ര​ക്​​ത​ദാ​നം: മ​ല​യാ​ളി കൂ​ട്ടാ​യ്​​മ​ക​ൾ​ക്ക്​ യു.​എ.​ഇ അ​ധി​കൃ​ത​രു​ടെ ആ​ദ​രം

ദു​ബൈ: യു.​എ.​ഇ​യി​ൽ ര​ക്​​തം ആ​വ​​ശ്യ​മു​ള്ള​വ​ർ​ക്ക്​ സ​ഹാ​യ​മെ​ത്തി​ക്കാ​ൻ മ​ല​യാ​ളി കൂ​ട്ടാ​യ്​​മ​ക​ൾ എ​ന്നും മു​ൻ​പ​ന്തി​യി​ലാ​ണ്. അ​ന്താ​രാ​ഷ്​​ട്ര ര​ക്​​ത​ദാ​ന ദി​ന​ത്തോ​ട​നു​ബ​ന്ധി​ച്ച്​ വി​വി​ധ എ​മി​റ േ​റ്റു​ക​ളി​ൽ ന​ട​ന്ന സ​ർ​ക്കാ​ർ പ​രി​പാ​ടി​ക​ളി​ലെ​ല്ലാം ഇ​ന്ത്യ​ൻ കൂ​ട്ടാ​യ്​​മ​ക​ളും ആ​ദ​രി​ക്ക​പ്പെ​ട്ടു. അ​ബൂ​ദ​ബി ഹെ​ൽ​ത്​ അ​തോ​റി​റ്റി​ക്കു കീ​ഴി​ൽ പ്ര​വ​ർ​ത്തി​ക്കു​ന്ന സേഹ​യു​ടെ ആ​ദ​രം കാ​സ​ർ​ക്കോ​ടു​കാ​രു​ടെ സം​ഘ​ട​ന​യാ​യ ‘കാ​സ്രോ​ട്ടാ​ർ’ കൂ​ട്ടാ​യ്മ​ക്ക് ല​ഭി​ച്ചു. അ​ഞ്ചു വ​ർ​ഷ​മാ​യി അ​ബൂ​ദ​ബി ബ്ല​ഡ് ബാ​ങ്കു​മാ​യി സ​ഹ​ക​രി​ച്ച് നി​ര​വ​ധി ര​ക്ത​ദാ​ന ക്യാ​മ്പു​ക​ളും ബോ​ധ​വ​ത്​​ക്ക​ര​ണ പ​രി​പാ​ടി​ക​ളും ‘കാ​സ്രോ​ട്ടാ​ർ’ സം​ഘ​ടി​പ്പി​ക്കു​ന്നു​ണ്ട്. അ​ബൂ​ദ​ബി എ​മി​റേ​റ്റ്സ് പാ​ല​സി​ൽ സം​ഘ​ടി​പ്പി​ച്ച ച​ട​ങ്ങി​ൽ സേ​ഫ് ലൈ​ൻ എം.​ഡി​യും കൂ​ട്ടാ​യ്മ ചെ​യ​ർ​മാ​നു​മാ​യ അ​ബൂ​ബ​ക്ക​ർ കു​റ്റി​ക്കോ​ൽ, ബോ​ർ​ഡ് അം​ഗം സെ​ഡ്. എ.​മൊ​ഗ്രാ​ൽ, ജ​ന​റ​ൽ സെ​ക്ര​ട​റി പി ​കെ. അ​ഷ​റ​ഫ്, ത​സ്ലീം ആ​രി​ക്കാ​ടി എ​ന്നി​വ​ർ ചേ​ർ​ന്ന് അ​വാ​ർ​ഡ് ഏ​റ്റു​വാ​ങ്ങി.

വി​വി​ധ എ​മി​റേ​റ്റു​ക​ളി​ൽ അ​നേ​കം ര​ക്ത​ദാ​ന ക്യാ​മ്പു​ക​ൾ ന​ട​ത്തു​ക​യും അ​ടി​യ​ന്ത​ര ഘ​ട്ട​ങ്ങ​ളി​ൽ സൗ​ജ​ന്യ​മാ​യി ര​ക്തം ക്ര​മീ​ക​രി​ച്ച് ന​ൽ​കു​ക​യും ചെ​യ്യു​ന്ന ബ്ല​ഡ്‌ ഡോ​ണേ​ഴ്‌​സ്‌ കേ​ര​ള യു.​എ.​ഇ ഘ​ട​ക​ത്തി​ന് ദു​ബൈ, അ​ബൂ​ദ​ബി ആ​രോ​ഗ്യ മ​ന്ത്രാ​ല​യ​ങ്ങ​ളു​ടെ ആ​ദ​രം ല​ഭി​ച്ചു. ദു​ബൈ ആ​രോ​ഗ്യ അ​തോ​റി​റ്റി ഡ​യ​റ​ക്ട​ർ ജ​ന​റ​ൽ ഹു​മൈ​ദ് അ​ൽ ഖാ​ത​മി​യി​ൽ നി​ന്ന് ബി.​ഡി.​കെ ഭാ​ര​വാ​ഹി​ക​ളാ​യ ഉ​ണ്ണി, ര​ഞ്ജി​ത്ത് എ​ന്നി​വ​ർ ഉ​പ​ഹാ​രം ഏ​റ്റു​വാ​ങ്ങി. അ​ബൂ​ദ​ബി ആ​രോ​ഗ്യ അ​തോ​റി​റ്റി​യു​ടെ പു​ര​സ്​​കാ​രം ഉ​ണ്ണി,പ്ര​യാ​ഗ് പേ​രാ​​മ്പ്ര, ശ്രീ​ജി​ത്ത് നി​തി​ൻ എ​ന്നി​വ​ർ ചേ​ർ​ന്ന്​ സ്വീ​ക​രി​ച്ചു. മി​ക​ച്ച കോ​ർ​ഡി​നേ​റ്റ​ർ​ക്കു​ള്ള അ​വാ​ർ​ഡ് ബി.​ഡി.​കെ ഭാ​ര​വാ​ഹി ഉ​ണ്ണി പു​ന്നാ​ര​ക്ക് ല​ഭി​ച്ചു.