You are here

യമനിൽനിന്നുള്ള വീരസൈനികരുടെ വരവ്​ ആഘോഷമാക്കി യു.എ.ഇ

  • യ​മ​നി​ലെ പോ​രാ​ട്ട​ത്തി​ൽ ജീ​വ​ത്യാ​ഗം ചെ​യ്ത​ത്​ 108 ഇ​മ​റാ​ത്തി സൈ​നി​ക​ർ

  • മേ​ഖ​ല​യി​ലെ എ​ല്ലാ സു​ര​ക്ഷാശ്ര​മ​ങ്ങ​ളോ​ടും യു.​എ.​ഇ പ്ര​തി​ജ്ഞാ​ബ​ദ്ധം

യു.​എ.​ഇ സാ​യു​ധ​സേ​ന​യു​ടെ നേ​തൃ​ത്വ​ത്തി​ൽ സാ​യി​ദ് മി​ലി​റ്റ​റി സി​റ്റി​യി​ൽ സൈ​നി​കാ​ഘോ​ഷ​ത്തി​ൽ യു.​എ.​ഇ വൈ​സ് പ്ര​സി​ഡ​ൻ​റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ൻ റാ​ഷി​ദ് അ​ൽ മ​ക്തൂം, അ​ബൂ​ദ​ബി കി​രീ​ടാ​വ​കാ​ശി​യും യു.​എ.​ഇ സാ​യു​ധ സേ​ന ഡെ​പ്യൂ​ട്ടി സു​പ്രീം ക​മാ​ൻ​ഡ​റു​മാ​യ ശൈ​ഖ് മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ്‌​യാ​ൻ എ​ന്നി​വ​ർ

അ​ബൂ​ദ​ബി: യെ​മ​നി​ലെ അ​റ​ബ് സ​ഖ്യ പോ​രാ​ട്ട​ത്തി​ൽ പ​ങ്കെ​ടു​ത്ത യു.​എ.​ഇ​യു​ടെ ധീ​ര​സൈ​നി​ക​ർ രാ​ജ്യ​ത്ത് മ​ട​ങ്ങി​യെ​ത്തി​യ​തി​​െൻറ ആ​ഹ്ലാ​ദം യു.​എ.​ഇ ഇ​ന്ന​ലെ ഔ​ദ്യോ​ഗി​ക​മാ​യി ആ​ഘോ​ഷി​ച്ചു. യു.​എ.​ഇ സാ​യു​ധ​സേ​ന​യു​ടെ നേ​തൃ​ത്വ​ത്തി​ൽ സാ​യി​ദ് മി​ലി​റ്റ​റി സി​റ്റി​യി​ൽ ന​ട​ന്ന ആ​ഘോ​ഷ​ത്തി​ൽ രാ​ഷ്​​ട്ര​നാ​യ​ക​ർ പ​ങ്കെ​ടു​ത്തു. യു.​എ.​ഇ സൈ​ന്യ​ത്തെ യ​മ​നി​ൽ​നി​ന്ന് പി​ൻ​വ​ലി​ച്ചെ​ങ്കി​ലും സ​ഖ്യ​സേ​ന​യു​ടെ മേ​ഖ​ല​യി​ലെ എ​ല്ലാ സു​ര​ക്ഷ ശ്ര​മ​ങ്ങ​ളോ​ടും യു.​എ.​ഇ പ്ര​തി​ജ്ഞാ​ബ​ദ്ധ​മാ​ണെ​ന്ന് യു.​എ.​ഇ സ​ർ​ക്കാ​ർ ആ​വ​ർ​ത്തി​ച്ചു. യു.​എ.​ഇ വൈ​സ് പ്ര​സി​ഡ​ൻ​റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ൻ റാ​ഷി​ദ് ആ​ൽ മ​ക്തൂം, അ​ബൂ​ദ​ബി കി​രീ​ടാ​വ​കാ​ശി​യും യു.​എ.​ഇ സാ​യു​ധ സേ​ന ഡെ​പ്യൂ​ട്ടി സു​പ്രീം ക​മാ​ൻ​ഡ​റു​മാ​യ ശൈ​ഖ് മു​ഹ​മ്മ​ദ് ബി​ൻ സാ​യി​ദ് ആ​ൽ ന​ഹ്‌​യാ​ൻ, സു​പ്രീം കൗ​ൺ​സി​ൽ അം​ഗ​ങ്ങ​ൾ,  കി​രീ​ടാ​വ​കാ​ശി​ക​ൾ, ഉ​പ​ഭ​ര​ണാ​ധി​കാ​രി​ക​ൾ മ​ന്ത്രി​മാ​ർ, ഉ​ന്ന​ത ഉ​ദ്യോ​ഗ​സ്ഥ​ർ എ​ന്നി​വ​രും ആ​ഘോ​ഷ​ത്തി​ൽ പ​ങ്കെ​ടു​ത്തു.

