‘യോ​ഗ്യ​ന്മാ​ർ’ നാ​ട്ടി​ലെ​ത്തി;  അ​ർ​ഹ​ർ പ​ടി​ക്കു​പു​റ​ത്ത്

ദു​ബൈ: കാ​ത്തി​രു​ന്ന്​ കാ​ത്തി​രു​ന്ന്​ നാ​ട്ടി​ലേ​ക്ക്​ വി​മാ​ന​മെ​ത്തി​യ​പ്പോ​ൾ ക​യ​റി​പ്പ​റ്റി​യ​തി​ലേ​റെ​യും അ​ന​ർ​ഹ​ർ. നാ​ട്ടി​ൽ​നി​ന്നു​ള്ള രാ​ഷ്​​ട്രീ​യ ഇ​ട​പെ​ട​ലും എം​ബ​സി ഉ​ദ്യോ​ഗ​സ്​​ഥ​രു​ടെ​യും ചി​ല സം​ഘ​ട​ന​ക​ളു​ടെ​യും  താ​ൽ​പ​ര്യ​ങ്ങ​ളും മാ​ന​ദ​ണ്ഡം നി​ശ്​​ച​യി​ച്ച​തി​ലെ പാ​ളി​ച്ച​യു​മാ​ണ്​ വി​ദേ​ശ​രാ​ജ്യ​ങ്ങ​ളി​ൽ​നി​ന്നു​ള്ള ഇ​ന്ത്യ​ൻ വി​മാ​ന​ത്തി​ൽ അ​ന​ർ​ഹ​ർ ഇ​ടം​പി​ടി​ക്കാ​ൻ കാ​ര​ണ​മാ​യ​ത്. ഗ​ൾ​ഫി​ലെ വ​ൻ​കി​ട സ്​​ഥാ​പ​ന​ങ്ങ​ളി​ലെ ഉ​ദ്യോ​ഗ​സ്​​ഥ​രും ഒ​രു രോ​ഗ​വു​മി​ല്ലാ​ത്ത​വ​രും നി​ല​വി​ൽ ജോ​ലി​യു​ള്ള​വ​രും ക​യ​റി​പ്പ​റ്റി​യ​പ്പോ​ൾ ഗ​ർ​ഭി​ണി​ക​ളും ക​ടു​ത്ത രോ​ഗ​ബാ​ധി​ത​രും ജോ​ലി ന​ഷ്​​ട​പ്പെ​ട്ട്​ ലേ​ബ​ർ ക്യാ​മ്പു​ക​ളി​ൽ ക​ഴി​യു​ന്ന​വ​രും പ​ടി​ക്കു​പു​റ​ത്താ​യി. യാ​ത്ര​യാ​കു​ന്ന​വ​രു​ടെ പ​ട്ടി​ക നേ​ര​ത്തേ പു​റ​ത്തു​വി​ട്ടാ​ൽ സു​താ​ര്യ​ത ഉ​റ​പ്പാ​ക്കാ​മെ​ന്നി​രി​ക്കെ ഇ​ത്​ മ​റ​ച്ചു​വെ​ച്ചാ​ണ്​ ഇ​ഷ്​​ട​ക്കാ​രെ തി​രു​കി​ക്ക​യ​റ്റു​ന്ന​ത്. 

ആ​ദ്യ മൂ​ന്നു​ ദി​വ​സ​ത്തി​നി​ടെ മ​ല​യാ​ളി​ക​ൾ ഉ​ൾ​പ്പെ​ടെ 1373 പേ​രെ​യാ​ണ്​ പ്ര​ത്യേ​ക വി​മാ​ന​ത്തി​ൽ ഇ​ന്ത്യ​യി​ലെ​ത്തി​ച്ച​ത്. ഞാ​യ​റാ​ഴ്​​ച എ​ട്ടു​ വി​മാ​ന​ത്തി​ലാ​യി 1500ഒാ​ളം പേ​ർ കൂ​ടി നാ​ട്ടി​ലെ​ത്തി​യി​ട്ടു​ണ്ട്. ഇ​തി​ൽ 25 ശ​ത​മാ​ന​മെ​ങ്കി​ലും അ​ന​ർ​ഹ​ർ ക​യ​റി​ക്കൂ​ടി​യ​താ​യാ​ണ്​ വി​വ​രം. യു.​എ.​ഇ​യി​ലെ പ്ര​മു​ഖ ബി​സി​ന​സ്​ ഗ്രൂ​പ്പി​​ലെ ഉ​ന്ന​ത​നും  ആ​റം​ഗ കു​ടും​ബ​വും വീ​ട്ടു ജോ​ലി​ക്കാ​രി​യും ആ​ദ്യ വി​മാ​ന​ത്തി​ൽ ത​ന്നെ കേ​ര​ള​ത്തി​ലെ​ത്തി. 34 ആ​ഴ്​​ച പി​ന്നി​ട്ട ഗ​ർ​ഭി​ണി​ക​ളെ​യും അ​ടി​യ​ന്ത​ര ചി​കി​ത്സ ആ​വ​ശ്യ​മു​ള്ള വ​യോ​ധി​ക​രെ​യും അ​വ​ഗ​ണി​ച്ചാ​ണ്​ ഇ​ത്ത​രം കു​ടും​ബ സ​മേ​ത യാ​ത്ര​ക​ൾ ന​ട​മാ​ടി​യ​തെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു. 

