യു.എ.ഇ ഏറ്റവും അടുപ്പമുള്ള പങ്കാളി –പുടിൻ

ദുബൈ: യു.എ.ഇ സന്ദർശനത്തിനെത്തിയ റഷ്യൻ പ്രസിഡൻറ്​ വ്ലാദിമിർ പുടിന്​ അബൂദബിയിൽ ഉജ്ജ്വല വരവേൽപ്. അബൂദബി കിരീടാവക ാശിയും യു.എ.ഇ സായുധസേന ഉപ സർവ സൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ പ്രസിഡൻഷ്യൽ വിമാനത്താവളത്തിൽ റഷ്യൻ പ്രസിഡൻറിനെ സ്വീകരിച്ചു. ഏറ്റവും പ്രതീക്ഷ നൽകുന്നതും അടുപ്പമുള്ളതുമായ രാജ്യമാണ്​ യു.എ.ഇയെന്ന്​ പുടിൻ അഭിപ്രായപ്പെട്ടു. ഗൾഫ്​ രാജ്യങ്ങളിൽ ഏറ്റവും വലിയ വ്യാപാര ബന്ധം യു.എ.ഇയുമായാണ്​ നടന്നത്​. എന്നാൽ അതിലേറെ ചെയ്യണമെന്ന്​ ബോധ്യമുണ്ടെന്നും മുബാദല, റഷ്യൻ ഡയറക്​ട്​ ഇൻവസ്​റ്റ്​മ​െൻറ്​ ഫണ്ട്​ എന്നിവ പ്രയോജനപ്പെടുത്തുന്നതു ചർച്ച ചെയ്​തു വരുകയാണെന്നും അദ്ദേഹം വ്യക്തമാക്കി.

മേൽത്തരം ഇനത്തിൽപ്പെട്ട വലിപ്പമേറിയ ഗിർഫാൽക്കനാണ്​ പുടിൻ ശൈഖ്​ മുഹമ്മദിന്​ ഉപഹാരമായി നൽകിയത്​. പ്രസിഡൻറി​​െൻറ സന്ദർശനത്തിനൊപ്പം യൂ.എ.ഇ റഷ്യ വാരാചരണവും അരങ്ങേറുന്നുണ്ട്​. എമിറേറ്റ്​സ്​ പാലസ്​ ഹോട്ടലിൽ റഷ്യൻ ബാലെയും കലാവിരുന്നുകളും സംഘടിപ്പിച്ചു. മൂവായിര​ത്തിലേറെ റഷ്യൻ കമ്പനികളാണ്​ യു.എ.ഇയിൽ രജിസ്​റ്റർ ചെയ്​തിട്ടുള്ളത്​. 12.5 ബില്യൻ ദിർഹമി​​െൻറ ഉഭയകക്ഷി വ്യാപാരമാണ്​ കഴിഞ്ഞ വർഷം നടന്നത്​.