ഇറച്ചി ചുട്ട് കഴിഞ്ഞാല്‍ കനല്‍ അണക്കാന്‍ മറക്കല്ലേ

ഷാ​ര്‍ജ: മ​രം​കോ​ച്ചു​ന്ന ത​ണു​പ്പ​ത്ത് വി​റ​ക് ക​ത്തി​ച്ച് ഇ​റ​ച്ചി ചു​ടു​ന്ന​ത് യു.​എ.​ഇ​യി​ലെ മ​രു​ഭൂ​മി​ക​ളി​ലും വീ​ട​ക​ങ്ങ​ളി​ലും പ​തി​വാ​ണ്. കേ​വ​ലം ഭ​ക്ഷ​ണം എ​ന്ന​തി​ലു​പ​രി പ​ര​മ്പ​രാ​ഗ​ത​മാ​യ നാ​ട്ട​റി​വു​ക​ളാ​ണ് ഇ​തി​നു പി​ന്നി​ലു​ള്ള​ത്. ശൈ​ത്യ​കാ​ല​ത്ത് ആ​രോ​ഗ്യം കൃ​ത്യ​മാ​യി നി​ല​നി​ർ​ത്താ​നും ത​ണു​പ്പ്കാ​ല രോ​ഗ​ങ്ങ​ളു​ടെ പി​ടി​യി​ല്‍നി​ന്ന്​ ര​ക്ഷ​പ്പെ​ടാ​നു​മാ​യി ബ​ദു​വി​യ​ന്‍ സം​സ്കൃ​തി​യു​ടെ ശീ​ല​ങ്ങ​ള്‍ പു​തു​ത​ല​മു​റ ഏ​റ്റെ​ടു​ക്കു​ക​യും അ​വ​രി​ല്‍നി​ന്ന് അ​ത് പ്ര​വാ​സി​ക​ള്‍ ക​ണ്ടു​പ​ഠി​ക്കു​ക​യും ചെ​യ്ത​തോ​ടെ​യാ​ണ് മ​രു​ഭൂ​മി​യി​ല്‍ ഇ​ത്ര​യ​ധി​കം ക​ന​ല​ടു​പ്പു​ക​ള്‍ ഉ​യ​രാ​ന്‍ കാ​ര​ണം. ഒൗ​ഷ​ധ​ഗു​ണ​മു​ള്ള പ്ര​ത്യേ​ക മ​സാ​ല​ക്കൂ​ട്ടു​ക​ള്‍ തീ​ര്‍ത്താ​ണ് ഇ​റ​ച്ചി ചു​ടാ​നാ​യി പാ​ക​പ്പെ​ടു​ത്തു​ന്ന​ത്. മ​രു​ഭൂ​മി​യി​ലെ​ത്താ​ന്‍ സാ​ധി​ക്കാ​ത്ത​വ​ര്‍ വീ​ട​ക​ങ്ങ​ളാ​ണ് ഇ​തി​നാ​യി തെ​ര​ഞ്ഞെ​ടു​ക്കാ​റു​ള്ള​ത്. എ​ന്നാ​ല്‍, ശ്ര​ദ്ധ ഒ​ന്നു​പാ​ളി​യാ​ല്‍ വീ​ട്ടി​ലെ ഇ​റ​ച്ചി ചു​ട​ല്‍ വ​ന്‍ദു​ര​ന്ത​ത്തി​ലേ​ക്ക് ന​യി​ച്ചേ​ക്കാ​മെ​ന്നാ​ണ് ക​ഴി​ഞ്ഞ​ദി​വ​സം അ​ല്‍ഐ​നി​ലു​ണ്ടാ​യ സം​ഭ​വം അ​ടി​വ​ര​യി​ടു​ന്ന​ത്.

