വിമാന സർവിസ്​ നിലച്ചു; നാടണയാൻ കാത്തുനിൽക്കാതെ റസാഖ്​ യാത്രയായി

ദു​ബൈ: ഇ​ന്ത്യ​യി​ലേ​ക്കു​ള്ള​ വി​മാ​ന സ​ർ​വി​സ്​ നി​ല​ച്ച മാ​ർ​ച്ച്​ 22ന്​ ​നാ​ട്ടി​ലേ​ക്ക്​ പു​റ​പ്പെ​ടേ ​ണ്ടി​യി​രു​ന്ന​താ​ണ്​ മ​ല​പ്പു​റം ക​ര​യ​ക്കാ​ട്​ സ്വ​ദേ​ശി അ​ബ്​​ദു​ൽ റ​സാ​ഖ്. ര​ണ്ട്​ പ​തി​റ്റാ​ണ്ട്​ പ​ ണി​യെ​ടു​ത്ത മ​ണ്ണി​ലെ പ്ര​വാ​സ​ജീ​വി​ത​ത്തി​ന്​ വി​രാ​മ​മി​ട്ട്​ കു​ടും​ബ​ത്തോ​ടൊ​പ്പം ശേ​ഷി​ച്ച​കാ​ ലം ക​ഴി​യാ​നാ​യി​രു​ന്നു പ​ദ്ധ​തി. എ​ന്നാ​ൽ, ഉ​പ്പ വ​രു​ന്ന​തും കൊ​തി​ച്ച്​ ക​ണ്ണു​ന​ട്ട്​ കാ​ത്തി​രു​ന്ന​ നാ​ല്​ മ​ക്ക​ളെ തേ​ടി​യെ​ത്തി​യ​ത്​ പി​താ​വി​​െൻറ മ​ര​ണ​വാ​ർ​ത്ത. കോ​വി​ഡി​നെ തു​ട​ർ​ന്ന്​ നാ​ട്ടി​ലേ​ക്കു​ള്ള യാ​ത്ര വൈ​കി​യ മ​ല​പ്പു​റം കാ​ടാം​പു​ഴ ക​ര​യ​ക്കാ​ട്​​ ത​റ​മ്മ​ൽ പു​ത്ത​ൻ​പീ​ടി​ക​ക്ക​ൽ അ​ബ്​​ദു​ൽ റ​സാ​ഖ്​ (51) ശ​നി​യാ​ഴ്​​ച പു​ല​ർ​ച്ച​യാ​ണ്​ ഹൃ​ദ​യാ​ഘാ​ത​ത്തെ തു​ട​ർ​ന്ന്​ മ​രി​ച്ച​ത്.

നാ​ട​ണ​യാ​ൻ പെ​ട്ടി​യും ത​യാ​റാ​ക്കി കാ​ത്തി​രി​ക്കു​േ​മ്പാ​ഴാ​ണ്​ റ​സാ​ഖി​നെ തേ​ടി മ​ര​ണം എ​ത്തി​യ​ത്. വി​മാ​ന സ​ർ​വി​സ്​ ഇ​ല്ലാ​ത്ത​തി​നാ​ൽ മൃ​ത​ദേ​ഹം നാ​ട്ടി​െ​ല​ത്തി​ക്കാ​നു​ള്ള വ​ഴി​യ​ട​ഞ്ഞി​രി​ക്കു​ക​യാ​ണ്. കാ​ർ​ഗോ വി​മാ​ന​ത്തി​ൽ മൃ​ത​ദേ​ഹം നാ​ട്ടി​ലെ​ത്തി​ക്കാ​നു​ള്ള ശ്ര​മം ന​ട​ക്കു​ന്നു​ണ്ട്. അ​തി​ന്​ ക​ഴി​ഞ്ഞി​ല്ലെ​ങ്കി​ൽ ദു​ബൈ​യി​ൽ​ത​ന്നെ ഖ​ബ​റ​ട​ക്കു​മെ​ന്ന്​ ബ​ന്ധു​ക്ക​ൾ അ​റി​യി​ച്ചു. ദു​ബൈ പ്ര​തി​രോ​ധ വ​കു​പ്പി​ൽ ജീ​വ​ന​ക്കാ​ര​നാ​യി​രു​ന്ന റ​സാ​ഖ്​​ മാ​ർ​ച്ച്​ ര​ണ്ടാം​പ​കു​തി​യി​ൽ നാ​ട്ടി​ലേ​ക്ക്​ മ​ട​ങ്ങാ​നാ​യി​രു​ന്നു പ​ദ്ധ​തി. എ​ന്നാ​ൽ, വി​സ റ​ദ്ദാ​ക്ക​ൽ ന​ട​പ​ടി​ക​ൾ വൈ​കി​യ​തി​നാ​ൽ യാ​ത്ര നീ​ട്ടി​വെ​ച്ചു.

മാ​ർ​ച്ച്​ 20നാ​ണ്​ വി​സ റ​ദ്ദാ​ക്കി​യ പേ​പ്പ​ർ കി​ട്ടി​യ​ത്. തൊ​ട്ടു​പി​ന്നാ​ലെ ഇ​ന്ത്യ​യി​ലേ​ക്കു​ള്ള വി​മാ​ന സ​ർ​വി​സു​ക​ളും നി​ർ​ത്തി​വെ​ച്ചു. ​ഇ​തോ​ടെ യാ​ത്ര വൈ​കി​യ റ​സാ​ഖ്​ ബ​ന്ധു​വി​നൊ​പ്പം ബ​ർ​ദു​ബൈ​യി​ലാ​യി​രു​ന്നു താ​മ​സം. ശ​നി​യാ​ഴ്​​ച പു​ല​ർ​ച്ച മൂ​ന്ന്​ മ​ണി​യോ​ടെ ചു​മ​യും ശ്വാ​സം​മു​ട്ടും ക​ല​ശ​ലാ​യ റ​സാ​ഖി​നെ റൂ​മി​ലു​ണ്ടാ​യി​രു​ന്ന​വ​ർ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. ഭാ​ര്യ: റു​ഖി​യ. മ​ക്ക​ൾ: സ​ക്കീ​ന, അ​മീ​ൻ, മു​ഹ്​​താ​ർ, ആ​ഷി​ഖ. മ​ക​ളു​ടെ ഭ​ർ​ത്താ​വ്​ ല​ത്തീ​ഫും കു​ടും​ബാം​ഗ​ങ്ങ​ളും സു​ഹൃ​ത്തു​ക്ക​ളും സാ​മൂ​ഹി​ക പ്ര​വ​ർ​ത്ത​ക​ൻ അ​ഷ്​​റ​ഫ്​ താ​മ​ര​ശ്ശേ​രി​യും ചേ​ർ​ന്ന്​ മ​യ്യി​ത്ത്​ നാ​ട്ടി​ലെ​ത്തി​ക്കാ​നു​ള്ള ശ്ര​മം തു​ട​രു​ക​യാ​ണ്.