You are here

മ​ഴ​ക്കൊ​പ്പം ഷാ​ര്‍ജ​യി​ല്‍ പോ​ളി​ങ്ങും ക​ന​ത്തു 

09:09 AM
21/11/2019
ഷാ​ര്‍ജ ക​ണ്‍സ​ൾ​​ട്ടേ​റ്റി​വ് കൗ​ണ്‍സി​ലി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പിെൻറ ആ​ദ്യ ദി​വ​സ​ത്തെ ദൃ​ശ്യ​ങ്ങ​ള്‍

ഷാ​ര്‍ജ: ഷാ​ര്‍ജ ക​ണ്‍സ​ൾ​​ട്ടേ​റ്റി​വ് കൗ​ണ്‍സി​ലി​ലേ​ക്ക് (എ​സ്.​സി.​സി) ന​ട​ന്ന തെ​ര​ഞ്ഞെ​ടു​പ്പി​െൻറ ആ​ദ്യ ദി​ന​മാ​യ  ബു​ധ​നാ​ഴ്ച പെ​രു​മ​ഴ​യെ അ​വ​ഗ​ണി​ച്ച് ക​ന​ത്ത പോ​ളി​ങ്. പ്ര​ത്യേ​ക സം​ര​ക്ഷ​ണം ആ​വ​ശ്യ​മു​ള്ള​വ​രും വ​യോ​ധി​ക​രും  സ്ത്രീ​ക​ളും പ്ര​തി​കൂ​ല കാ​ലാ​വ​സ്ഥ വ​ക​വെ​ക്കാ​തെ പോ​ളി​ങ് കേ​ന്ദ്ര​ങ്ങ​ളി​ലെ​ത്തി സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ചു.

നാ​ലു ദി​വ​സം നീ​ണ്ടു​നി​ല്‍ക്കു​ന്ന തെ​ര​ഞ്ഞെ​ടു​പ്പി​െൻറ ആ​ദ്യ​ഘ​ട്ട​മാ​ണ് വി​ജ​യ​ക​ര​മാ​യി പൂ​ര്‍ത്തി​യാ​യ​ത്. വോ​ട്ടി​ങ്ങി​നാ​യി ഷാ​ര്‍ജ യൂ​നി​വേ​ഴ്സി​റ്റി ദൈ​ദ് കാ​മ്പ​സ്, അ​ല്‍ ബ​താ​യ ന​ഗ​ര​സ​ഭ, മ​ലി​ഹ ക​ള്‍ച്ച​റ​ല്‍ ക്ല​ബ്, മ​ദാം ന​ഗ​ര​സ​ഭ, ഹം​രി​യ മു​നി​സി​പ്പാ​ലി​റ്റി, ഖോ​ര്‍ഫ​ക്കാ​ന്‍ എ​ക്സ്പോ സ​െൻറ​ര്‍, ഷാ​ര്‍ജ യൂ​നി​വേ​ഴ്സി​റ്റി ക​ല്‍ബ കാ​മ്പ​സ്, ദി​ബ്ബ അ​ല്‍ ഹി​സ്ന്‍ മു​നി​സി​പ്പ​ല്‍ കൗ​ണ്‍സി​ല്‍  തു​ട​ങ്ങി ഒ​മ്പ​ത് പോ​ളി​ങ് സ്​​റ്റേ​ഷ​നു​ക​ളാ​ണ് ഒ​രു​ക്കി​യി​ട്ടു​ള്ള​ത്. 60 വോ​ട്ടു​യ​ന്ത്ര​ങ്ങ​ളാ​ണ് ഇ​തി​നാ​യി ഉ​പ​യോ​ഗി​ക്കു​ന്ന​ത്. എ​ല്ലാ യ​ന്ത്ര​ങ്ങ​ളും കൃ​ത്യ​മാ​യ പ്ര​വ​ര്‍ത്ത​ന​മാ​ണ് കാ​ഴ്​​ച​വെ​ച്ച​ത്. എ​ല്ലാ ദി​വ​സ​വും രാ​വി​ലെ എ​ട്ടു മു​ത​ല്‍ രാ​ത്രി എ​ട്ടു വ​രെ​യാ​ണ് വോ​ട്ടെ​ടു​പ്പ്. വോ​ട്ട​ര്‍പ​ട്ടി​ക​യി​ല്‍ പേ​ര്‍ ര​ജി​സ്​​റ്റ​ര്‍ ചെ​യ്ത ഷാ​ര്‍ജ സ്വ​ദേ​ശി​ക​ളാ​ണ് ശൂ​റാ നി​യ​മ​സം​ഹി​ത ശ​ക്തി​പ്പെ​ടു​ത്തു​ക എ​ന്ന ല​ക്ഷ്യ​ത്തി​നാ​യു​ള്ള തെ​ര​ഞ്ഞെ​ടു​പ്പി​ല്‍  പ​ങ്കെ​ടു​ക്കു​ന്ന​ത്.
ബു​ധ​നാ​ഴ്ച എ​ല്ലാ വോ​ട്ടെ​ടു​പ്പ് കേ​ന്ദ്ര​ങ്ങ​ളി​ലും ശ​ക്ത​മാ​യ പോ​ളി​ങ്ങാ​ണ് രേ​ഖ​പ്പെ​ടു​ത്തി​യ​തെ​ന്ന് ഷാ​ര്‍ജ ക​ണ്‍സ​ൾ​​ട്ടേ​റ്റി​വ് കൗ​ണ്‍സി​ല്‍ തെ​ര​ഞ്ഞെ​ടു​പ്പ് ഹ​യ​ര്‍ ക​മ്മി​റ്റി ചെ​യ​ര്‍മാ​ന്‍ ഡോ. ​മ​ന്‍സൂ​ര്‍ ബി​ന്‍ നാ​സ​ര്‍ പ​റ​ഞ്ഞു. 

