ആശങ്ക അകറ്റി, അവരുടെ വീട്ടുപടിക്കലെത്തി പരിശോധന നടത്തി

ദുബൈ: ഞങ്ങൾക്കും പിടിപെട്ടിട്ടുണ്ടാകുമോ? ഞങ്ങൾക്ക്​ എവിടെയെങ്കിലും നേരിൽ ചെന്ന്​ പരിശോധിക്കാൻ കഴിയുമോ?? കോവിഡ്​ കേസുകൾ കൂടുതലായി റിപ്പോർട്ട്​ ചെയ്​തുവെന്ന്​ പറയപ്പെടുന്ന പ്രദേശങ്ങളിൽ താമസിക്കുന്നവരുടെ, പ്രത്യേകിച്ച്​ കൂടുതൽ ഒരു മുറിയിൽ താമസിക്കുന്നവരുടെ ഏറ്റവും വലിയ ആശങ്കയാണത്​. ഇന്നലെ രാവിലെ ആ മനുഷ്യർക്ക്​ ആശ്വാസം പകർന്ന്​ ഒരു പറ്റം ആരോഗ്യ പ്രവർത്തകർ അവരുടെ വീട്ടുപടിക്കലെത്തി. ദുബൈ നാഇഫ്​ റോഡിലെ അഞ്ച്​ അപാർട്​മ​െൻറ്​ കോംപ്ലക്​സുകളിലായി കഴിയുന്ന 400ലേറെ പേരുടെ കോവിഡ്​ പരിശോധനയും നടത്തി.

ആസ്​റ്റർ ഹോസ്​പിറ്റലിൽ നിന്നുള്ള ഡോക്​ടർമാർ, നഴ്​സുമാർ, ലാബ്​ ടെക്​നീഷ്യൻമാർ, പാരാമെഡിക്കുകൾ എന്നിവരുൾക്കൊള്ളുന്ന സംഘമാണ്​ ദുബൈ ആരോഗ്യ അതോറിറ്റി, ദുബൈ പൊലീസ്​ എന്നിവരുടെ സഹകരണത്തോടെ ഇൗ യജ്​ഞം നടപ്പാക്കിയത്​. നാൽപതിലേറെ ആരോഗ്യ പ്രവർത്തകരാണ്​ അഞ്ച്​ സംഘങ്ങളായി തിരിഞ്ഞ്​ പരിശോധന നടത്തിയതെന്ന്​ നേതൃത്വം നൽകിയ ആസ്​റ്റർ ക്ലിനിക്​ ആൻറ്​ ഹോസ്​പിറ്റൽസ്​ സി.ഇ.ഒ ഡോ. ജോബിലാൽ വാവച്ചൻ പറഞ്ഞു. ​അപാർട്​മ​െൻറുകളുടെ റിസപ്​ഷനിലാണ്​ പരിശോധനാ സൗകര്യം സജജമാക്കിയത്​. ഇവിടുത്തെ താമസക്കാർ ഒന്നൊന്നായി വന്ന്​ പരിശോധനക്ക്​ വിധേയരാവുകയായിരുന്നു.

ഒാരോര​ുത്തരുടെയും കഴിഞ്ഞ ദിവസങ്ങളിലെ യാത്രാ വിവരങ്ങൾ, സമ്പർക്കം തുടങ്ങിയവ ചോദിച്ചറിയുകയും താപ പരിശോധന നടത്തുകയും ചെയ്​ത ശേഷമാണ്​ ഇവരുടെ സ്രവ സാമ്പിളുകൾ ശേഖരിച്ചത്​. ഇൗ സാമ്പിളുകൾ സർക്കാറി​​െൻറ വൈറോളജി ലാബിലേക്ക്​ പരിശോധനക്ക്​ അയച്ചിട്ടുണ്ട്​. അവയുടെ ഫലം വരും വരെ മറ്റുള്ളവരുമായി സമ്പർക്കമില്ലാതെ കഴിയുവാൻ താമസക്കാരോട്​ നിർദേശിച്ചു. എന്നാൽ കടുത്ത പനിയും മറ്റു ലക്ഷണങ്ങളും ഉള്ളവരെ സജ്ജമാക്കി നിർത്തിയ ആംബുലൻസുകളിൽ കയറ്റി ​െഎസൊലേഷൻ വാർഡുകളിലേക്ക്​ കൊണ്ടുപോയി. ഇവരുടെ റിസൽട്ട്​ നെഗറ്റീവ്​ ആണെങ്കിൽ വീട്ടിൽ സമ്പർക്ക വി​ലക്കോടെ കഴിയുവാൻ തിരിച്ചയക്കും. അല്ലാത്ത പക്ഷം കോവിഡ്​ ചികിത്സ ആരംഭിക്കും.