ സ്വ​പ്നം. എ​ന്നാ​ൽ, ക​ര​ള​ലി​ഞ്ഞു​പോ​കു​ന്ന കോ​വി​ഡ് ദു​രി​ത​ക്കാ​ഴ്ച​ക​ൾ​ക്കു​മു​ന്നി​ൽ നി​സ്സ​ഹാ​യ​നാ​യി നി​ൽ​ക്കാ​നാ​യി​രു​ന്നു തി​രു​വ​ന​ന്ത​പു​രം സ്വ​ദേ​ശി​യാ​യ ഇൗ 55​കാ​ര‍​െൻറ വി​ധി. ക​ര​ൾ​മാ​റ്റ ശ​സ്ത്ര​ക്രി​യ ക​ഴി​ഞ്ഞ​തി​നാ​ൽ ചെ​റി​യ രീ​തി​യി​ലു​ള്ള അ​ണു​ബാ​ധ പോ​ലും ജീ​വ​ൻ അ​പ​ക​ട​ത്തി​ലാ​ക്കു​ന്ന അ​വ​സ്ഥ. തി​രി​കെ നാ​ട​ണ​യാ​ൻ വി​മാ​ന ടി​ക്ക​റ്റി​നു​ള്ള പ​ണം പോ​ലു​മെ​ടു​ക്കാ​നാ​വാ​തെ അ​ല​ഞ്ഞ നാ​ളു​ക​ൾ. പ​ല​രോ​ടു പ​റ​ഞ്ഞും പ​ല വാ​തി​ലു​ക​ൾ മു​ട്ടി​യും സ​ഹാ​യം തേ​ടി​യ ദി​ന​രാ​ത്ര​ങ്ങ​ൾ. 

എ​ന്നാ​ൽ, എ​ല്ലാം ഒ​രു​വി​ധം നേ​രെ​യാ​യ​തി​ലു​ള്ള സ​ന്തോ​ഷ​മു​ണ്ട് ഇ​ന്ന് ആ ​മു​ഖ​ത്ത്. നാ​ട​ണ​യാ​നാ​വാ​തെ കു​രു​ങ്ങി​പ്പോ​യ​വ​ർ​ക്ക് ആ​ശ്വാ​സം പ​ക​രാ​ൻ ഗ​ൾ​ഫ് മാ​ധ്യ​മ​വും മീ​ഡി​യ​വ​ണും ചേ​ർ​ന്ന് അ​ർ​ഹ​രാ​യ​വ​രെ നാ​ട്ടി​ലെ​ത്തി​ക്കു​ന്ന ദൗ​ത്യ​മാ​യ ‘മി​ഷ​ൻ വി​ങ്​​സ്​ ഒാ​ഫ്​ കം​പാ​ഷ​ൻ’ വ​ഴി രാ​ജ്കു​മാ​ർ നാ​ളെ നാ​ട്ടി​ലേ​ക്ക് തി​രി​ക്കും. ‘‘സ​ഹാ​യി​ച്ച​ത് ഗ​ൾ​ഫ് മാ​ധ്യ​മം പ​ത്ര​വും മീ​ഡി​യ​വ​ൺ ചാ​ന​ലും അ​വ​രു​ടെ കൂ​ടെ പ​ങ്കു​ചേ​ർ​ന്ന ന​ല്ല​മ​ന​സ്സു​ക​ളു​മാ​ണെ​ന്ന​റി​യാം. 
എ​ന്നെ സ​ഹാ​യി​ച്ച​വ​രെ  എ​ല്ലാ​വ​രെ​യും ഇ​തു​വ​രെ നേ​രി​ൽ ക​ണ്ടി​ട്ടു​പോ​ലു​മി​ല്ല. മ​ര​ണ​ത്തി‍​െൻറ വ​ക്കി​ൽ നി​ന്ന് ജീ​വി​ത​ത്തി​ലേ​ക്ക് എ​ന്നെ കൂ​ട്ടി​ക്കൊ​ണ്ടു​വ​ന്ന​വ​രാ​ണ​വ​ർ. ദൈ​വ​ത്തോ​ട് പ്രാ​ർ​ഥി​ക്കു​ന്നു; അ​വ​ർ​ക്ക് ന​ല്ല​ത് മാ​ത്രം വ​രു​ത്ത​ണേ. അ​വ​ർ​ക്ക് ന​ല്ല​ത് മാ​ത്ര​മേ വ​രൂ’’ - കൈ​കൂ​പ്പി ക​ണ്ണീ​ര​ണി​ഞ്ഞ് രാ​ജ്കു​മാ​ർ പ​റ​ഞ്ഞു.

