അബൂദബിയിൽ വാഹനാപകടം; മൂന്ന്​ കുട്ടികളടക്കം നാല്​ മരണം

അബൂദബി: അബൂദബിയില്‍ ഈദ് ദിനത്തിലുണ്ടായ വാഹനാപകടത്തില്‍ സ്വദേശികുടുംബത്തിലെ മൂന്ന് കുട്ടികളടക്കം നാലുപേര്‍ മരിച്ചു. നിയന്ത്രണം വിട്ട വാഹനം വൈദ്യുതി പോസ്​റ്റില്‍ ഇടിച്ചായിരുന്നു അപകടം.

വാഹനമോടിച്ചിരുന്ന ഗൃഹനാഥക്ക് ഗുരുതര പരിക്കേറ്റു. കുടുംബത്തിലെ മൂന്ന് കുട്ടികള്‍ക്ക് പുറമെ വീട്ടുജോലിക്കാരിയാണ് മരിച്ച നാലാമത്തെയാള്‍. അശ്രദ്ധമായ ഡ്രൈവിങാണ് അപകട കാരണമായതെന്നാണ് പ്രാഥമിക നിഗമനം. ഇവര്‍ക്ക് ഡ്രൈവിങ് ലൈസന്‍സ് ഇല്ലായിരുന്നുവെന്നും ഇത് ഗുരുതര നിയമലംഘനമായി കണക്കാക്കുമെന്ന് പൊലീസ് അറിയിച്ചു.