യു.​എ.​ഇ സു​പ്രീം കൗ​ണ്‍സി​ല്‍ അം​ഗ​വും ഷാ​ര്‍ജ ഭ​ര​ണാ​ധി​കാ​രി​യു​മാ​യ ശൈ​ഖ് ഡോ. ​സു​ല്‍ത്താ​ന്‍ ബി​ന്‍ മു​ഹ​മ്മ​ദ് അ​ല്‍ ഖാ​സി​മി​യു​ടെ ആ​ഹ്വാ​നം നി​റ​ഞ്ഞ മ​ന​സ്സോ​ടെ സ്വീ​ക​രി​ച്ച വോ​ട്ട​ര്‍മാ​ര്‍ക്ക് അ​ദ്ദേ​ഹം ന​ന്ദി പ​റ​ഞ്ഞു. ഒ​മ്പ​ത് കേ​ന്ദ്ര​ങ്ങ​ളി​ലാ​യി ആ​കെ 25 പേ​രെ​യാ​ണ് തെ​ര​ഞ്ഞെ​ടു​ക്കു​ക. 25 പേ​രെ ശൈ​ഖ് സു​ല്‍ത്താ​ന്‍ നേ​രി​ട്ട് നാ​മ​നി​ര്‍ദേ​ശം ചെ​യ്യും. 25 വ​യ​സ്സ്​ പി​ന്നി​ട്ട, യു.​എ.​ഇ പൗ​ര​ത്വ​മു​ള്ള, സ​മ്പൂ​ര്‍ണ സാ​ക്ഷ​ര​ത​യു​ള്ള, ക്രി​മി​ന​ല്‍ കേ​സു​ക​ളി​ല്‍ അ​ക​പ്പെ​ടാ​ത്ത ആ​ര്‍ക്കും തെ​ര​ഞ്ഞെ​ടു​പ്പി​ല്‍ മ​ത്സ​രി​ക്കാം. സ്ഥാ​നാ​ർ​ഥി അ​ത​ത് മ​ണ്ഡ​ല​ത്തി​ലെ താ​മ​സ​ക്കാ​ര​നാ​യി​രി​ക്ക​ണം എ​ന്ന നി​ബ​ന്ധ​ന​യു​ണ്ട്. പോ​യ​വ​ര്‍ഷം വ​നി​താ സം​വ​ര​ണം ഉ​ണ്ടാ​യി​രന്നെ​ങ്കി​ലും ഇ​ത്ത​വ​ണ അ​തു​ണ്ടാ​യി​ല്ല. 

തെ​ര​ഞ്ഞെ​ടു​പ്പി​ല്‍ വി​ജ​യി​ക്കു​ന്ന​വ​ര്‍ സ​ര്‍ക്കാ​ര്‍ ജോ​ലി​ക്കാ​രാ​ണെ​ങ്കി​ല്‍ അ​ത് രാ​ജി​വെ​ക്ക​ണം. നാ​ലു വ​ര്‍ഷ​ത്തെ കാ​ലാ​വ​ധി പൂ​ര്‍ത്തി​യാ​ക്കി​യാ​ല്‍ വീ​ണ്ടും പ​ഴ​യ ജോ​ലി​ക്ക് അ​പേ​ക്ഷി​ക്കാ​നു​ള്ള അ​വ​സ​ര​മു​ണ്ട്.

Loading...
COMMENTS