ഐഷട്ടിൽ: എമിറേറ്റ്സ് ബഹിരാകാശ ഏജൻസിക്ക് ലഭിച്ചത് 324 ആശയം
text_fieldsഅബൂദബി: രണ്ടു വർഷം മുമ്പ് ആരംഭിച്ച ഇലക്ട്രോണിക് പ്ലാറ്റ്ഫോം ‘ഐഷട്ടിൽ’ വഴി യു.എ.ഇ എമി റേറ്റ്സ് ബഹിരാകാശ ഏജൻസിക്ക് ലഭിച്ചത് 324 ആശയങ്ങൾ. ബഹിരാകാശ ഉപയോഗവുമായി ബന്ധപ ്പെട്ട വെല്ലുവിളികളെക്കുറിച്ചാണ് പുതിയ ആശയങ്ങളെന്നും അധികൃതർ വെളിപ്പെടുത്തി. ബ ഹിരാകാശ ശാസ്ത്രീയ വിഷയങ്ങൾ പഠിക്കാൻ ഇമറാത്തി യുവാക്കളെ പ്രചോദിപ്പിക്കാനും കഴിവു കൾ വർധിപ്പിക്കാനും വികസിപ്പിക്കാനും ലക്ഷ്യമിട്ടാണ് ഐഷട്ടിൽ ആരംഭിച്ചത്.
വിദ്യാർഥികൾക്കിടയിൽ നവീകരണാശയങ്ങളുടെ സംസ്കാരം ഏകീകരിക്കുന്നതിനും ശാസ്ത്ര മേഖലകളിലെ അവരുടെ കഴിവുകൾ കണ്ടെത്താൻ അവസരം നൽകുന്നതിനും ലക്ഷ്യമിട്ടുള്ള ഒട്ടേറെ സംരംഭങ്ങളും ഓൺലൈൻ പ്ലാറ്റ്ഫോമിൽ ഉൾപ്പെടുന്നു.
‘വിഷൻ യു.എ.ഇ 2021’െൻറ ഭാഗമായുള്ള ശ്രമങ്ങൾക്ക് അനുസൃതമായി സ്വദേശികളുടെ കഴിവുകൾ വികസിപ്പിക്കുന്നതിനും പദ്ധതി സഹായിക്കും. ഉയരത്തിൽ പറക്കാൻ രൂപകൽപന ചെയ്ത ബലൂണുകളുടെ ശാസ്ത്രീയ പരീക്ഷണത്തെക്കുറിച്ചുള്ള ആഗോള ബലൂൺ മത്സരവും ബഹിരാകാശ വെല്ലുവിളികളുടെ പട്ടികയിൽ ഉൾപ്പെടുന്നു. വിജയിക്കുന്ന ടീമിന് ബഹിരാകാശ ശാസ്ത്ര സാങ്കേതിക മേഖലകളിലെ വിദഗ്ധരുമായി ചേർന്ന് ശാസ്ത്രീയ പരീക്ഷണം വികസിപ്പിക്കാൻ അവസരമൊരുക്കും. യു.എ.ഇയുടെ ചെറിയ ഉപഗ്രഹ മത്സരവും പട്ടികയിൽ ഉൾപ്പെടുത്തിയിട്ടുണ്ട്.
ഗ്രഹത്തെയും ബഹിരാകാശ ശാസ്ത്രത്തെയും എൻജിനീയറിങ് ഗവേഷണത്തെയും നിരീക്ഷിക്കുന്നതിന് എൻജിനീയറിങ്, മെറ്റീരിയൽ സയൻസ്, ഫിസിക്കൽ സയൻസ്, അനുബന്ധ ശാസ്ത്രങ്ങൾ എന്നിവയിൽ സാങ്കേതിക ആപ്ലിക്കേഷനുകളും ബഹിരാകാശ പരിസ്ഥിതിയുമായി ബന്ധപ്പെട്ട ശാസ്ത്രീയ പരീക്ഷണങ്ങളും വികസിപ്പിക്കാനുള്ള അവസരം സർവകലാശാല വിദ്യാർഥികൾക്ക് ലഭ്യമാക്കും. ‘ഭ്രമണപഥത്തിലെ പരീക്ഷണങ്ങൾ’ എന്ന പരിപാടിയിൽ പങ്കെടുത്ത 70 വിദ്യാർഥികളിൽനിന്ന് വിജയികളായ രണ്ടു ടീമുകൾ കഴിഞ്ഞ വർഷം ബഹിരാകാശ ശാസ്ത്രവുമായി ബന്ധപ്പെട്ട സവിശേഷ പരിശീലനത്തിൽ പങ്കാളികളായി. പരീക്ഷണങ്ങൾ തയാറാക്കാനും പരീക്ഷണാത്മക ഗവേഷണ മാതൃകകൾ നിർമിക്കാനും ഈ വർഷം അന്താരാഷ്ട്ര ബഹിരാകാശ നിലയത്തിൽ ഉപഗ്രഹം വിക്ഷേപിക്കാനും അവരെ സജ്ജരാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.