സർക്കാർ സ്​കൂൾ അധ്യാപകർക്ക്​ ട്യൂഷൻ അനുമതി

അബൂദബി: വിദ്യാർഥികളുടെ പഠന നിലവാരം ഉയർത്തുന്നതിന്​ യു.എ.ഇയിലെ സർക്കാർ സ്​കൂൾ അധ്യാപകർക്ക്​ ട്യൂഷന്​ അനുമതി. സ ്വന്തം സ്​കൂളിലെ വിദ്യാർഥികളല്ലാത്തവർക്ക്​ ട്യൂഷൻ നൽകാനാണ്​ അനുമതി നൽകുന്നത്​. സ്​കൂൾ പ്രവൃത്തി സമയങ്ങളിൽ ത ന്നെയായിരിക്കും വിദ്യാർഥികൾക്ക്​ ട്യൂഷൻ നൽകുക. വിദ്യാഭ്യാസ മന്ത്രാലയം സ്​കൂളുകൾക്ക്​ അയച്ച സർക്കുലറിലാണ്​ ഇക്കാര്യം വ്യക്​തമാക്കിയത്​. യു.എ.ഇയിൽ ആദ്യമായാണ്​ ട്യൂഷന്​ അനുമതി നൽകുന്നത്​. എന്നാൽ, സ്വകാര്യ വിദ്യാലയങ്ങളി ലെ അധ്യാപകർക്ക്​ ട്യൂഷൻ നൽകാൻ അനുമതി നൽകിയിട്ടില്ല.

ട്യൂഷൻ പദ്ധതിയിൽ പങ്കാളിയാകാൻ സർക്കാർ സ്​കൂൾ അധ്യാപകർ ‘ടീച്ച്​ ഫോർ ദ യു.എ.ഇ’ ഒാൺലൈൻ പ്ലാറ്റ്​ഫോമിൽ രജിസ്​റ്റർ ചെയ്യണം​. രജിസ്​റ്റർ ചെയ്​തവരിൽനിന്ന്​ യോഗ്യരായവരെ തെരഞ്ഞെടുക്കും. പദ്ധതിയിൽ പങ്കാളികളാകുന്ന അധ്യാപകർക്ക്​ വിദ്യാഭ്യാസ മന്ത്രാലയമാണ്​ പ്രതിഫലം നൽകുക. ഇതിനുള്ള ഫണ്ട്​ വകയിരുത്തിയിട്ടുണ്ട്​. കൂടാതെ പദ്ധതിയിൽ മികച്ച പ്രകടനം നടത്തുന്ന അധ്യാപകരെ പ്രമോഷന്​ പരിഗണിക്കും.

വിദ്യാർഥികളെ സമർഥരാക്കുക എന്നതാണ്​ ട്യൂഷ​​െൻറ ലക്ഷ്യമെന്നും അധ്യാപകർക്ക്​ ലാഭമുണ്ടാക്കുകയല്ലെന്നും വിദ്യാഭ്യാസ മന്ത്രാലയത്തിലെ അസിസ്​റ്റൻറ്​ അണ്ടർ സെക്രട്ടറി ഫൗസിയ ഗാരിബ്​ അഭിപ്രായപ്പെട്ടു. കുട്ടികൾക്ക്​ അവരുടെ പഠനാവശ്യങ്ങൾ നിവർത്തിക്കുന്ന വിധം കൂടുതൽ അവസരങ്ങൾ ലഭ്യമാക്കുകയാണ്​. ഏറ്റവും മികച്ച വിദ്യാഭ്യാസ സംവിധാനം വികസിപ്പിക്കാൻ യു.എ.ഇ പ്രതിജ്ഞാബദ്ധമാണ്​. അതിനാൽ രക്ഷിതാക്കളെ കൂടുതൽ പണമടക്കാൻ നിർബന്ധിക്കാതെ തന്നെ ട്യുഷൻ സാധ്യത തുറന്നിടുകയാണ്​.

ചില വിഷയങ്ങളിൽ കൂടുതൽ ശ്രദ്ധ ആവശ്യമുള്ള കുട്ടികൾക്ക്​ വേണ്ടിയാണ്​ ഇൗ പദ്ധതി. ഒരു വിദ്യാർഥി ഗണിതത്തിന്​ മോശമാണെങ്കിൽ ആ വിദ്യാർഥിക്ക്​ ആ വിഷയത്തിലാണ്​ ട്യൂഷൻ ലഭിക്കുക. ഗണിതത്തിൽ പ്രകടനം മെച്ചപ്പെടുത്തുന്നതോടെ ആ വിദ്യാർഥിക്കുള്ള ട്യൂഷൻ നിർത്തുകയും ചെയ്യും. രക്ഷിതാക്കൾ ഇൗ പദ്ധതിയെ സ്വാഗതം ചെയ്യുമെന്നാണ്​ പ്രതീക്ഷിക്കുന്നതെന്ന്​ ഫൗസിയ ഗാരിബ്​ പറഞ്ഞു. വിദ്യാഭ്യാസത്തെ കച്ചവടവത്​കരിക്കാൻ ഉദ്ദേശിക്കുന്നില്ല. ട്യൂഷൻ അധ്യാപകർക്കോ വിദ്യാർഥികൾക്കോ ഭാരം സൃഷ്​ടിക്കുന്നില്ല. അധ്യാപകർ അധികം നൽകുന്ന ക്ലാസുകൾ സ്​കൂൾ പ്രവൃത്തി സമയത്ത്​ തന്നെയായിരിക്കുമെന്നും അവർ കൂട്ടിച്ചേർത്തു.