ഡ്രൈവിങ്ങിൽ ജാഗ്രത വേണം; പുലരിയിൽ മൂടൽമഞ്ഞ് കനക്കുന്നു
text_fieldsഅബൂദബി: പുലർവേളയിലെ കനത്ത മൂടൽമഞ്ഞിൽ ജാഗ്രത പാലിക്കാൻ മുന്നറിയിപ്പുമായി അബൂ ദബി പൊലീസ്. വാഹനങ്ങൾ തമ്മിൽ ഉചിതമായ അകലം പാലിക്കണമെന്നും മൂടൽമഞ്ഞുള്ള കാലാവസ്ഥ യിൽ സുരക്ഷിതമായ ഡ്രൈവിങ് രീതികൾ കർശനമായി പാലിക്കണമെന്നും മുന്നറിയിപ്പ് നൽകി. മ ഞ്ഞുവേളയിൽ നിരത്തിലിറങ്ങുന്ന വാഹനങ്ങളുടെ വേഗത 80 കിലോമീറ്ററായി കുറക്കണമെന്നും അബൂദബി പൊലീസ് നിർദേശിക്കുന്നു.
അസ്ഥിര കാലാവസ്ഥയുമായി ബന്ധപ്പെട്ട ട്രാഫിക് സുരക്ഷ സമിതിയുടെ തീരുമാനം നടപ്പാക്കുന്നതിെൻറ ഭാഗമായി റോഡ് സുരക്ഷ കർശനമായി നിരീക്ഷിക്കാൻ പൊലീസ് പട്രോളിങ് കർശനമാക്കും.മൂടൽമഞ്ഞിൽ പാലിക്കേണ്ട സുരക്ഷ മുന്നറിയിപ്പുകൾ ജീവനക്കാരെ ബോധവത്കരിച്ച് അബൂദബി നാഷനൽ ഓയിൽ കമ്പനികളിൽ സുരക്ഷാപ്രചാരണം ആരംഭിച്ചു. കമ്പനിയിലെ ഹെൽത്ത് ആൻഡ് സേഫ്റ്റി വിഭാഗം ജീവനക്കാർക്ക് നൽകുന്ന സുരക്ഷ മുന്നറിയിപ്പുകൾ ചുവടെ:
- മൂടൽമഞ്ഞുവേളയിൽ യാത്ര ആരംഭിക്കുന്നതിനു മുമ്പ് വാഹനങ്ങളുടെ ദൂരക്കാഴ്ചക്കുള്ള സാഹചര്യം വർധിപ്പിക്കുക.
- ഫോഗ് ലൈറ്റുകൾ നിർബന്ധമായും ഉപയോഗിക്കുക. ഹൈ ബീം ഹെഡ്ലൈറ്റുകൾ ഉപയോഗിക്കരുത്.
- മൂടൽമഞ്ഞുവേളയിൽ സഞ്ചരിക്കുന്ന പാതയിൽതന്നെ യാത്ര തുടരുക. പാത മാറുന്നതിനുള്ള മുന്നറിയിപ്പ് പിറകിലും പാർശ്വങ്ങളിലും സഞ്ചരിക്കുന്ന വാഹനങ്ങൾക്ക് ലഭ്യമായെന്നുറപ്പാക്കി മാത്രം തീരുമാനമെടുക്കുക.
- ദൂരക്കാഴ്ച മെച്ചപ്പെടുത്താൻ വാഹനത്തിെൻറ വിൻഡ്ഷീൽഡ് വൈപ്പറുകളും ഡീഫ്രോസ്റ്റർ സൗകര്യവും യാത്രക്കിടെ ഉപയോഗിക്കുക.
- ദൂരക്കാഴ്ച 100 മീറ്ററിൽ താഴെയാണെങ്കിൽ മഞ്ഞ ലൈനിൽ രേഖപ്പെടുത്തിയിട്ടുള്ള ഹാർഡ് ഷോൾഡറിൽ വാഹനം നിർത്തിയിട്ട് കാത്തിരിക്കുകയാണ് ഉചിതം.
- ദൂരക്കാഴ്ച മോശമായ അവസ്ഥയിലും മോശം കാലാവസ്ഥയിലും ഡ്രൈവിങ് ഒഴിവാക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.