സഹപ്രവർത്തകനെ കൊന്ന കേസിൽ ഹോട്ടൽ ജീവനക്കാർക്ക്​ ജീവപര്യന്തം

ദുബൈ: സഹപ്രവർത്തകനെ കാൽനടയാത്രക്കാർക്കുള്ള ടണലിൽവെച്ച്​ കൊലപ്പെടുത്തിയ രണ്ട്​ ഹോട്ടൽ ജീവനക്കാർക്ക്​ ജീവപര്യന്തം. കൊലപാതകത്തിന്​ ശേഷം രാജ്യം വിട്ട പ്രതികളുടെ അഭാവത്തിൽ ദുബൈ ക്രിമിനൽ കോടതിയാണ്​ ശിക്ഷ വിധിച്ചത്​. 30ഉം 24ഉം വയസ്സുള്ള രണ്ട്​ പാകിസ്​താനികളാണ്​ പ്രതികൾ. കൊല്ലപ്പെട്ടയാളുടെ രാജ്യമോ വയസ്സോ രേഖകളിൽ വ്യക്​തമാക്കിയിട്ടില്ല.

ദുബൈ നാഇഫിലെ ഫൈവ്​ സ്​റ്റാർ ഹോട്ടലിലെ ജീവനക്കാരായിരുന്നു കൊല്ലപ്പെട്ടയാളും പ്രതികളും. അതേ ഹോട്ടലിലെ മറ്റൊരു ജീവനക്കാരനാണ്​ സാക്ഷി. പ്രതികൾ വേറെ സ്​ഥലത്തായിരുന്നു താമസിച്ചിരുന്നതെന്നും സാധാരണ അവർ തങ്ങളോടൊപ്പമല്ല ജോലിക്ക്​ പോകാറുള്ളതെന്നും സാക്ഷി പ്രോസിക്യൂട്ടർമാരെ അറിയിച്ചു. സംഭവദിവസം ഇവർ തങ്ങളോടൊപ്പമാണ്​ ജോലിക്ക്​ വന്നത്​.

ടണലിലൂടെ നടക്കുന്നതിനിടെ ഫോൺ വന്നു. അതിനാൽ താൻ നടത്തം നിർത്തി ഫോണിൽ സംസാരിച്ചു. തുടർന്ന്​ ടണലിൽനിന്ന്​ നിലവിളി ​കേട്ട​േതാടെ അങ്ങോട്ട്​ ഒാടിച്ചെല്ലുകയായിരുന്നു. പ്രതികൾ കൊല്ലപ്പെട്ടയാളെ ക്രൂരമായി മർദിക്കുന്നതാണ്​ കണ്ടത്​. വിവരമറിയിച്ചതിനെ തുടർന്ന്​ പൊലീസെത്തി മർദനമേറ്റയാളെ ആശുപത്രിയി​േലക്ക്​ കൊണ്ട​ുപോയെങ്കിലും രക്ഷിക്കാനായില്ല. ആക്രമണം ആസൂത്രിതമായിരുന്നുവെന്ന്​ കരുതുന്നതായി സാക്ഷി പറഞ്ഞു. ആക്രമണ കാരണം അവ്യക്​തമാണെന്നും അദ്ദേഹം അറിയിച്ചു.