അ​റ​ബ് രാ​ജ്യ​ങ്ങ​ളു​ടെ അ​ഖ​ണ്ഡ​ത​ക്കും ഐ​ക്യ​ത്തി​നും സു​ര​ക്ഷ​ക്കും വേ​ണ്ടി​യു​ള്ള പോ​രാ​ട്ട​ത്തി​ൽ ര​ക്ത​സാ​ക്ഷി​ക​ളാ​യ ധീ​ര​ദേ​ശാ​ഭി​മാ​നി​ക​ൾ​ക്ക് രാ​ജ്യ​ത്തി​​െൻറ ആ​ദ​രാ​ഞ്ജ​ലി അ​ർ​പ്പി​ച്ചു​കൊ​ണ്ടാ​യി​രു​ന്നു ആ​ഘോ​ഷം. ‘വി​ശ്വ​സ്ത​രാ​യ ഫാ​ൽ​ക്ക​ണു​ക​ൾ’ എ​ന്ന് വി​ശേ​ഷി​പ്പി​ക്ക​പ്പെ​ടു​ന്ന ആ​യി​ര​ക്ക​ണ​ക്കി​ന് സൈ​നി​ക​രെ രാ​ജ്യ​ത്തി​നു വേ​ണ്ടി സ​ഖ്യ​സേ​ന​ക്കൊ​പ്പം ആ​ത്മ സ​മ​ർ​പ്പ​ണ​ത്തോ​ടെ സേ​വ​നം ചെ​യ്ത​തി​ന് പ്ര​ത്യേ​കം ആ​ദ​രി​ച്ചു.യ​മ​നി​ലെ നി​യ​മാ​നു​സൃ​ത​വും അ​ന്ത​ർ​ദേ​ശീ​യ അം​ഗീ​കാ​ര​മു​ള്ള സ​ർ​ക്കാ​റി​നെ പു​നഃ​സ്ഥാ​പി​ക്കാ​നു​ള്ള അ​റ​ബ് സ​ഖ്യ​ത്തി​​െൻറ അ​ഞ്ച് വ​ർ​ഷ​ത്തെ ക​ഠി​ന ശ്ര​മ​ത്തി​ൽ യു.​എ.​ഇ​യു​ടെ നേ​ട്ട​ങ്ങ​ളും അ​ർ​പ്പ​ണ​വും പ​ങ്കു​വെ​ച്ച സാ​യു​ധ സേ​ന​യു​ടെ പ്രൗ​ഢ​മാ​യ ച​ട​ങ്ങ് യു.​എ.​ഇ ഭ​ര​ണാ​ധി​കാ​രി​ക​ൾ സാ​യി​ദ് മി​ലി​റ്റ​റി സി​റ്റി​യി​ലെ വി​മാ​ന ഹാം​​ഗ​റി​ലെ​ത്തി സാ​ക്ഷ്യം വ​ഹി​ച്ചു. ഇ​സ്​​ലാ​മി​ക അ​റ​ബ് രാ​ജ്യ​മെ​ന്ന നി​ല​യി​ൽ യ​മ​നെ സം​ര​ക്ഷി​ക്കാ​ൻ യു.​എ.​ഇ ഒ​ട്ടേ​റെ ത്യാ​ഗം ചെ​യ്ത​താ​യി യു.​എ.​ഇ സാ​യു​ധ സേ​ന​യു​ടെ ഡെ​പ്യൂ​ട്ടി ചീ​ഫ് ലെ​ഫ്. ജ​ന​റ​ൽ ഈ​സ അ​ൽ മ​സ്​​റൂ​ഇ ചൂ​ണ്ടി​ക്കാ​ട്ടി. സൗ​ദി​യു​ടെ നേ​തൃ​ത്വ​ത്തി​ലെ സ​ഖ്യ​സേ​ന​യി​ൽ ചേ​രു​ന്ന​തി​ന്​ യു.​എ.​ഇ സാ​യു​ധ സേ​ന​യി​ലെ 15,000 ഇ​മ​റാ​ത്തി സൈ​നി​ക​രെ യ​മ​നി​ലേ​ക്ക​യ​ച്ച​താ​യും അ​ദ്ദേ​ഹം പ​റ​ഞ്ഞു.