ജോ​ലി​യും വി​സ​യു​മു​ള്ള പ​ല​രും സ്വാ​ധീ​ന​മു​പ​യോ​ഗി​ച്ച്​ വി​മാ​ന​ത്തി​ൽ ഇ​ടം​പി​ടി​ച്ചു.  കേ​ന്ദ്ര മ​ന്ത്രി​സ​ഭ​യി​ൽ പി​ടി​പാ​ടു​ള്ള​വ​ർ എം​ബ​സി ഉ​ദ്യോ​ഗ​സ്​​ഥ​ർ വ​ഴി ന​ട​ത്തു​ന്ന ഇ​ട​പെ​ട​ലി​ലാ​ണ്​ കൂ​ടു​ത​ൽ പേ​രും ലി​സ്​​റ്റി​ൽ ക​യ​റി​പ്പ​റ്റു​ന്ന​ത്. ജോ​ലി ന​ഷ്​​ട​മാ​യ​വ​ർ എ​ന്ന ഗ​ണ​ത്തി​ൽ​പെ​ടു​ത്തി​യാ​ണ്​ ഇ​വ​രെ നാ​ട്ടി​ലേ​ക്ക്​ ക​ട​ത്തു​ന്ന​ത്. എ​ന്നാ​ൽ, ജോ​ലി ന​ഷ്​​ട​പ്പെ​ട്ട​തി​​െൻറ രേ​ഖ​യൊ​ന്നും ഇ​വ​രോ​ട്​ ആ​വ​ശ്യ​പ്പെ​ടു​ന്നി​ല്ല. പ​ട്ടി​ക​യി​ൽ ഉ​ൾ​പ്പെ​​ട്ട​വ​ർ​ക്ക്​ കൃ​ത്യ​മാ​യ വി​വ​രം ന​ൽ​കാ​തെ ആ​ളെ​ത്തി​യി​ല്ലെ​ന്നു​പ​റ​ഞ്ഞ്​ അ​വ​സാ​ന നി​മി​ഷം ഇ​ഷ്​​ട​ക്കാ​രെ തി​രു​കി​ക്ക​യ​റ്റു​ന്ന സം​ഭ​വ​ങ്ങ​ളും റി​പ്പോ​ർ​ട്ട്​ ചെ​യ്യ​പ്പെ​ടു​ന്നു. നാ​ട്ടി​ലേ​ക്ക്​ പോ​കാ​ൻ ത​യാ​റാ​ക​ണ​മെ​ന്ന നി​ർ​ദേ​ശം ല​ഭി​ച്ചി​ട്ട്​ പി​ന്നീ​ട്​ ഒ​രു അ​റി​യി​പ്പും ല​ഭി​ക്കാ​ത്ത​വ​രു​മു​ണ്ട്. എം​ബ​സി​യി​ലും കോ​ൺ​സു​ലേ​റ്റി​ലും വി​ളി​ച്ചാ​ൽ ഫോ​ൺ കി​ട്ടു​ന്ന​ത്​ അ​പൂ​ർ​വ​മാ​ണ്. യു.​എ.​ഇ, ബ​ഹ്​​റൈ​ൻ, കു​വൈ​ത്ത്​ എ​ന്നി​വി​ട​ങ്ങ​ളി​ലാ​ണ്​ ഇ​ത്ത​രം കേ​സു​ക​ൾ കൂ​ടു​ത​ൽ റ​ി​പ്പോ​ർ​ട്ട്​ ചെ​യ്യ​പ്പെ​ട്ട​ത്. 

കോ​വി​ഡ്​ മൂ​ലം ഭ​ർ​ത്താ​വ്​ മ​രി​ച്ച്​ സൗ​ദി​യി​ൽ ഒ​റ്റ​പ്പെ​ട്ട ഖ​മ​റു​ന്നി​സ, യു.​എ.​ഇ​യി​ൽ മ​രു​ന്നി​ല്ലാ​തെ ബു​ദ്ധി​മു​ട്ടു​ന്ന ഷൈ​നി​യും ജ​മീ​ല​യും മെ​ഹ്​​ദു​ന്നി​സ​യും ഉ​മ്മു​വു​മ്മ​യും, ശ​സ്​​ത്ര​ക്രി​യ നി​ശ്ച​യി​ച്ച-​ഇ​ൻ​ഷു​റ​ൻ​സ്​ ഇ​ല്ലാ​ത്ത ഗ​ർ​ഭി​ണി​ക​ൾ... ഇ​ങ്ങ​നെ​യു​ള്ള അ​നേ​കം പേ​രെ കാ​ഴ്​​ച​ക്കാ​രാ​ക്കി​യാ​ണ്​ ‘യോ​ഗ്യ​ന്മാ​രാ​യി’ ചി​ല​ർ നാ​ട്ടി​െ​ല​ത്തി​യ​ത്. 
പൊ​തു​മാ​പ്പ്​ ല​ഭി​ച്ച​വ​രും തൊ​ഴി​ൽ ന​ഷ്​​ട​പ്പെ​ട്ട്​ ലേ​ബ​ർ ക്യാ​മ്പി​ൽ ക​ഴി​യു​ന്ന​വ​രും ക​ടു​ത്ത രോ​ഗം ബാ​ധി​ച്ച​വ​രും എം​ബ​സി​യി​ൽ​നി​ന്നു​ള്ള വി​ളി​ക്കാ​യി കാ​ത്തു​നി​ൽ​ക്കു​ക​യാ​ണ്.