ര​ണ്ട​ര പ​തി​റ്റാ​ണ്ടു കാ​ല​ത്തോ​ളം റാ​സ​ൽ​ഖൈ​മ​യി​ൽ പ്ര​വാ​സി​യാ​യി​രു​ന്ന വെ​ഞ്ഞാ​റ​മൂ​ട് സ്വ​ദേ​ശി രാ​ജ്കു​മാ​ർ ക​ര​ൾ സം​ബ​ന്ധ​മാ​യ അ​സു​ഖ​ത്തെ തു​ട​ർ​ന്ന് ആ​റു വ​ർ​ഷം മു​മ്പാ​ണ് നാ​ട്ടി​ലേ​ക്ക് മ​ട​ങ്ങി​യ​ത്. ക​ത്തു​ന്ന വെ​യി​ൽ വ​ക​വെ​ക്കാ​തെ മ​രു​ഭൂ​മി​യി​ൽ അ​ധ്വാ​നി​ച്ചു​ണ്ടാ​ക്കി​യ​തെ​ല്ലാം അ​സു​ഖ​ത്തി​നാ​യി ചെ​ല​വ​ഴി​ച്ചു. ഒ​ടു​വി​ൽ ക​ര​ൾ മാ​റ്റി​വെ​ക്കാ​ൻ ഡോ​ക്ട​ർ നി​ർ​ദേ​ശി​ച്ച​പ്പോ​ൾ ഭാ​ര്യ ക​ര​ൾ പ​കു​ത്തു​ന​ൽ​കാ​ൻ ത​യാ​റാ​യി. ന​ല്ല​പാ​തി​യു​ടെ തു​ന്നി​പ്പി​ടി​പ്പി​ച്ച ക​ര​ളു​മാ​യി ജീ​വി​തം തു​ട​ങ്ങി​യെ​ങ്കി​ലും ദു​രി​തം ത​ന്നെ​യാ​യി പി​ന്നീ​ട് രാ​ജ്കു​മാ​റി​നും കു​ടും​ബ​ത്തി​നും കൂ​ട്ട്. വി​ശ​ന്നു ക​ര​യു​ന്ന മ​ക്ക​ളു​ടെ മു​ഖം കാ​ണാ​ൻ ക​ഴി​യാ​തെ വ​ന്ന​തോ​ടെ, ശ​രീ​ര​വു​മാ​യി ചേ​ർ​ത്തു​വെ​ച്ച ക​ര​ളു​മാ​യി വീ​ണ്ടും പ്ര​വാ​സ​മ​ണ്ണി​ലേ​ക്കി​റ​ങ്ങി. 