അ​ര​ല​ക്ഷം ഫ്ലൈ​റ്റ് മ​ണി​ക്കൂ​റി​ൽ മൊ​ത്തം 1,30,000 വ്യോ​മ സേ​നാ വി​ന്യാ​സ​ങ്ങ​ളാ​ണ് യ​മ​നി​ൽ ഇ​ക്കാ​ല​യ​ള​വി​ൽ സ​ഖ്യ​സേ​ന ന​ട​ത്തി​യ​ത്. 3000 നാ​വി​ക സൈ​നി​ക​രു​മാ​യി 50 നാ​വി​ക ക​പ്പ​ലു​ക​ൾ യു.​എ.​ഇ​ക്കും യ​മ​നു​മി​ട​യി​ൽ സ​ഹാ​യ​ങ്ങ​ളും സൈ​നി​ക ഉ​പ​ക​ര​ണ​ങ്ങ​ളും എ​ത്തി​ക്കു​ന്ന​തി​നാ​യി പ്ര​വ​ർ​ത്തി​ച്ചു. ഹൂ​തി​ക​ളു​ടെ ആ​ക്ര​മ​ത്തി​ൽ​നി​ന്ന് യ​മ​നി​ക​ളെ സം​ര​ക്ഷി​ക്കു​ന്ന​തോ​ടൊ​പ്പം സ​ഖ്യ​ത്തി​െൻറ ഭാ​ഗ​മാ​യി യു.​എ.​ഇ 2,00,000 യ​മ​ൻ സൈ​നി​ക​ർ​ക്ക് പ​രി​ശീ​ല​നം ന​ൽ​കാ​ൻ സ​ഹാ​യി​ക്കു​ക​യും ചെ​യ്തു. യ​മ​നി​ലെ 17 ദ​ശ​ല​ക്ഷം ആ​ളു​ക​ൾ​ക്ക് നേ​രി​ട്ട് പ്ര​യോ​ജ​നം ല​ഭി​ക്കു​ന്ന ജീ​വ​കാ​രു​ണ്യ സം​രം​ഭ​ങ്ങ​ളും യു.​എ.​ഇ ന​ട​പ്പാ​ക്കി. അ​ഞ്ചു​വ​ർ​ഷ​ത്തി​നി​ട​യി​ൽ ക​ലാ​പ​കാ​രി​ക​ളു​ടെ അ​ധീ​ന​ത​യി​ലാ​യി​രു​ന്ന പ്ര​ദേ​ശ​ങ്ങ​ളെ മോ​ചി​പ്പി​ക്കാ​നും നാ​വി​ക ആ​ക്ര​മ​ണ​ത്തി​ൽ​നി​ന്ന് സം​ര​ക്ഷ​ണം ഉ​റ​പ്പാ​ക്കാ​നും യു.​എ.​ഇ ഉ​ൾ​പ്പെ​ടെ സ​ഖ്യ​സേ​ന ധീ​ര​ത​യോ​ടെ പോ​രാ​ടി. രാ​ജ്യ​ത്തി​ന് ചു​റ്റു​മു​ള്ള ക​ട​ൽ​പ്പാ​ത​ക​ൾ സം​ര​ക്ഷി​ക്കാ​നും സ​ഖ്യം പ്ര​വ​ർ​ത്തി​ച്ചു. 2015 ഏ​പ്രി​ലി​നും 2019 ജൂ​ണി​നു​മി​ട​യി​ൽ 5.59 ബി​ല്യ​ൺ ഡോ​ള​റി​​െൻറ സ​ഹാ​യം യു.​എ.​ഇ യ​മ​നു ന​ൽ​കി.

