ഓ​ർ​മ​ക​ൾ നെ​ഞ്ചി​ല​ടു​ക്കി​പ്പി​ടി​ച്ചൊ​രു മ​ര​വും കു​റേ പൂ​ച്ച​ക​ളും

ദു​ബൈ: ബ​ർ​ദു​ബൈ​യി​ലെ അ​ൽ ഗു​ബൈ​ബ ബ​സ് സ്​​റ്റേ​ഷ​നോ​ട് ചേ​ർ​ന്ന് പ്ര​വ​ർ​ത്തി​ച്ചി​രു​ന്ന സ്ഥാ​പ​ന​ങ്ങ​ ളെ​ല്ലാം ടെ​ർ​മി​ന​ൽ വി​ക​സ​ന പ്ര​വ​ർ​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട് പൂ​ട്ടി​യ​തോ​ടെ തീ​ർ​ത്തും ഒ​റ് റ​പ്പെ​ട്ട് പോ​യ സ​ങ്ക​ട​ത്തി​ൽ നി​ൽ​ക്കു​ക​യാ​ണ് ന​ടു​മു​റ്റ​ത്തെ ദ​മാ​സ് മ​ര​വും ക​ട​ക​ളെ ആ​ശ്ര​യി​ച്ച് ക​ഴി​ഞ്ഞി​രു​ന്ന കു​റേ പൂ​ച്ച​ക​ളും.

കൂ​റ്റ​ൻ വേ​ലി​ക്കെ​ട്ടി​നു​ള്ളി​ൽ അ​ക​പ്പെ​ട്ട മ​ര​ത്തി​െ​ൻ​റ ശ ി​ര​സ് മാ​ത്ര​മാ​ണ് ഇ​പ്പോ​ൾ പു​റ​ത്തേ​ക്ക് കാ​ണു​ന്ന​ത്. ഞ​ങ്ങ​ളി​വി​ടെ ത​ന്നെ​യു​ണ്ട് എ​വി​ടേ​ക്കും പോ​യി​ട്ടി​ല്ല എ​ന്ന​റി​യി​ക്കു​വാ​നാ​യി കു​രു​വി​ക​ൾ പു​റ​ത്തേ​ക്ക് കാ​ണു​ന്ന ഇ​ല​പ​ട​ർ​പ്പു​ക​ളി​ൽ ഇ​രു​ന്ന് പാ​ടാ​റു​ണ്ട്. എ​ന്നാ​ൽ തീ​ർ​ത്തും മൗ​ന​ത്തി​ലാ​ണ്ടു​പോ​യ പൂ​ച്ച​ക​ൾ തീ​രാ​സ​ങ്ക​ട​ത്തി​ലാ​ണ്. സ്ഥാ​പ​ന​ങ്ങ​ൾ പ്ര​വ​ർ​ത്തി​ച്ചി​രു​ന്ന കാ​ല​ത്ത് ഇ​വ​യു​ടെ ജീ​വി​തം കു​ശാ​ലാ​യി​രു​ന്നു. മ​ല​യാ​ളി​ക​ളു​ടെ ഹോ​ട്ട​ലു​ക​ളാ​യി​രു​ന്നു ഇ​വി​ടെ കൂ​ടു​ത​ലും പ്ര​വ​ർ​ത്തി​ച്ചി​രു​ന്ന​ത്. ഓ​രോ ഭ​ക്ഷ​ണ ശാ​ല​യു​ടെ കോ​ലാ​യി​ലും അ​ധി​കാ​ര ഭാ​വ​ത്തോ​ടെ മ​ർ​ജാ​ര​ൻ​മാ​ർ നി​വ​ർ​ന്ന് കി​ട​ന്നി​രു​ന്നു.