ഇ​റ​ച്ചി ചു​ട്ട് കു​ടും​ബ​സ​മേ​തം ക​ഴി​ച്ച്​​ സ​ന്തോ​ഷ​ത്തോ​ടെ കി​ട​ന്നു​റ​ങ്ങി​യ​താ​യി​രു​ന്നു മ​ല​പ്പു​റം സ്വ​ദേ​ശി​ക​ള്‍. എ​ന്നാ​ല്‍, ചു​ടാ​ന്‍ ഉ​പ​യോ​ഗി​ച്ച ക​ന​ല്‍ പൂ​ര്‍ണ​മാ​യി അ​ണ​ഞ്ഞി​രു​ന്നി​ല്ല, കു​ടും​ബ​മാ​ക​ട്ടെ ഇ​ത് ശ്ര​ദ്ധി​ച്ച​തു​മി​ല്ലാ​യി​രു​ന്നു. ക​ന​ലി​ല്‍നി​ന്നു​യ​ര്‍ന്ന പു​ക​പ​ട​ല​ങ്ങ​ള്‍ മു​റി​യി​ല്‍ വ​ന്നു​നി​റ​യു​ക​യും ഇ​വി​ടെ കി​ട​ന്നു​റ​ങ്ങി​യ ഭാ​ര്യ​യും ഭ​ര്‍ത്താ​വും അ​ബോ​ധാ​വ​സ്ഥ​യി​ലാ​വു​ക​യും ചെ​യ്തു. സം​ഭ​വം പു​റ​ത്ത​റി​യു​മ്പോ​ഴേ​ക്ക്​ ഇ​വ​ര്‍ അ​പ​ക​ട​നി​ല​യി​ലെ​ത്തി​യി​രു​ന്നു. ആ​ശു​പ​ത്രി​യി​ലെ തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ ക​ഴി​യു​ന്ന ഇ​വ​ര്‍ ഇ​പ്പോ​ള്‍ പ​തി​യെ ജീ​വി​ത​ത്തി​ലേ​ക്ക് തി​രി​ച്ച് വ​രു​ക​യാ​ണ്. ആ​സ്​​ബ​സ്​​റ്റോ​സ് ക​ഴി​ഞ്ഞാ​ൽ​പി​ന്നെ വീ​ട്ടി​ലും ജോ​ലി​സ്ഥ​ല​ത്തും സാ​ധാ​ര​ണ​മാ​യി വി​ഷ​ബാ​ധ​ക്ക് ഇ​ട​യാ​ക്കു​ന്ന​ത് കാ​ര്‍ബ​ണ്‍ മോ​ണോ​ക്സൈ​ഡ് ആ​ണ്. ക​ത്ത​ല്‍ പ്ര​ക്രി​യ പൂ​ര്‍ത്തി​യാ​കാ​ത്ത​പ്പോ​ള്‍ ഉ​ൽ​പാ​ദി​പ്പി​ക്ക​പ്പെ​ടു​ന്ന ഒ​രു വാ​ത​ക​മാ​ണ് കാ​ര്‍ബ​ണ്‍ മോ​ണോ​ക്സൈ​ഡ്. അ​തി​ന് നി​റ​വും മ​ണ​വും രു​ചി​യും ഇ​ല്ല. അ​ല്‍ഐ​നി​ലെ വീ​ട്ടി​ല്‍ അ​പ​ക​ടം വി​ത​ച്ച​തും ഈ ​വാ​ത​ക​മാ​യി​രു​ന്നു.

എ​ങ്ങ​നെ​യാ​ണ് അ​പ​ക​ടം വ​രു​ന്ന​ത്?