യു.​എ.​ഇ സാ​യു​ധ സേ​ന മൂ​ന്നു വി​ഭാ​ഗം ശ​ത്രു​ക്ക​ളോ​ടാ​ണ് യ​മ​നി​ലെ യു​ദ്ധ​ത്തി​ൽ ഏ​ർ​പ്പെ​ട്ട​ത്. വി​മ​ത ഹൂ​തി​ക​ൾ, മു​സ്​​ലിം ബ്ര​ദ​ർ​ഹു​ഡ്, ഐ.​എ​സ്.​ഐ.​എ​സ്-അ​ൽ​ഖാ​ഇ​ദ എ​ന്നി​വ​യു​ടെ തീ​വ്ര​വാ​ദ സേ​ന​ക​ൾ എ​ന്നി​വ​യാ​ണ​വ​യെ​ന്നും യു.​എ.​ഇ​യു​ടെ ച​രി​ത്ര​ത്തി​ൽ രേ​ഖ​പ്പെ​ടു​ത്താ​നാ​ണ് ഇ​ക്കാ​ര്യം പ​റ​യു​ന്ന​തെ​ന്നും ലെ​ഫ്.​ജ​ന​റ​ൽ അ​ൽ മ​സ്​​റൂ​ഇ ചൂ​ണ്ടി​ക്കാ​ട്ടി. യു.​എ.​ഇ സാ​യു​ധ സേ​നാം​ഗ​ങ്ങ​ളു​ടെ എ​ല്ലാ പ്ര​വൃ​ത്തി​ക​ളും മി​ക​ച്ച ഫ​ല​മു​ണ്ടാ​ക്കി​യ​താ​യും യ​മ​നി​ൽ 85 മു​ത​ൽ 90 ശ​ത​മാ​നം വ​രെ ജ​ന​ങ്ങ​ളെ വി​മ​ത സേ​ന​യു​ടെ പി​ടി​യി​ൽ​നി​ന്ന് മോ​ചി​പ്പി​ക്ക​പ്പെ​ട്ടു​വെ​ന്നും അ​ദ്ദേ​ഹം പ​റ​ഞ്ഞു. ഓ​പ​റേ​ഷ​നി​ടെ ജീ​വ​ൻ ന​ഷ്​​ട​പ്പെ​ട്ട 108 സൈ​നി​ക​ർ​ക്ക് യു.​എ.​ഇ സാ​യു​ധ സേ​ന​യി​ലെ മെ​ഡി​ക്ക​ൽ ഡോ​ക്ട​ർ ലെ​ഫ്.​കേ​ണ​ൽ ഡോ. ​ആ​യി​ഷാ അ​ൽ ദാ​ഹി​രി പ്ര​ത്യേ​കം ആ​ദ​രാ​ഞ്ജ​ലി അ​ർ​പ്പി​ച്ചു. സൈ​നി​ക​രു​ടെ അ​മ്മ​മാ​രെ രാ​ജ്യം ബ​ഹു​മാ​നി​ക്കു​ന്ന​താ​യും അ​വ​രാ​ണ് യ​ഥാ​ർ​ഥ ‘മ​നു​ഷ്യ​രെ സൃ​ഷ്​​ടി​ക്കു​ന്ന​വ​ർ’ എ​ന്ന് ച​ട​ങ്ങി​ൽ വി​ശേ​ഷി​പ്പി​ക്കു​ക​യും ചെ​യ്തു.സാ​യി​ദ് മി​ലി​റ്റ​റി സി​റ്റി​യി​ൽ സൈ​നി​ക പ​രേ​ഡി​നി​ടെ യു​ദ്ധ​വി​മാ​ന​ത്തി​​െൻറ ഹാം​ഗ​ർ വാ​തി​ലു​ക​ൾ തു​റ​ന്നു. പ​രേ​ഡി​ൽ പ​ങ്കെ​ടു​ത്ത ഭ​ര​ണാ​ധി​കാ​രി​ക​ൾ​ക്ക് സ​ല്യൂ​ട്ട് ചെ​യ്തു​കൊ​ണ്ട് സാ​യു​ധ സേ​ന യു.​എ.​ഇ ദേ​ശീ​യ​ഗാ​നം ആ​ല​പി​ച്ചു. യ​മ​നി​ൽ യു​ദ്ധ​ക്ക​ള​ത്തി​ൽ സേ​വ​നം ചെ​യ്ത റെ​ഡ് ​ക്ര​സ​ൻ​റ്​ ജീ​വ​ന​ക്കാ​രും ച​ട​ങ്ങി​ൽ പ​ങ്കെ​ടു​ത്തു.
 

Loading...
COMMENTS