ദുബൈയിൽ രണ്ട് ഇന്ത്യൻ വ്യവസായികൾക്ക്​ പത്തു വർഷ വിസ അനുവദിച്ചു

ദുബൈ: യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരികരിയുമായ ശൈഖ് മുഹമ്മദ് ബിൻ റാശിദ് ആൽ മക്തും യു.എ .ഇ യിലെ പ്രവാസികൾക്ക്​ സ്‌ഥിര താമസ^ദീർഘകാല വിസ നൽകുമെന്ന്​ പ്രഖ്യാപിച്ചതിനു തൊട്ടുപിന്നാലെ ദുബൈ എമിഗ്രേഷൻ ന ടപടികൾ ആരംഭിച്ചു. ദീർഘകാല വിസ ആദ്യമായി അനുവദിക്കപ്പെട്ടത്​ രണ്ട്​ ഇന്ത്യക്കാർക്കാണ്​.

ആദ്യകാല പ്രവാസിയും പ്രവാസി സമ്മാൻ ജേതാവുമായ റീഗൽ ഗ്രൂപ്പ്​ മേധാവി വാസു ശ്രോഫ്​, ഖുശി ജ്വല്ലറി ഗ്രൂപ്പ്​ ഉടമസ്​ഥൻ ഖുശി ഖത്​വാനി എന്നിവർക്ക്​ പത്തു വർഷത്തേക്കുള്ള വിസയാണ്​ അനുവദിച്ചത്​. ജാഫിലിയയിലുള്ള ദുബൈ എമിഗ്രേഷ​​െൻറ ഒാഫീസിൽ വെച്ച്​ മേധാവി മേജർ ജനറൽ മുഹമ്മദ് അഹമ്മദ് അൽ മറിയുടെ സാന്നിധ്യത്തിലാണ് ദീർഘകാല വിസ പതിച്ച പാസ്​​േപാർട്ട്​ നൽകിയത്​. 1305 ദിർഹമാണ്​ വിസ ഫീസ്​ ഇൗടാക്കിയത്​. അഞ്ചു മിനിറ്റിനകം വിസ ലഭ്യമാക്കിയതായും യു.എ.ഇയുടെ സ്​നേഹവായ്​പ്പിൽ അതീവ സന്തുഷ്​ടനാണെന്നും വാസു ശ്രോഫ്​ പറഞ്ഞു.

1960ൽ മുംബൈയിൽ നിന്ന്​ കപ്പൽ കയറി യു.എ.ഇയിൽ എത്തിയ വാസു ശ്രോഫ്​ ഇന്ന്​ ഗൾഫ്​ മേഖലയാകെ പരന്നു കിടക്കുന്ന വ്യവസായ ശൃംഖലയുടെ അധിപനാണ്​. യു.എ.ഇയുടെ തുറന്ന മനസാണ്​ തന്നെയും തന്നെപ്പോലുള്ള നൂറുകണക്കിന്​ പ്രവാസികളെയും വളർത്തി വലുതാക്കിയതെന്നും ആ സ്​നേഹം കൂടുതൽ ശക്​തമായി പകർന്നു നൽകുകയാണിപ്പോഴെന്നും അദ്ദേഹം പ്രതികരിച്ചു. നമ്മുടെ സ്വന്തം എന്ന ബോധ്യം കൂടുതൽ ശക്​തിപ്പെടുത്താൻ ഇൗ നടപടി സഹായകമാവും എന്നാണ്​ ഖുശി ഖത്​വാനി അഭിപ്രായപ്പെട്ടത്​.