ഇ​പ്പോ​ൾ നാ​ലു വ​ർ​ഷ​മാ​യി രാ​ജ്കു​മാ​ർ യു.​എ.​ഇ​യി​ൽ എ​ത്തി​യി​ട്ട്. കു​റ​ഞ്ഞ വേ​ത​ന​മാ​ണെ​ങ്കി​ലും വീ​ട്ടി​ലെ പ​ട്ടി​ണി മാ​റു​മ​ല്ലോ എ​ന്ന ആ​ശ്വാ​സ​ത്താ​ൽ പി​ടി​ച്ചു​നി​ന്നു. അ​തി​നി​ടെ വേ​ത​നം പ​ല​ത​വ​ണ കു​റ​ഞ്ഞു. എ​ങ്കി​ലും പ്ര​തീ​ക്ഷ​യോ​ടെ അ​ധ്വാ​നം തു​ട​രു​ന്ന​തി​നി​ടെ​യാ​ണ് കൊ​റോ​ണ​യു​ടെ വ​ര​വ്. ചെ​റി​യ അ​ണു​ബാ​ധ പോ​ലും ജീ​വ​ൻ അ​പ​ക​ട​ത്തി​ലാ​ക്കു​മെ​ന്ന​തി​നാ​ൽ ജോ​ലി പോ​യി​ട്ട് മു​റി​യി​ൽ​നി​ന്നും പു​റ​ത്തി​റ​ങ്ങാ​നാ​വാ​തെ ഭ​യ​ന്ന് ക​ഴി​യു​ക​യാ​യി​രു​ന്നു ഇ​തു​വ​രെ രാ​ജ്കു​മാ​ർ. ഇ​തി​നി​ടെ​യാ​ണ് സു​ഹൃ​ത്തു​ക്ക​ൾ മു​ഖേ​ന ‘മി​ഷ​ൻ വി​ങ്​​സ്​ ഒാ​ഫ്​ കം​പാ​ഷ​ൻ’ ഉ​ദ്യ​മ​ത്തെ​ക്കു​റി​ച്ച് അ​റി​യു​ന്ന​ത്. ടി​ക്ക​റ്റ് ല​ഭി​ക്കു​മെ​ന്ന് ക​രു​തി​യി​ല്ലെ​ങ്കി​ലും ആ​ദ്യ ലി​സ്​​റ്റി​ൽ ത​ന്നെ ടി​ക്ക​റ്റ് നേ​ടി​യ സ​ന്തോ​ഷ​ത്തി​ലാ​ണ് രാ​ജ്കു​മാ​ർ. 

നാ​ട്ടി​ലെ​ത്തി​യി​ട്ട് ഇ​നി എ​ന്ത് എ​ന്ന​തി​നെ കു​റി​ച്ചൊ​ന്നും ഇ​പ്പോ​ഴും ഒ​രു രൂ​പ​മി​ല്ലെ​ങ്കി​ലും ഇ​നി പ്ര​വാ​സ​മ​ണ്ണി​ലേ​ക്കൊ​രു മ​ട​ക്ക​മി​ല്ലെ​ന്ന് ക​ണ്ണീ​രോ​ടെ ഇ​ദ്ദേ​ഹം പ​റ​യു​ന്നു. മ​ക്ക​ൾ ര​ണ്ടു പേ​രും വി​ദ്യാ​ർ​ഥി​ക​ളാ​ണ്. ചെ​റി​യ ജോ​ലി​ക​ൾ എ​ന്തെ​ങ്കി​ലും ചെ​യ്ത് അ​വ​രെ പ​ഠി​പ്പി​ക്ക​ണം. ഒ​പ്പം വ​ലി​യ പ്ര​ശ്ന​ങ്ങ​ളി​ല്ലാ​തെ ജീ​വി​ച്ചു​പോ​ണം - രാ​ജ്കു​മാ​ർ പ​റ​ഞ്ഞു. വ്യാ​ഴാ​ഴ്ച മൂ​ന്നു​മ​ണി​ക്ക് ദു​ബൈ​യി​ൽ നി​ന്ന് തി​രു​വ​ന​ന്ത​പു​ര​ത്തേ​ക്കു​ള്ള വി​മാ​ന​ത്തി​ൽ രാ​ജ്കു​മാ​ർ നാ​ട്ടി​ലേ​ക്ക് തി​രി​ക്കും. 

Loading...
COMMENTS