പ്രവാസികളുടെ മൃതദേഹങ്ങൾക്ക്​ ഇന്ത്യൻ വിമാനത്താവളങ്ങളിൽ വിലക്ക്​

അജ്മാൻ: വിദേശത്ത് നിന്നെത്തുന്ന മൃതദേഹങ്ങൾക്ക് ഇന്ത്യയിലെ​ വിമാനത്താവളങ്ങളിൽ വീണ്ടും വിലക്ക്​. ഇതേത്തുടർന ്ന്​ രണ്ട് പ്രവാസികളുടെ​ മൃതദേഹങ്ങൾ ചെന്നൈ വിമാനത്താവളത്തിൽ നിന്ന്​ പുറത്തെത്തിക്കാനായില്ല. യു.എ.ഇയിൽ നിന്ന് ​ അയക്കേണ്ട രണ്ട്​ മൃതദേഹങ്ങളും ഇതുമൂലം അയക്കാൻ കഴിഞ്ഞില്ല. വിദേശത്ത്​ നിന്നെത്തുന്ന മൃതദേഹങ്ങൾ സ്വീകരിക്കേ ണ്ടെന്ന്​​ കേന്ദ്ര നിർദേശമുണ്ടെന്നാണ്​ വിമാനത്താവളം അധികൃതർ പറയുന്നതെന്ന്​ സാമൂഹിക പ്രവർത്തകൻ അഷ്​റഫ്​ താമരശ്ശേരി പറഞ്ഞു​. ദുബൈയിൽ നിന്നും എമിറേറ്റ്സ് കാർഗോ വിമാനത്തിൽ ചെന്നൈയിലേക്ക് അയച്ച രണ്ട് മൃതദേഹങ്ങൾ​ വിട്ടുനൽകാനാണ്​ അധികൃതർ വിസമ്മതിച്ചത്​.

ബുധനാഴ്​ച രാത്രി വിമാനത്താവളത്തിൽ എത്തിച്ച മൃതദേഹം വ്യാഴാഴ്​ച വൈകീട്ടും ബന്ധുക്കൾക്ക്​ വിട്ടുനൽകിയിട്ടില്ല. രണ്ട്​ മലയാളികളുടെ മൃതദേഹം നാട്ടിലേക്കയക്കാനായി ദുബൈയിലെയും അബൂദബിയിലെയും കാർഗോയിലെത്തിച്ചെങ്കിലും നാട്ടിൽ നിന്നുള്ള അനുമതിയില്ലാത്തതിനാൽ വിമാനത്തിൽ കയറ്റാനായില്ല. എംബാമിങ്​ പൂർത്തിയാക്കിയ ശേഷമാണ്​ മൃതദേഹങ്ങൾക്ക്​​ വിലക്കേർപ്പെടുത്തിയത്​. കോവിഡ്​ മൂലം മരിച്ചതല്ലെന്ന്​ ഉറപ്പുവരുത്തിയ മൃതദേഹങ്ങൾ മാത്രമാണ്​ നാട്ടിലേക്ക്​ അയക്കുന്നത്​. കോവിഡ്​ മൂലം മരിച്ചവ യു.എ.ഇയിൽ തന്നെ സംസ്​കരിക്കുകയാണ്​ ചെയ്യുന്നത്​. കാർഗോ വിമാനങ്ങളിലാണ്​ നാട്ടിൽ മൃതദേഹങ്ങൾ എത്തിക്കുന്നത്​.

വിദേശത്ത് മരിക്കുന്നവരുടെ മൃതദേഹം സ്വീകരിക്കാൻ ഇന്ത്യൻ അധികൃതർ തുടക്കത്തിൽ വിമുഖത കാണിച്ചിരുന്നെങ്കിലും അതാത് രാജ്യങ്ങളിൽ നിന്നുള്ള ആരോഗ്യ മന്ത്രാലയത്തി​​െൻറയും ഇന്ത്യൻ എംബസി അടക്കമുള്ള സർക്കാർ സംവിധാനങ്ങളുടെയും സാക്ഷ്യപത്രത്തി​​െൻറ പിൻബലത്തിൽ മൃതദേഹം നാട്ടിലെത്തിച്ചിരുന്നു. വിമാനത്താവളത്തിൽ മാറി മാറി വരുന്ന ഉദ്യോഗസ്ഥർ പ്രവാസികളുടെ മൃതദേഹത്തോട് അപമര്യാദയായി പെരുമാറുന്നു എന്ന ആക്ഷേപം നിലനിൽക്കുന്നതിനിടെയാണ് സർക്കാർ തലത്തിൽ തന്നെ പ്രവാസികളുടെ മൃതദേഹങ്ങളോട് ചിറ്റമ്മ നയം സ്വീകരിക്കുന്നത്.