ആസിഡ്​ വീണിട്ടും മധുരം കുറക്കാതെ ഉമ്മുൽ ഖുവൈനിലെ പ്ലാവ്​

ഉമ്മുല്‍ഖുവൈന്‍: ആസിഡ്​ ആക്രമണം നേരിട്ട യുവതികൾ ​ആത്​മവിശ്വാസത്തോ​െട മുന്നേറി പുതു ചരിത്രം രചിച്ച കഥകൾ കേൾ ക്കാറുണ്ട്​ നമ്മൾ. ആസിഡ്​ വീണ്​ നശിച്ചിട്ടും മനുഷ്യർക്ക്​ മധുരം നൽകാൻ മറക്കാത്ത ഒരു പ്ലാവാണ്​ ഉമ്മുൽ ഖുവൈനിലെ താരം. മരുഭൂമിയിൽ ചക്ക കായ്​ച്ചത്​ കഴിഞ്ഞ വർഷങ്ങളിൽ വാർത്തയായിരുന്നു. ജാഫര്‍ കരിങ്കല്ലത്താണി എന്നയാൾ വർഷങ്ങൾക്ക്​ മുൻപ്​ നട്ടു നനച്ച പ്ലാവ്​ അൽ റാഹ മാനേജർ ഹംസ കോട്ടുപുഴയുടെ നേതൃത്വത്തിൽ തയ്യൽ ജോലിക്കാരായ ഒരു പ​റ്റം പ്രകൃതി സ്​നേഹികളാണ്​ സംരക്ഷിച്ചു വന്നിരുന്നത്​.

അതിനിടെ ആരോ അബദ്ധത്തിൽ മരത്തി​​െൻറ മൂട്ടിൽ ആസിഡ്​ ഒഴിച്ചു. ഫലം മരമൊന്ന്​ പിണങ്ങി. മനുഷ്യർ എത്ര ക്രൂരമായി പെരുമാറിയാലും മരത്തിന്​ അതിനു കഴിയില്ലല്ലോ. പരിപാലിച്ചവർക്കും സുഹൃത്തുക്കൾക്കുമായി പത്തിൽ കുറവ്​ ചക്കകൾ ഇക്കുറിയും കായ്​ച്ചു. കാഴ്ചയില്‍ ചെറിയ ചക്കയാണെങ്കിലും ആറു മാസം മതി പൂര്‍ണ്ണ വളര്‍ച്ച കൈവരിക്കാനെന്ന് പ്ലാവിന്റെ പരിപാലകര്‍ പറയുന്നു. തേന്‍ വരിക്കക്ക് സമാനമായ തേന്‍ പൂവന്‍ എന്ന പഴം ചക്കയാണിത്.