ക​ട​ക​ൾ അ​ട​ച്ചാ​ൽ ഇ​വ​ർ​ക്ക് കാ​വ​ൽ​ക്കാ​രു​ടെ അ​ധി​കാ​ര ഭാ​വ​മാ​യി​രു​ന്നു. എ​ന്നാ​ൽ ഇ​പ്പോ​ൾ തീ​ർ​ത്തും ദു​ഖ​ഭ​രി​ത​മാ​ണ് ഇ​വ​യു​ടെ ജീ​വി​തം. സ്ഥാ​പ​ന​ങ്ങ​ളെ​ല്ലാം അ​ട​ച്ച് പൂ​ട്ടി ഹോ​ർ​ഡി​ങു​ക​ൾ സ്ഥാ​പി​ച്ചെ​ങ്കി​ലും ശു​ചി​മു​റി​ക​ൾ ഇ​പ്പോ​ഴും പ്ര​വ​ർ​ത്തി​ക്കു​ന്ന​താ​ണ് ഇ​വ​ർ​ക്ക് തെ​ല്ല് ആ​ശ്വാ​സം പ​ക​രു​ന്ന​ത്. ഇ​വി​ടെ എ​ത്തു​ന്ന​വ​ർ എ​ന്തെ​ങ്കി​ലും ക​ണ്ട​റി​ഞ്ഞ് കൊ​ടു​ക്കും അ​തും തി​ന്ന് സു​വ​ർ​ണ കാ​ലം ഓ​ർ​ത്ത് അ​വ​യ​ങ്ങ​നെ ത​ള​ർ​ന്ന് കി​ട​ക്കു​ന്ന​ത് കാ​ണാം.
ദ​മാ​സ് മ​ര​ത്തെ ചു​റ്റി​പ​റ്റി​യാ​യി​രു​ന്നു ന​മ​സ്ക്ക​രി​ക്കു​വാ​നു​ള്ള സൗ​ക​ര‍്യം ഉ​ണ്ടാ​യി​രു​ന്ന​ത്. യാ​ത്ര​ക്കാ​ർ വി​ശ്ര​മി​ക്കു​വാ​നും ഇ​തി​ന്‍റെ ചു​വ​ട്ടി​ൽ എ​ത്തി​യി​രു​ന്നു. ക​മ്പ​നി​ക​ൾ പൂ​ട്ടി​യും തൊ​ഴി​ലു​ട​മ​ക​ളു​ടെ വ​ഞ്ച​ന​യി​ൽ​പ്പെ​ട്ടും ജോ​ലി​യും കൂ​ലി​യു​മി​ല്ലാ​തെ തെു​വി​ലേ​ക്കി​റ​ങ്ങു​ന്ന​വ​രു​ടെ ആ​ശ്ര​യ​മാ​യി​രു​ന്നു ഈ ​മ​ര​ച്ചോ​ട്. സ​ങ്ക​ട​ങ്ങ​ൾ ഉ​ള്ളി​ലൊ​തു​ക്കി മ​ര​ച്ചോ​ട്ടി​ൽ അ​വ​ർ വി​ശ്ര​മി​ക്കാ​ൻ ഇ​ടം ക​ണ്ടെ​ത്തി. തി​ര​ക്കി​നി​ട​യി​ൽ ആ​രും കാ​ണാ​തെ അ​വ​ർ ക​ണ്ണു​ക​ൾ തു​ട​ച്ചു. മൊ​ബൈ​ലി​ൽ സൂ​ക്ഷി​ച്ചി​രു​ന്ന ഉ​ട​പ്പി​റ​പ്പു​ക​ളു​ടെ ഫോ​ട്ടോ​യെ​ടു​ത്ത് നെ​ഞ്ചോ​ട് ചേ​ർ​ത്തു​വെ​ച്ചു.

രാ​വും പ​ക​ലും ബ​ഹ​ള​ത്തി​ൽ കു​ളി​ച്ച് കി​ട​ന്നി​രു​ന്ന മാ​ർ​ക്ക​റ്റ് പെ​ട്ടെ​ന്ന് നി​ശ​ബ്​​ദ​മാ​യി പോ​വു​ക​യാ​യി​രു​ന്നു. പ​തി​വാ​യി വെ​ള്ള​മെ​ത്തി​ക്കാ​ൻ ന​ഗ​ര​സ​ഭ ഒ​രു​ക്കി​യ സം​വി​ധാ​നം ഇ​പ്പോ​ഴും പ്ര​വ​ർ​ത്തി​ക്കു​ന്ന​തി​നാ​ൽ മ​ര​ത്തി​ന് ക്ഷീ​ണ​മി​ല്ല.
ഏ​തൊ​രു വേ​ന​ലി​നും അ​വ​സാ​ന​മു​ണ്ടെ​ന്ന്​ ഒാ​ർ​മ​പ്പെ​ടു​ത്തി കു​റേ വെ​ളു​ത്ത പൂ​ക്ക​ൾ പു​ഞ്ചി​രി തൂ​കു​ന്നു​ണ്ട്.