അന്ത്യയാത്രക്കൊരുങ്ങി പ്രിയതമൻ; എന്തുചെയ്യുമെന്നറിയാതെ വീട്ടമ്മ

ദുബൈ: പ്രിയപ്പെട്ടവ​​െൻറ മൃതദേഹം കളമശേരിയിലെ വാടകവീട്ടിൽ അന്ത്യയാത്രക്കൊരു​ങ്ങു​േമ്പാൾ നെഞ്ചകം തകർന്ന്​ വാവിട്ട്​ കരയുകയാണ്​ കളമശേരി സ്വദേശിയായ വീട്ടമ്മ. ഏജ​​െൻറാരുക്കിയ ചതിക്കുഴിയും ​കൊറോണ തീർത്ത യാത്രവിലക്കും വഴിമുടക്കിയപ്പോൾ പ്രിയതമനെ ഒരുനോക്കുകാണാനാവാതെ അബൂഹയിലെ സുഹൃത്തി​​െൻറ വീട്ടിൽ നെഞ്ചു നീറി കഴിയുകയാണിവർ. അമ്മയെത്തുന്നതും കാത്ത്​ പിതാവി​​െൻറ മൃതദേഹത്തിനരികെ മൂന്ന്​ പെൺകുഞ്ഞുങ്ങളൂം കണ്ണീരൊഴുക്കി കാത്തിരിക്കുന്നു.

തിങ്കളാഴ്​ച രാവിലെയാണ്​ അർബുദബാധിതനായ ഇവരുടെ ഭർത്താവ്​ മരണത്തിന്​ കീഴടങ്ങിയത്​. ഒന്ന്​, നാല്​, പത്ത്​ ക്ലാസുകളിൽ പഠിക്കുന്ന പെൺമക്കൾ മാത്രമാണ്​ നാട്ടിലുള്ളത്​. രണ്ട്​ മാസം മുൻപാണ്​ ​സ്വപ്​നങ്ങളും പ്രതീക്ഷകളുമായി ഇവർ യു.എ.ഇയിലെത്തിയത്​. ഉള്ളതെല്ലാം വിറ്റു​െപറുക്കി കിട്ടിയ മൂന്ന്​ ലക്ഷം രൂപ ആലുവയിലെ ഏജൻറിന്​ നൽകിയാണ്​ ഗൾഫിലെത്തിയത്​. ആയുർവേദം പഠിച്ച ഇവർക്ക്​ ഒരു ലക്ഷം രൂപ ശമ്പളം ലഭിക്കുമെന്ന്​ വിശ്വസിപ്പിച്ചായിരുന്നു​ യു.എ.ഇയിൽ എത്തിച്ചത്​. ഇവിടെ എത്തിയപ്പോഴാണ്​ പറഞ്ഞ ശമ്പളവും ജോലിയുമില്ലെന്ന്​ അറിഞ്ഞത്​.

ഒരു മാസത്തെ വിസക്കാണ്​ ഇവിടെ എത്തിയത്​. വിസ കാലാവധി കഴിഞ്ഞു. ഇതിനിടെയാണ്​ ഭർത്താവി​​െൻറ മരണ വാർത്ത എത്തിയത്​. ഏട്ട​​െൻറ സംസ്​കാര ചടങ്ങുകൾ നടത്താൻ​േപാലും നാട്ടിൽ ആരുമില്ല. കരഞ്ഞു കലങ്ങിയ കണ്ണുമായി റോഡിലിരുന്ന ഇവരെ അബൂബക്കർ സിദ്ധീഖ്​ എന്നയാളാണ് സുഹൃത്തി​​െൻറ വീട്ടിലെത്തിച്ചത്​. വിമാനം ഇല്ലാത്തതിനാൽ സംസ്​കാര ചടങ്ങിൽ പോലും പ​െങ്കടുക്കാൻ നാട്ടിലെത്താൻ കഴിയാത്ത അവസ്​ഥയാണ്​ നിലവിൽ. നാട്ടിലെത്തിയാലും വീട്ടാനുള്ള കടം ബാക്കിയാണ്​. പെൺമക്കളെ എങ്ങിനെ പഠിപ്പിക്കുമെന്ന ആശങ്കയും പേറി അബൂഹയിൽ കഴിയുന്ന ഇവർക്ക്​ ഉടൻ വേണ്ടത്​ ഒരു ജോലിയാണ്​. സഹായിക്കാൻ മനസുള്ള ആ​െ​രങ്കിലും വരുമെന്ന്​ കാത്തിരിക്കുകയാണ്​ ഇൗ വീട്ടമ്മ. (ഫോൺ: 0556753959)