തീ പിടിച്ച കെട്ടിടത്തില്‍ അകപ്പെട്ടവരെ രക്ഷപ്പെടുത്തി

അജ്മാന്‍: അജ്മാന്‍ നുഐമിയയിലെ അഞ്ചുനില കെട്ടിടത്തിനു തീപിടിച്ചു. മൂന്നാം നിലയിൽ നിന്നു പുറപ്പെട്ട തീ കെട്ടിടത്തി​​െൻറ മറ്റുഭാഗങ്ങളിലേക്കു കൂടി പടരുകയായിരുന്നു. പുക മൂലം കെട്ടിടത്തില്‍ അകപ്പെട്ടുപോയ എട്ടു പേരെ അജ്മാന്‍ സിവില്‍ ഡിഫന്‍സ് സംഘം രക്ഷപ്പെടുത്തി. അഞ്ച് കുട്ടികളും മൂന്ന് സ്ത്രീകളുമാണ്​ മുകള്‍ നിലയില്‍ അകപ്പെട്ടു പോയത്​.

പുക ശ്വസിച്ചത്‌ മൂലം അവശരായ ഇവര്‍ക്ക് ഉടന്‍ തന്നെ അടിയന്തിര ശുശ്രൂഷ ലഭ്യമാക്കി തുടര്‍ ചികിത്സക്കായി അജ്മാന്‍ ഖലീഫ ആശുപത്രിയിലേക്ക് മാറ്റി. ആരുടേയും നില ഗുരുതരമല്ല. അപകടത്തെ തുടര്‍ന്ന് മറ്റു താമസക്കാരെയും കൂടുതല്‍ അപകടം ഒഴിവാക്കാനായി പോലീസ് കെട്ടിടത്തില്‍ നിന്ന് ഒഴിപ്പിച്ചിരുന്നു. അപകട കാരണം വ്യക്തമല്ല.