റാസല്ഖൈമയിലെ തൊഴിലാളികള്ക്ക് മറ്റ് എമിറേറ്റുകളിലേക്ക് വിലക്ക്
text_fieldsറാസല്ഖൈമ: തൊഴിലാളികളെ ഇതര എമിറേറ്റുകളില് ജോലിക്കു നിയോഗിക്കുന്നതിന് റാസല ്ഖൈമയിലും വിലക്ക്. കോവിഡ് വ്യാപനത്തിനെതിരെ അബൂദബി, ദുബൈ, ഷാര്ജ എമിറേറ്റുകള് സമാനമായ വിലക്ക് നേരേത്ത ഏര്പ്പെടുത്തിയിരുന്നു. മഹാമാരിക്കെതിരായ പോരാട്ടം വിജയത്തിലെത്തിക്കുന്നതിനാണ് നടപടികള് കർശനമാക്കിയതെന്ന് റാക് ട്രാന്സ്പോര്ട്ട് അതോറിറ്റി ജനറല് മാനേജര് ഇസ്മായേല് ഹസന് ആല് ബലൂശി പറഞ്ഞു.
റാസല്ഖൈമക്കകത്ത് തൊഴിലാളികളെ കൊണ്ടുപോകുന്ന വാഹനങ്ങളില് 50 ശതമാനം പേര് മാത്രമേ പാടുള്ളൂ. തൊഴിലാളികള് തമ്മിലുള്ള സാമൂഹിക അകലം ഉറപ്പു വരുത്തേണ്ടത് കമ്പനികളുടെ ബാധ്യതയാണ്. വാഹനങ്ങള്ക്കകത്ത് തൊഴിലാളികള് തമ്മില് രണ്ടു മീറ്റര് അകലം പാലിക്കണം. മാസ്ക്കുകളും കൈയുറകളും തൊഴിലാളികള് നിര്ബന്ധമായും ഉപയോഗിക്കണം. കോവിഡുമായി ബന്ധപ്പെട്ട് നിഷ്കര്ഷിച്ച മാനദണ്ഡങ്ങള് കര്ശനമായി പാലിക്കാന് തൊഴിലാളികളും ഉടമകളും തയാറകണമെന്ന് ഇസ്മയേല് ഹസന് അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