ജീ​വ​ന്‍ നി​ല​നി​ർ​ത്താ​ന്‍ അ​ത്യ​ന്താ​പേ​ക്ഷി​ത​മാ​യ ഓ​ക്സി​ജ​ന്‍ ശ​രീ​ര ക​ല​ക​ള്‍ക്ക് എ​ത്തി​ച്ചു​കൊ​ടു​ക്കു​ന്ന​ത് അ​രു​ണ ര​ക്താ​ണു​ക്ക​ളാ​ണ്. എ​ന്നാ​ല്‍, ഈ ​ര​ക്താ​ണു​ക്ക​ള്‍ ഓ​ക്സി​ജ​നെ​ക്കാ​ള്‍ വേ​ഗ​ത്തി​ല്‍ കാ​ര്‍ബ​ണ്‍ മോ​ണോ​ക്സൈ​ഡ് ആ​ഗി​ര​ണം ചെ​യ്യും എ​ന്ന​തി​ലാ​ണ് അ​പ​ക​ടം സ്ഥി​തി​ചെ​യ്യു​ന്ന​ത്. ശ​രീ​ര​ത്തി​ല്‍ ഓ​ക്സി​ജ​ന്‍ അ​ശേ​ഷം ഇ​ല്ലാ​താ​കു​മ്പോ​ഴാ​ണ് കാ​ര്‍ബ​ണ്‍ മോ​ണോ​ക്സൈ​ഡ് വി​ഷ​ബാ​ധ ഉ​ണ്ടാ​കു​ന്ന​ത്. വി​ഷ​ബാ​ധ​യേ​ല്‍ക്കു​ന്ന വ്യ​ക്തി​ക്ക് എ​ഴു​ന്നേ​ല്‍ക്കാ​നോ സം​സാ​രി​ക്കാ​നോ പോ​ലും പ​റ്റാ​ത്ത അ​വ​സ്ഥ സം​ജാ​ത​മാ​കു​ന്നു. ശ്വ​സ​ന​വാ​യു​വി​ല്‍ കാ​ര്‍ബ​ണ്‍ മോ​ണോ​ക്സൈ​ഡ് കൂ​ടി​യ അ​ള​വി​ലു​ള്ള​പ്പോ​ള്‍ വി​ഷ​ബാ​ധ​യേ​ല്‍ക്കു​ന്ന വ്യ​ക്തി​ക്ക് പെ​ട്ടെ​ന്നു ബോ​ധ​ക്ഷ​യം സം​ഭ​വി​ക്കു​ക​യോ ശ്വാ​സ​ത​ട​സ്സം അ​നു​ഭ​വ​പ്പെ​ടു​ക​യോ നാ​ഡീ​സ്പ​ന്ദ​നം മ​ന്ദീ​ഭ​വി​ക്കു​ക​യോ ചെ​യ്തേ​ക്കാം.

ഇ​ത്ത​രം സാ​ഹ​ച​ര്യ​ങ്ങ​ളി​ല്‍ വ്യ​ക്തി​യെ എ​ത്ര​യും പെ​ട്ടെ​ന്ന് ശു​ദ്ധ​വാ​യു ല​ഭി​ക്കു​ന്ന സ്ഥ​ല​ങ്ങ​ളി​ലേ​ക്കു മാ​റ്റി ഓ​ക്സി​ജ​ന്‍ ന​ല്‍കേ​ണ്ട​താ​ണ്. അ​ല്ലാ​ത്ത​പ​ക്ഷം ജീ​വ​ന്‍ ത​ന്നെ അ​പ​ക​ട​ത്തി​ലാ​യേ​ക്കാം. ശൈ​ത്യ​കാ​ലം മ​രു​ഭൂ​മി​യി​ല്‍ ആ​ഘോ​ഷ​ങ്ങ​ളു​ടെ കാ​ല​മാ​ണ്. ഈ ​ആ​ഘോ​ഷ​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട ഘ​ട​ക​ങ്ങ​ളി​ലൊ​ന്ന് ക​ത്തു​ന്ന വി​റ​കും മൊ​രി​യു​ന്ന ഇ​റ​ച്ചി​യു​മാ​ണ്. ആ​ഹാ​ര​മെ​ല്ലാം ക​ഴി​ച്ച് ഉ​റ​ങ്ങു​ന്ന​തി​ന് മു​മ്പ് ക​ന​ലു​ക​ള്‍ നേ​രാം​വ​ണ്ണം അ​ണ​ഞ്ഞി​ട്ടു​ണ്ടെ​ന്ന് ഉ​റ​പ്പ് വ​രു​ത്താ​ന്‍ മ​റ​ക്ക​രു​ത്. അ​പ​ക​ട​ങ്ങ​ള്‍ വ​രു​ത്തി​ത്തീ​ര്‍ക്കു​ന്ന ക​ന​ലു​ക​ള്‍ എ​ത്ര ത​ന്നെ മ​ന​സ്സി​ല്‍ കി​ട​ന്നാ​ലും അ​ണ​യു​ക​യി​ല്ല എ​ന്നു​കൂ​ടി ഓ​ര്‍ക്കു​ന്ന​ത് ന​ല്ല​താ​ണ്.